Hvað bleikar og bláir vilja í jólagjöf!

Ég er ekki mjög æst í jólapakka, þó ég færi auðvitað í feita fýlu ef ég fengi enga, en jólagjafasöfnun handa sjálfri mér er ekki svona málefni sem ég myndi stofna þrýstihóp um.

En hvað langar mig í, í jólagjöf í ár?

Búin að svara þessu inni hjá Gurrí og svo hvað mig langar ekki í inni hjá Önnu, en mig langar í bækur.

Svo langar mig í gott heilsufar og hamingju mér og mínum til handa.

Mig langar í rjúpur, en það er ekki möst.

Húsbandinu langar ekki í neitt sérstakt nema rakspíra.  Hann er lítið æstur í gjafir, enda svarar hann því til þegar krakkarnir okkar eru að spyrja hann hvað hann vilji í jólagjöf, að hann óski sér hlýs faðmlags og kossa á kinn.  Hm..

Í Danmörku vilja konur upplifanir í jólagjöf, karlarnir vilja pakka.

Það er þvert á mínar jólagjafarannsóknir, það segi ég satt.

Sumar vinkonur mínar geta ekki á heilum sér tekið fái þær ekki eðalmálma í pakkann.  Sumar flott nærföt og aðrar vilja pelsa.  Flestar eru þær þó í bókadeildinni eins og ég.

Karlar hafa alltaf verið á hliðarlínunni í pakkadeildinni, að því er ég man best.  Verið svona nokk límónaði gagnvart jólagjöfum.  Kannski þekki ég bara svona nægjusama menn?

Annars eru þessar rannsóknir að gera mig enn ruglaðri en ég er fyrir.

Ærið ekki óstöðugan.

Úje.

Falalalalalala

 

Karlar vilja pakka en konur upplifanir

Athugasemdir

[Jóna Á. Gísladóttir, 10.12.2007 kl. 16:35]

ég kasta mér í gólf ef ég fæ ekki almennilegar jólagjafir.

[Hrafnhildur Ýr Vilbertsdóttir, 10.12.2007 kl. 16:39]

Hehe.... þekki þetta mætavel sjálf, langar ekkert brjálæðislega í pakka, en yrði fúl ef enginn væri pakkinn.... er maður ekki klikkaður, og ekki þýðir fyrir mig að gefa húsbandi rakspíra, get varla notað ilmvatn sjálf, hann er svo viðkvæmur fyrir lykt blessaður, verður óglatt. Þannig að bækur eru sívinsælar á mínu heimili.

[Kristín Katla Árnadóttir, 10.12.2007 kl. 17:27]

Ég veit að ég fæ mara Pakka.

[Ásthildur Cesil Þórðardóttir, 10.12.2007 kl. 17:45]

Verð að viðurkenna að ég hef gaman af að fá pakka, en það er miklu skemmtilegra að gefa, sérstaklega þegar manni tekst vel upp og viðtakandinn er innilega glaður með gjöfina, það er besta gjöfin mín.

[Sunna Dóra Möller, 10.12.2007 kl. 18:01]

Ég vil fá pakka og það marga og fer í feita fýlu þegar fólk tekur svona sameiginlegar ákvarðanir um að gefa bara börnunum og hætta að gefa fullorðna fólkinu.....! Ég er vestrænt neyslubarn þó 32 ára sé og viðurkenni það fúslega að ég elska pakka !´(bístviðaðhæfastoppaðíþroskahvaðþettavarðarþegarégvarca10ára )

[Signý, 10.12.2007 kl. 18:47]

Ég bið fólk sem spyr mig hvað mig langi í jólagjöf að gefa peninga í Umhyggju, staðinn fyrir að gefa mér jólagjöf sem endar í kassa niður í gemyslu ég veit aldrei vitað hvað mig langar í svona eftir að ég varð stór...stærri..eitthvað, er heldur engin pakka kona, svo ég yrði ekkert sár þó ég fengi ekkert

Friður! 

[Björg K. Sigurðardóttir, 10.12.2007 kl. 19:04]

Ég blæs á þetta upplifunarkjaftæði. Segi það sama og Sunna Dóra að ég elska að fá pakka. Elska líka að gefa pakka og pakka inn jólagjöfum og allt það. Finnst allt pakkastúss bara mjög skemmtilegt

[Björg K. Sigurðardóttir, 10.12.2007 kl. 19:06]

Vil bæta því við að við sem getum skulum öll kaupa eina aukagjöf og setja undir jólatréið í Kringlunni

[Svanhildur Karlsdóttir, 10.12.2007 kl. 19:30]

Síðan við Ronni fórum að búa saman (2001) og giftumst síðan 2002, þá höfum við ekkert gefið hvort öðru,höfum ekki átt pening,en þegar peningar eru afgangs,þá höfum við keypt eitthvað nauðsynlegt til heimilisins, og látið það duga sem jólagjafir til hvors annars, við erum very happy, eigum hvort annað, elskum hvort annað, gjafir breyta engu.

[Einar Indriðason, 10.12.2007 kl. 19:30]

Aldrei þessu vant, þá er ekkert beinlínis sem stekkur á mig og segir:  "Sko, Við skulum hafa eitt á hreinu.  ÞÚ VILT FÁ MIG! Í JÓLAGJÖF!  Er það ... *SKILIÐ*?"

Ég á mp3 spilara og digital myndavél.  Ég á jafnvel tölvu, nota hana einstaka sinnum til að skrifa háfleyg komment hjá öðrum á blogginu.  Sjónvarpið mitt er fínt í bili, þó það sé ekki flatskjár.  Hverju gleymi ég?

[Svala Jónsdóttir, 10.12.2007 kl. 21:25]

Upplifun smupplifun. Ég vil fá pakka!

Þessar dönsku kvensur eru bara að ljúga í könnuninni til þess að virðast vera menningarlegar (leikhús og svo framvegis). ;)

[Jenný Anna Baldursdóttir, 10.12.2007 kl. 21:28]

Svala: Mér datt það nú líka í hug.  Þekki ekki svona konur, þ.e. sem kjósa óinnpakkaðar upplifanir.  Eru ekki jólapakkar að framkalla alveg heví upplifanir?  Hebbði haldið það.

Annars eruð þið öll hvort öðru skemmtilegra.

[Jenný Anna Baldursdóttir, 10.12.2007 kl. 21:28]

Hvert öðru meina ég, híhí

[Anna Ólafsdóttir (anno) (IP-tala skráð) 10.12.2007 kl. 22:23]

Ég reyni ítrekað um hver jól að sannfæra fólkið í kringum mig um það að ég vilji ekki jólagjöf í pakka, jólagjöfin sem ég fíli best sé fólkið mitt í kringum mig að hafa það skemmtilegt saman, borða mikið, hlæja mikið, sofa mikið okokok ..... en ég er samt líklega léleg að stjórna í fólki því að ég enda samt alltaf með eitthvað í pakka sama hvað ég reyni...