Allt Agli og RÚV að kenna

Ég sit hér og næturblogga en það er alls ekki mér að kenna. () Og endilega ekki vera að fá neinar hugmyndir um að ég sé að aðhafast eitthvað sem ekki má, ef maður er alkahólisti eins og ég, eða ráðherra eins og Össur, því auðvitað er fullkomlega eðlileg ástæða fyrir því að ég og fleiri blogga á nóttunni og það allsgáð þið þarna í klukkulögreglunni.

Stundum þarf maður ró og næði til að hugsa og berja á lyklaborð og svo kemur það fyrir eins og núna að manni er haldið vakandi af heilu batteríi, með Egil Helgason í broddi fylkingar (skamm Egill).

Það er eitthvað að tæknimálunum þarna uppi í sjónvarpi.  S.l. sunnudag var ég með hana Jenný Unu Eriksdóttur og gat ekki verið að horfa á Silfrið og um leið og ég fékk tóm til, fór ég inn á RÚV til að horfa á þáttinn á netinu.  Nebb.  Gekk ekki nema til hálfs, það vantaði helming þáttarins, þannig að ég beið eftir endursýningu fram til miðnættis.  Öll vikan ónýt, ég draugsyfjuð og það er RÚV um að kenna.

Í dag var ég í stelpupartýi og gat ekki horft á þáttinn fyrir en seinni partinn.  Og hvað?  Jú, allir linkar á dagskrá óvirkir.  Og þess vegna var ég að horfa á endursýninguna á Bleika og Bláa þættinum hans Egils, með súperstelpunum þeim Katrínu Önnu, Drífu og Sóleyju Tómasar.  Það var reyndar vel þess virði því það var ekkert um taugaáföll og mannlega harma í settinu og þær fengu frið til að tala, sem er auðvitað dásamleg tilbreyting.

Ég tek mér því það Bessaleyfi að blóta eins og sjómaður, sparka í vegginn og hundskamma oháeffið og Egil Helgason.

Kommon ég er kona, ég lít á mig sem fórnarlamb.  Það stendur í stjórnarskránni.  Það er alltaf allt einhverjum öðrum að kenna.  Jeræt.

Cry me a river.

Farin að sofa, handónýt.

Laga, laga, laga.

Falalalalala

Athugasemdir

[Guðrún B. (IP-tala skráð) 10.12.2007 kl. 02:11]

Þú veist að allir karlmenn verða að eiga eiginkonu .. það er sumt sem þeir geta ekki kennt ríkisstjórninni um

[Guðmundur Jóhannsson, 10.12.2007 kl. 03:20]

Já djö........ hvað maður verður pirraður þegar RUV klikkar svona, Palli ætti að selja jeppan og kaupa betri tölvubúnað.  Hvernig á maður að lifa án frétta frá landinu kalda.

Svo spyr ég eins og "strákur"  þessi Bessi, gefur hann leyfi til að blóta eins og sjómaður.  Svona getur einn STÓR stafur á prenti ruglað mann í rýminu og Egil Helgason líka.

Góða nótt

[Marta B Helgadóttir, 10.12.2007 kl. 07:51]

Góðan daginn Jenný. Góð færsla hjá þér

[Guðríður Hrefna Haraldsdóttir, 10.12.2007 kl. 07:53]

Hmmmm, horfði líka á endursýningu á Silfrinu um og yfir miðnætti ... og vaknaði þó kl. 6.15! Veit alveg hver verður framlág í hádeginu! Þátturinn var mjög góður, sérstaklega femínistarnir, mér fannst þær ná að útskýra mjög vel hvernig snúið er út úr orðum þeirra og málstaður þeirra gerður tortryggilegur.

Morgunknús!

[Laufey Ólafsdóttir, 10.12.2007 kl. 08:19]

Dem, ég missti af þessu! Ætla að finna þetta og glápa þegar tími gefst.

Morgunknús!

[Jenný Anna Baldursdóttir, 10.12.2007 kl. 09:30]

Góðan daginn gott fólk.

Laufey: Þú hefur ekki liffað fyrr en þú sérð stelpurnar hjá Agli.

Gurrí: Mér var eytt hjá ofurbloggaranum líka.  Já loksins fengu þær að útskýra sín sjónarmið.

Hallgerður: Þú ert alltaf glöð og hress og ég er viss um að þetta verður yndislegur dagur.

Marta: Góðan daginn og njóttu hans vel, mín kæra.

Benedikt: Híhí, Bessi, Erill, Ferill og Þórður glaði eru allir með stórum staf hjá mér.

Guðrún: Góð.

[Jenný Anna Baldursdóttir, 10.12.2007 kl. 11:05]

Hallgerður: Iss þessir kallar eru enginn mælikvarði á geðslag kvenna.  Það er flókið víravirki og blúnduverk