Hvert sendi ég reikninginn?

Ekki var ég fyrr búin að skrifa færsluna um hversu þakklát mér væri skammarnær að vera og allt það, þegar ég í minni heilögu sjálfsupphafningu stóð í eldhúsinu og bakaði smákökur fyrir jólin, handa minni fjölskyldu og búmm - það varð rafmagnslaust.

Kertin voru ekki innan seilingar, ég gekk á húsgagn eða tvö í trylltri leit minni að ljósmeti og ég hugsaði, andskotans, helvítis ári og fjári.  Þakklæti og auðmýkt höfðu vikið fyrir fleiri tonna pirringi.  Nú ég fann loksins kertin og svo var bara að setjast niður og bíða.  Þá rann það upp fyrir mér hversu rosalega maður er háður rafmagni.  Ísraelsmenn eru nefnilega að fara taka rafmagnið af Gazasvæðinu þ. 21. desember.  Nú, ég áttaði mig á því þarna í myrkrinu að ég gæti ekki einu sinni hringt í heimilissímann og gemsinn var einhversstaðar.  Ég upplifði mig fatlaða, aleina og mér fannst ég eiga ógurlega bágt og það finnst mér reyndar enn.

Kökurnar skemmilögðust, borðtölvan er í messi, hún vinnur svo hægt að ég verð sennilega að fara með hana og láta laga.  Ég er auðvitað heppin að eiga lappa, en það er aukaatriði og ekki segja að ég sé ofdekraður vesturlandabúi.  Púkinn í mér hefur tekið völdin.

Hvert í andskotanum á ég að senda fargings reikninginn fyrir tölvuviðgerð?

Ha?

Jól hvað?

Falalalala hvað?

Rafmagnslaust í Seljahverfi

Athugasemdir

[Ásdís Sigurðardóttir, 8.12.2007 kl. 00:34]

Sko, þins sendir ekki reikning fyrir svona friðarstund, vertu bara góð, betri og best.

[Edda Agnarsdóttir, 8.12.2007 kl. 01:25]

Það er sko nebbilega thað!

Hringiru bara ekki í krúttakallinn Össur?

[María Kristjánsdóttir, 8.12.2007 kl. 02:20]

Eins og þú veist þá geturðu ekki sent reikinginn neitt annað, það er bara ákveðinn hópur í samfélaginu sem getur gert það. Þess vegna spyr ég bara hvaða kökur varstu að baka?

[Jenný Anna Baldursdóttir, 8.12.2007 kl. 02:31]

María: Kornflextoppa, svona marengs eitthvað, jösses hvað þeir voru ónýtir.

Edda: Þýðir það nokkuð svona um hánótt?  Hann er örugglega bloggandi og tekur ekki símann.

Ásdís: Það er sko engin friðarstund sem er neydd upp á mann.

[Sunna Dóra Möller, 8.12.2007 kl. 09:26]

Góðan daginn ! Vonandi er rafmagnið komið á...... og þú tekið gleði þína á ný!

Bestu kveðjur og njóttu dagsins !

[Jónína Dúadóttir, 8.12.2007 kl. 10:57]

Má sem sagt skilja það þannig að þú hafir ekki fundið neina rómantík í rafmagnsleysinu......  Leitt með kökurnar og vonandi meiddir þú þig ekki við árekstrana

[Jenný Anna Baldursdóttir, 8.12.2007 kl. 11:06]

SD: Ég er eins og gullfiskur, gleymi öllum hörmungum nánast um leið og ég er búin að blogga um þær

Hallgerður: Góðan daginn, þú bara bælir fletið alveg langt fram á dag, hehe, þetta kallast nú ekki að koma seint á fætur, en í þínu tilviki er það svoleiðis þar sem þú ert með árrisulari konum.

Jónína: Bílfíjúmí ekkert minnsta rómantískt að vera í miðjum jólaönnum og lenda í myrkvun.  Hehe

[Ásthildur Cesil Þórðardóttir, 8.12.2007 kl. 11:07]

Þú sendir náttúrulega reikningin á orkuveituna.  Eða er hún ekki orkuveitandinn þinn í þessu tilfelli

[Jenný Anna Baldursdóttir, 8.12.2007 kl. 11:23]

Ásthildur: Mér þætti gaman að sjá þá taka ábyrgð á þessu og geiða mér viðgerðina.  Jájá.  Fyrr frýs í júnó.

[Steingrímur Helgason, 8.12.2007 kl. 21:57]

Gæti verið verrara.  Félagi minn lenti í því fyrr í vikunni að vakna upp með það að morgni að allar tölvur hans sem & önnur smáspennutæki eins &, afruglari, DVD, videó, sjónvarp & annað sem að við skiljum eftir í gangi yfir nætur, voru brunnin yfir.   Það að rafmagn fari af þessum tækjum er slæmt, en miklu verra þegar það kemur inn aftur af meira afli, svona til að bæta upp fyrir orkumissinn.  Sem betur fer þá hafði hann slegið út stúdíóinu, (hann vinnur heima við upptökur),  áður en hann fór að sofa, annars hefði verið milljónatjón.

Tölvugöng hans er mér auðvitað auðvelt að endurheimta, svo hann geti nú haldið áfram að vinna jólalögin.