Ábendingar óskast

Áfram held ég með bókaóskalistann minn en það eru bækur sem ég ætla að kaupa, fá lánaðar eða láta gefa mér í jólagjöf.

Bókhaldið verður að vera á hreinu.

Vigdís Gríms

Einar Már

Sigurður Pálsson

Gerður Kristný (báðar bækur, líka barna)

Jónína Leós (Tjékk, komin í hús)

Ingibjörg Haralds

Pétur Gunnars (Bókin um Þórberg)

Pétur Blöndal (ekki alþingismaður)

Hrafn Jökulsson

og fleiri.  Ábendingar um nýjar bækur þegnar. 

Ekki væri verra að fá að heyra álit þeirra sem þegar eru búnir að lesa þessar á listanum.

Segi það enn og aftur; ég myndi myrða fyrir að vera í aðstöðu til að lesa allar útgefnar bækur, en lífið getur verið bölvuð tík.

Falalalala

Athugasemdir

[Sunna Dóra Möller, 6.12.2007 kl. 17:48]

Ekki hef ég nú lesið neitt af þessu og langar í margar og ég er ákveðin í að kaupa barnabókina hennar Gerðar Kristnýjar handa stelpunum mínum!

Það er svo gaman að fylgjast með þessum bókaútkomum fyrir jólin, alltaf haugur sem mann langar að lesa .

[Hrönn Sigurðardóttir, 6.12.2007 kl. 18:30]

Ég ætla að skjótast á eftir út í Bókakaffi til Bjarna Harðar og hlusta og horfa á Jökulsbörn kynna bækurnar sínar........

[Ásdís Sigurðardóttir, 6.12.2007 kl. 18:33]

Ég hef heyrt að Harðskafi sé snilld. Dómur frá systur minni sem er sextug og les mikið. Meira hef ég ekki.

[Einar Indriðason, 6.12.2007 kl. 19:21]

Jenný, hefurðu spekúlerað í því að sækja um vinnu í bókasafni?  Þar gætirðu fengið að lesa allar þær bækur sem þig langaði í, bæði nýjar og gamlar.

[Jenný Anna Baldursdóttir, 6.12.2007 kl. 19:28]

Einar: Vann í bókabúð um nokkra ára skeið og vann svo mikið að ég komst aldrei yfir að lesa allt.  Heldurðu að það væri príma að hafa lestrarnörd eins og mig, meðvitundarlausa ofan í bókinni þegar ég ætti að vinna á safninu? Hehe, nebb, verð að fjárfesta í mínum bókum bara. Takk samt fyrir ábendinguna.

Ásdís: Er með krónískt antipat á krimmabókum, en hver veit, kannski ég dembi mér í Arnald.

Hrönn: Já ég gleymi henni Unni, OMG, bæti henni á listann. 

SD: Já og svo er Jónína Leós með athyglisverða unglingabók sem ég gleymdi að geta um, þarf að lesa hana.

Maður hefur ekki liffffffffffað fyrr en búið er að taka jólaútgáfuna eins og hún leggur sig.

[Ingigerður Friðgeirsdóttir, 6.12.2007 kl. 19:34]

Bendi þér á bókina  Gegnum Rifurnar eftir Sirrý Sig. Þetta er mjög góð barna og unglingabók fín fyrir barnabörnin.

[Jenný Anna Baldursdóttir, 6.12.2007 kl. 19:49]

Hallgerður: Nú hló ég upphátt, þessa konu hefði ég viljað þekkja.

Ingigerður: Takk fyrir þetta.

[Svanhildur Karlsdóttir, 6.12.2007 kl. 20:38]

Var formaður bókasafnsins í 2 ár, vá yndislegt, réði svona í og með hvaða bækur voru keyptar inn, fór með þær heim, skráði og las (margar andvökunætur), en gat þá svarað þegar fólk spurði hvernig bækurnar væru.  Þurfti endilega að flytjast í burtu,svo ég missti mína draumavinnu. 

Þó svo ég eigi 16 barnabörn í dag, þá tek ég helst spennubækur á bókasafninu (er bara að hugsa um mig) enda dýrt að gefa eða kaupa bækur í dag. Hef ekki komist í neina af þeim sem þú telur upp. (er líklega ekki eins háfleyg og þú).....er ölll í spennunni hvort sem hún er íslensk eður ei. 

[Jenný Anna Baldursdóttir, 6.12.2007 kl. 20:52]

Svanhildur: Takk fyrir þetta skemmtilega innlegg og þetta hefur svo sannarlega verið draumadjobb.

Bókasmekkur hefur ekkert með háfleygni að gera enda ekki einn einasti höfundur sem ég nefni uppskrúfaður nema kannski hann Sigurður Pálsson en honum leyfist það því hann hefur stíl.

[Kolgrima, 6.12.2007 kl. 21:00]

Ég mæli hiklaust með Sköpunarsögum Péturs Blöndal. En ég er svo sem ekki alveg hlutlaus.

[Jóhanna Magnúsar- og Völudóttir , 6.12.2007 kl. 21:10]

Er byrjuð á BÍBÍ - hennar Vigdísar Gríms og finnst hún frábær.. skil meira í henni en mér er kannski hollt.  ...

[Birna Dis Vilbertsdóttir (IP-tala skráð) 6.12.2007 kl. 21:21]

Einar Már las úr sinni bók í Grafarvogskirkju um daginn( reyndar að kvöldi til). Ég gef mér þá bók að gjöf,bókin er auðvitað snilld. Elísabet Jökulsdóttir og Hrafn Jökuls skrifa líka bækur í ár. Hef lesið aðeins um bók Krummans og líkar vel það sem ég las. Og reyndar er ég mjög spennt fyrir bók Elísabetar,las ágrip úr henni líka.

[Jón Steinar Ragnarsson, 6.12.2007 kl. 22:15]

Jón Kalmann og Óttar Norðfjörð freysta mín einna mest. Minnir að þær heiti Himnaríki og helvíti og Abrahamshnífurinn. Svo er það náttlega vinur minn Arnaldur Indriða G son.

[Marta B Helgadóttir, 6.12.2007 kl. 22:34]

Jón Kalman toppar óskalistann hjá mér þessi jólin. Hlakka til að lesa hana, kaupi hana í jólagjöf frá Mörtu til Mörtu bara svona til öryggis ef systur skyldu ekki vera að lesa þetta hér og nú

Ég er alveg sammála þér með Sigurð Pálsson en ætla samt að segja pass á þessa nýju bók frá honum.

[arnar valgeirsson, 6.12.2007 kl. 23:44]

bókin hans hrafns er frábær. svo fannst mér hótel borg virkilega fín og líka hliðarsporin hans ágústs borgþórs.

er að lesa breiðavíkurdrenginn. holl lesning og fín bók en flokkast ekki undir skemmtun. hlakka til að lesa konung norðursins eftir val gunnars. en jón kalman er víst frábær núna, segja bókabéusar.

[Ragnhildur Sverrisdóttir, 7.12.2007 kl. 13:29]

Það eru svo margar áhugaverðar bækur núna... Á þessu heimili er löngu ákveðið að systur fá Ballið á Bessastöðum eftir Gerði Kr., ég á reyndar bágt með að bíða til jóla. Sjálf hef ég ekki lesið neitt ennþá, nema Harðskafa. Hún er lang besta bókin frá Arnaldi frá því að hann skrifaði Grafarþögn. Las hana í einum rykk á leið til Ameríkunnar um daginn og var spæld þegar ég kláraði.

[Jenný Anna Baldursdóttir, 7.12.2007 kl. 14:08]

Ragnhildur: Já og þín bók fér á listann, hvernig get ég gleymt Pólstjörnunni, OMG

Arnar:Breiðavíkurdrengirnir, takk fyrir að minna mig á hana.

Marta og Jón Steinar: Við Íslendingar erum krimmaóð þjóð

Birna Dís: Já Elísabet fer á listann líka.

Jóhanna: Ég skil ALVEG hvað þú meinar án þess ég fari nánar út í það

Kolgríma: Nú drepur þú mig úr forvitni

Að öllum þessum bókum viðbættum á óskalistann má sjá að ég þarf að fara að sækja um vinnu á bókasafninu.  Það hefur enginn fjármuni í öll þessi bókakaup.  Farin að sækkja um

[Ragnhildur Sverrisdóttir, 7.12.2007 kl. 14:29]

Ég held að ég sé að starta nýju trendi: Áramótabókaflóði. Það dregst og dregst að Pólstjarnan komi úr prentun. Nýjasta dagsetningin er næsta mánudag. Pray with me, sister

[Jenný Anna Baldursdóttir, 7.12.2007 kl. 14:41]

Ragnhildur: Er komin á hnén, sko agljörlega.  Hvern getum við dregið til ábyrgðar hérna?