Jólastemming í tali og tónum..

 

eða.. í tónum ef þið kaupið nýja jólalagið frá Baggalút.

Hér í húsi er undirbúningur undir jólin á fullu blasti.  Úje. 

Út um eldhúsgluggann sé ég blokk og þar gefur á að líta eina sundurleitustu jólaskreytingu mannkynssögunnar, þ.e. hvað varðar liti lögun og skreytingaraðferðir.  Mér finnst það lýsa svolítið einstaklingseðli Íslendingsins, að búa með öðrum en gefa fjandann sjálfan í  alla sýmmetriu og skreyta sjálfstætt.  Ekkert samvinnukjaftæði neitt.

Mér finnst þetta krúttlegt, jafnvel þó blokkin, sé á að líta eins og vafasamur samkomustaður fyrir perra sem ferðast til ónefndra Asíulanda í svínslegum tilgangi.

Á einum stað er búið að skreyta jólatré.  Mér varð svo mikið um að ég hringdi í jólalögregluna og kærði viðkomandi.

Annars er ég að baka, hvað annað, fellur aldrei verk úr hendi í desembermánuði, ég er svo svakalega jóluð á því.

Nú er ég að hlusta á jólalög með Frank Sinatra, búin að kveikja á kertum og ilmurinn úr eldhúsinu er svo lokkandi.

Falalalalala

Baggalútur í jólafíling

Athugasemdir

[Ragnheiður , 4.12.2007 kl. 22:07]

Iss bara..þú ert að horfa á mitt gamla heimili, ég gef skít á nágrannana í dag og alla symmetrik. Er sko í einbýli *sný upp á mig* og fann enga útiseríu í dag. Dæs...herfilegt hvað ég á bágt.

Ætlarðu ekki að koma í heimsókn jólasnúðurinn þinn bráðum ? Dúa ratar sko

[Jenný Anna Baldursdóttir, 4.12.2007 kl. 22:15]

Sounds like a plan mín kæra, tek Dúuna undir arminn og læt hana koma með uppskriftir (sjá færslu fyrir neðan)

[Sunna Dóra Möller, 4.12.2007 kl. 22:16]

Elska þessi jólablogg þín !

Takk fyrir mig og góða nótt!

péess...búin að kaupa sko 4 jóladiska með Bó í dag !

[Edda Agnarsdóttir, 4.12.2007 kl. 22:23]

Þú ert aldeilis búin að vera aktív í bloggeríunu í dag - ég opna ekki bloggið öðruvísi en ný færsla er komin frá þér! Ert í fingraleikfimi?

Hafðu það skemmtilegt í jólastússinu - knús á þig!

[Jenný Anna Baldursdóttir, 4.12.2007 kl. 22:27]

Edda mín: Í dag hef ég ærna ástæðu til að dreifa huganum.  Dánardagur barnabarnsins míns er í dag, það er vont og ég hef dundað mér við þetta.  Ekki að ég hafi ekki verið manísk á blogginu áður svo sem.

SD: Er í lagi með ykkur þessar ungu konur.? Djók, njóttu diskanna.

[Sunna Dóra Möller, 4.12.2007 kl. 22:40]

Sendi þér , vona að morgundagurinn verði þér betri en dagurinn í dag. Ég hugsa svo oft þegar vondir dagar koma að það besta sem Guð hefur skapað er nýr dagur! Farðu vel með þig !

[Þröstur Unnar, 4.12.2007 kl. 22:43]

Hlýjar kveðjur til þín Jenný Anna.

Ég veit ekki hvernig fólk kemst yfir svona atburði.

[Anna Ólafsdóttir (anno) (IP-tala skráð) 4.12.2007 kl. 22:57]

Aftur og nýbúin - Henni féll aldrei verk úr hendi  Þetta orðatiltæki passar greinilega afskaplega vel við þig þessa desemberdaga.

 Að því sögðu: Sendi þér hlýjar kveðjur á þessum degi. Líklega getur enginn sett sig í spor þess sem missir barn eða barnabarn nema sá sem hefur reynt sjálfur. Stórt faðmlag frá mér

[Guðríður Hrefna Haraldsdóttir, 4.12.2007 kl. 22:58]

Knús, elsku krútt. Takk fyrir yndislegu jólabloggin þín. Heyri aldrei jólalög, nema í auglýsingum í sjónvarpinu í fjarlægð ... það dugir ekki til að koma mér í jólaskap, þá er bara að kíkja til þín!

[Lára Hanna Einarsdóttir, 4.12.2007 kl. 23:08]

Veistu, Þröstur...  ég held að maður komist aldrei yfir svona atburði - en maður lærir að lifa með þeim.

[Jóna Á. Gísladóttir, 4.12.2007 kl. 23:13]

Jólaknús á þig jólabarnið mitt

[Þröstur Unnar, 4.12.2007 kl. 23:32]

Já Lára Hanna, þannig er það víst.

[Bjarndís Helena Mitchell, 4.12.2007 kl. 23:33]

Knús frá mér líka.

[Guðrún B. (IP-tala skráð) 4.12.2007 kl. 23:51]

Hehe skemmtileg færsla.  Ég fór meira að segja að leita að gömlu vínel plötunum mínum með öllum gömlu jólalögunum.

Ohh.. svo fann ég þær, en plötuspilarinn er enginn.. og þær eru allt of stórar í geisladrifið

Jólaknús.

[Einar Indriðason, 5.12.2007 kl. 00:18]

Jólaskap segirðu?  Ég setti jóladisk baggalúts á spilarann.  Það kom mér aðeins í meira jólaskap....

Eitthvað svo jólalegt að hlusta á ... "VIÐ LOKUM EFTIR 10 MÍNUTUR" (The final countdown), sem dæmi

[Ásthildur Cesil Þórðardóttir, 5.12.2007 kl. 11:52]