Hamfarablogg

Tilmæli til Rósu Magnúsdóttur, deildarstjóra hollustuhátta og félaga hennar, hjá umhverfissviði Reykjavíkurborgar.

Ég las í DV (já fékk það inn um lúguna, óbeðið og ekki orð um það meir) að ólögleg reykherbergi á ýmsum skemmtistöðum í miðbænum séu til "skoðunar" en Rósa segir að þarna sé greinilega verið að brjóta lög.

Nefndir eru staðirnir Barinn á Laugavegi 22 og hugsanlega ólöglegar útgáfur á reykrými á Hressó og Rex.

Úff mér sem borgara lýst ekki vel á að það sé verið að brjóta reykbannslögin hingað og þangað (jeræt) en við hverju bjóst þetta fólk?  Ef þetta er ekki forræðishyggja heiti ég Gulli heilbrigðis.  Reyndar heyrist ekki píp frá frjálshyggjupostulunum um málið, um umhyggju þeirra fyrir frelsi einstaklingsins og fyrirlitningu þeirra á boðum og bönnum.

En þetta er útidúr.

Rósa mín, það er vinnustaður, sem sumir kalla einn aðalskemmtistað bæjarins og sá stendur við Austurvöll, (Café Althing) og þar reykja starfsmennirnir eins og m-fokkers í kjallarakompu sem reyndar hefur verið sýnd í sjónvarpinu, þannig að þar er verið að brjóta lög og brotaviljinn er einbeittur.

Starfsmaður Alþingis sagði í sjónkanum að það sé ekki hægt að láta Alþingismenn og konur standa úti í öllum veðrum, húkandi undir húsvegg, slíkt sé ekki sæmandi á hinu háa Alþingi.

Ég spyr; Eru þeir minna vatns- og kuldaheldir þarna við Austurvöllinn en við ótýndur almúginn?

Ha Rósa, hvað segist?

Og..

Þar sem viðkomandi þingmenn settu reykbannslögin, er þá ekki sjálfsagt að þeir praktiseri þau á sjálfum sér?  Taki generalprufu á að fylgja eftir eigin lögum áður en þeir skella þessu óæfu á okkur hin.

Halló..

Siðleysi hvað?

Farin út í smóka og ég er ekki að djóka.

Falalala

Athugasemdir

[Jóna Á. Gísladóttir, 3.12.2007 kl. 20:47]

Jólasveinar, einn og átta

ofan kom'af Alþingi

Í kvöld aallir þeir fór'að reykja

í EMM-EFF kjaaall-ara-kompunni

Þetta eru nú meiri andskotans fíflin. Hvernig væri nú að nota mannskapinn til að gera húsleitarrassíu þar sem ólögleg fíkniefni eru höfð um hönd?

[Jón Bragi Sigurðsson, 3.12.2007 kl. 21:12]

Enn sem fyrr er ég þér innilega sammála í þessu máli.

Þessi sami fasismi dundi á oss hér í Svíaríki fyrir þremur árum minnir mig og hefur tekið á sig ýmsar fáránlegar myndir. Sum veitingahús bjóða gestum sínum uppá teppi þegar þeir sitja úti og eru með hitalampa til að gera þeim lífið bærilegra.

Sum þeirra setja upp vegg og þak þannig að það rigni ekki á þá og blási. Og sumir eru svo umhyggjusamir að setja upp þrjá og jafnvel fjóra veggi. En, þá er komið í illt efni... Þá er þetta ekki lengur "úti" og þá koma yfirvöld og banna reykingar á þessu svæði.

Er þetta einhver vitglóra?!

[Anna Ólafsdóttir (anno) (IP-tala skráð) 3.12.2007 kl. 21:32]

Jóna góð  Þetta er nottla bara alveg ótrúlegur tvískinnungur að ætla að fara í einhvern lögguleik gagnvart þessum stöðum en "gleyma"  þessari kompu í þinginu.

[Jón Steinar Ragnarsson, 3.12.2007 kl. 21:52]

Þetta fólk hefur ekkert annað að gera en að hugsa upp svona leiðindi.  Rósa er sennilega að láta vita að hún er að vinna fyrir kaupinu sínu. Svona blossar upp annað slagið t.d. hjá hlandfroðunum í Lýðheilsustöðinni.  Bursta tennur, drekka vatn, drekka mjólk, borða grænmeti herferðir, bara svona til að láta vita að þessi hópur af fólki sé að gera eitthvað. Hvort það er eitthvað vit í því eða hvort það snertir samkeppnis, jafnræðis eða mannréttindalög er aukaatriði.

'Eg bið fólk sem hræsnar svona, vinsamlegast að fara út á svalir og gera það þar.

[Jón Steinar Ragnarsson, 3.12.2007 kl. 21:54]

Manni getur jú súrnað í augum yfir bulli líka sko.

[Sunna Dóra Möller, 3.12.2007 kl. 22:09]

Það á henda þessum Alþingismönnum út að reykja og ekki seinna en í gær! Hvernig er hægt að bera virðingu fyrir svona lögum ef að þau sem að setja þau gera það ekki sjálf! Ég er bara alveg orðlaus !

Fuss og svei!!

nætínæt

[Þröstur Unnar, 3.12.2007 kl. 22:16]

Tek þátt í öllum hamförum gegn reykingartregðandi athöfnum.Arrrggg.

[Jenný Anna Baldursdóttir, 3.12.2007 kl. 23:12]

Jóna: Ég er í kasti. GMG

Jón Bragi: Kommon í Svíþjóð leit út fyrir um tíma að maður mætti ekki reykja í sínum "eigins" garði.

Anna: Tvískinnungur, þú sagðir það og ég meinti það.

Benedikt: Fyrirgefðu, gat ekki svarað þér fyrr, var úti að júnóvatt á svölunum

Jón Steinar: Góður

SD: Út með mennina (konurnar) og það strax, finna lögin á sínum eigin lungum

Þröstur: Stofnum þrýstihóp

[Jóna Á. Gísladóttir, 3.12.2007 kl. 23:36]

þrýstihópurinn LESTU hérna.... mail til þín

[Fríða Eyland, 4.12.2007 kl. 00:03]

Til gaman og yndisauka langar mig að seigja þér sögu Jenný af gömlu konunni sem aldrei hefur reykt en ætlar ekki á veitingastað fyrr en þessum ólögum verður aflétt.

Þannig var að hún fór út að borða með sínu fólki, börnum og tengdabörnum og allt gekk vel maturinn bragðaðist vel og fólkið var glatt. Eftir matinn tæmdist borðið þegar fólkið fór út á götu í smók, sú gamla sat ein eftir og var ekki skemmt...hennar orð lýsa því best " þetta var svo vandræðalegt að vera þarna ein við borðið, leið eins og álku.

[Jenný Anna Baldursdóttir, 4.12.2007 kl. 00:06]

Fríða: Hahahahaha

[aggi (IP-tala skráð) 4.12.2007 kl. 02:31]

[e-mail]

[Ásthildur Cesil Þórðardóttir, 4.12.2007 kl. 09:02]

Algjörlega fullkomlega rétt og skarplega athugað hjá þér.  Sá sjálf þetta viðtal.  Ef þeir fara ekki eftir þessu sem setja lögin, hvernig geta þeir ætlast til að aðrir fylgi því.  Svei mér þá alla daga.

[Steingrímur Helgason, 4.12.2007 kl. 09:46]

120% rétt.  Svei mér þá um allar nætur nema síldarnætur...