..og þeir sturta ekki einu sinni niður!

Nú eru Ástralar að stafesta Kyoto-sáttmálann.  Þar kom að því og það mun eiga að sýna breytt hugarfar Ástrala gagnvart losun gróðurhúsaloftegunda. "Þetta er fyrsta formlega stjórnarathöfn nýju áströlsku stjórnarinnar og sýnir fram á að ríkisstjórn mín er staðráðin í að berjast gegn loftslagsbreytingum," sagði Rudd í yfirlýsingu.

Þá er einni umhverfissubbunni færra, ekki leiðinlegt.

En Bandaríkjamenn halda áfram að þráast við og vaða á heimsklósettið með niðurgang og sturta ekki niður. 

Ég er nánast viss um að þeir þvo ekki einu sinni á sér lúkurnar að lokinni útsleppingu.

Fruuuuuuuusssssssss!

Æl og úje

Ástralar staðfesta Kyoto-sáttmálann

Athugasemdir

[Hagbarður, 3.12.2007 kl. 12:29]

Það er nú ágætt að Ástralir skuli loksins komnir í þennan hóp. En svo er það spurning um ágæti svona yfirlýsinga eins og Kyoto-bókunin er. Við þurfum svo sem ekki að fara út fyrir túngarðinn til að koma auga bjálkann í auganu hjá okkur. Við notum mest af raforku (þegar búið er að mínusa stóriðju) á mann í veröldinni (Líklega enginn sóun hér?). 15% af orkunni sem felst í framleiðslu rafmagns úr gufuaflsvirkjunum nýtist. Hitt fer út í loftið. Losun brennisteinsvetnis gufuaflsvirkjunum í nágrenni Rvk. hefur aukist svo mikið á undanförnum árum að það er spurning hvort það er orðið heilsuspillandi. Flestir mæta akandi á eigin bíl til vinnu og á hverjum degi myndast umferðarhnútar í byrjun og lok dags. Umferðarhnútarnir eru myndaðir af fólki sem oftast er eitt í bílum.

Líklega erum við Íslendingar "orkusóðar". Rafmagnið og heita vatnið er það ódýrt að notum meira af orku en aðrar þjóðir og erum orðin svo langt leidd í orkubruðlinu að við teljum að orkusóun okkar megi réttlæta með því að orkulindirnar hér séu endurnýjanlegar. Umferðarteppur og umferðarhnútar geta verið dæmi um að orkan sé of ódýr. Spurning hvað olían/bensínið þarf að hækka mikið til að fólk fari að fjölmenna í bílana eða unnið verði að alvöru áætlunum í almenningssamgöngum.

[Jenný Anna Baldursdóttir, 3.12.2007 kl. 12:35]

Ég er sammála Hagbarður, við erum svo sannarlega ekki barnanna best.