Sorg og gleði

Miðað við hvernig þessi dagur hefur verið hjá mér, þá hljóta allir dagar sem á eftir koma að verða fínir.  Þessi var sem sagt ómögulegur.

En nú er hann búinn. Tjékk.

Þessi tími ársins er alltaf svolítið erfiður þ.e. fram yfir 4. desember, sem er dánardægur litla barnabarnsins míns hans Arons, sonar hennar Maysu minnar.

En lífið heldur áfram.  Ég er snögg að ná mér upp.

Ég talaði við yndislega vinkonu mína áðan og mér leið strax betur, fékk að blása út.  Takk elsku besta

Mamma mín hún Anna Björg er 79. ára í dag (3. des.).  Hún er besta mamma í heimi auðvitað og ég var að hugsa um hversu heppin ég er að eiga mömmu eins og hana.  Konan er megakrútt með hjarta úr gulli. 

Til hamingju mamma mín og á morgun kíki ég til þín og knúsa þig í kremju.

Svo kemur eitt yndislegt jólalag til ykkar frá mér, í boði hússins.

Góða nóttina dúllurnar mínar.

Falala....

 

 

Athugasemdir

[Ragnheiður , 3.12.2007 kl. 01:02]

Klús á þig sætasta mín, en hvað ég skil þig. Öll svona tímamót rífa í mann. Til hamingju með mömmuna þína.

Mér þykir vænt um þig elskulega Jenný min

[Jenný Anna Baldursdóttir, 3.12.2007 kl. 01:06]

Takk Ragga mín, sömuleiðis alla leið til tunglsins og til baka aftur

[Bjarndís Helena Mitchell, 3.12.2007 kl. 01:10]

Knús frá mér og til hamingju með mömmuna þína.

[Jóna Á. Gísladóttir, 3.12.2007 kl. 01:15]

Ekki var blásturinn nú mikill hjá þér snúllan mín. Ég tek sko á móti svona vindhviðum  hvar og hvenær sem er. Til hamingju með mömmsluna þína. Góða nótt Jenfo sweet dreams.

[Sunna Dóra Möller, 3.12.2007 kl. 08:25]

Góðan daginn, þetta jólalag fær mig alltaf til að tárast það er svo fallegt !

Ég tek undir með Hallgerði, ég hugsa að það sé ekkert í þessum heimi eins erfitt og að horfa á eftir barni og ég vona að þú og dóttir þín fáið allan þann styrk sem þið þurfið á þessum tíma.

Til hamingju með mömmu þína!

Bestu kveðjur

[Linda litla, 3.12.2007 kl. 08:55]

Þetta lag olli því nú bara að ég fékk fiðring í magann og fann að jólin  eru að fara aðkoma.

Til hamingju með mömmu þína Jenný mín.

Kv. Bloggvinkona.

[Ásdís Sigurðardóttir, 3.12.2007 kl. 09:12]

Elsku Jenný, innilega til hamingju með hana mömmu þína, njóttu hverrar stundar sem ykkur gefst. Ég skil sorgina í hjarta þínu með litla barnið, það er sárt að sakna, litlir gullmolar munu þó geta glatt ömmu sína næstu daga og vikur grunar mig.  Eigðu ljúfan dag, ég er að fara í bæinn núna að hitta prest og útfararstjóra, varð að kíkja á þig áður. Love U girl. 

[Ásthildur Cesil Þórðardóttir, 3.12.2007 kl. 09:33]

Til hamingju með móður þína Jenný mín.  Ég skil þig svo vel.  Ég missti lítinn bróður 7. mánaða.  Það fennir samt í sporin, svo undarlegt sem það er.  Risa knús á þig bestust og flottust. 

[Steingerður Steinarsdóttir, 3.12.2007 kl. 09:51]

Þú átt alla mína samúð. Það er hræðilegt að missa barn. Megi dagarnir brosa við þér hér eftir.

[Jenný Anna Baldursdóttir, 3.12.2007 kl. 09:55]

Takk stelpur, núna er sinnið ögn léttara og ég á leiðinni í þvottahúsið.  Aldrei friður, nema á jólunum.

[krossgata, 3.12.2007 kl. 11:18]

Ég get ekki hugsað þá hugsun til enda að missa barn.  Eigðu góðan dag í dag og alla daga.

[Hildigunnur Rúnarsdóttir, 3.12.2007 kl. 11:29]

Megi minning Arons lifa.

Hugsa til ykkar :)

[Jenný Anna Baldursdóttir, 3.12.2007 kl. 23:19]

Takk Hildigunnur og Krossgata.