Jólatörnoff

 

Jólasveinar heimsins eru að undirbúa sig fyrir jólahátíðina í Berlín. 

Sá sem býður, hlýtur að vera þýski jólasveininn.

Ég er með fordóma gagnvart þýskunni, ég veit að það er skömm að því, þetta á þýsku hafa verið skrifaðar margar bókmenntaperlur. 

Mér finnst þýskan bara svo köntótt, laus við að vera sýmmetrísk og svo er engin melódía í henni. 

Allavega, þá viðurkenni ég hér með fordóma mína og í leiðinni þá játa ég að það er tæpast til meira jólatörnoff í mínum huga en jólasveinn sem talar þýsku.

En til að stemmingsjafna, þá viðurkenni ég að fallegasta jólalag í heimi samið á þessum tungubrjót.

Heims um ból hvað?

Úje og falalalala

Ég er farin í þýskunám til að losa mig við fordómana.

Jólasveinar undirbúa sig í Berlín

Athugasemdir

[Svala Erlendsdóttir, 2.12.2007 kl. 19:17]

Hehe, þetta er nákvæmlega það sama og mér finnst um frönskuna. Mér finnst frakkar alltaf vera að rífa kjaft og skammast. Er það líklegast vegna þess að ég skil ekki stakt orð í frönsku og get ekki hugsað mér milda jólasveininn á frönsku  Skil aftur á móti smá í þýsku og finnst jóli ágætur í því gerfi  Annars finnst mér jóli bara eiga að vera íslenskur allstaðar í heiminum. Hann kemur jú úr Esjunni. í ullarsokkum með þæfða skotthúfu

[Jónína Dúadóttir, 2.12.2007 kl. 19:19]

Sama hér mér finnst þýskan allt í lagi en hef verulega fordóma gagnvart frönsku.... of erfið fyrir mig kannski... Og jólasveinninn er íslenskur !!!

[Linda litla, 2.12.2007 kl. 19:22]

Ohh.... ég er alveg sammála þér, þoli ekki þýsku.

Er að spá í að skella mér með þér í þýskunám til að losa mig við fordómana líka.

[Ragnheiður , 2.12.2007 kl. 19:35]

ja..hef bara ekki pælt í þessu svona. Athyglisverður punktur þetta hehehehe

Persónulega hrifnari af frönskunni, þýskan er svo hörð

[Ragnheiður , 2.12.2007 kl. 19:37]

Æj ég er jólaauli...var að sjá börn á jólaballi og fékk tár í augun, þau voru svo innilega glöð. Jólaball einstakra barna.....

[Sunna Dóra Möller, 2.12.2007 kl. 19:42]

það er tæpast til meira jólatörnoff í mínum huga en jólasveinn sem talar þýsku

Þetta er það fyndnasta sem ég hef lesið í dag , fékk svona myndrænt og hljóðrænt skot í hugann .....  Þetta er alveg sehr, sehr gut!

Nú er bara að panta þýskukennslu hjá Mími í jólagjöf !

Gute nacht

[Anna Ólafsdóttir Björnsson, 2.12.2007 kl. 22:47]

Oh, tungumál, skemmtilegt umræðuefni. Var látin læra fullt af þýskum ljóðum sem eru svo hrikalega falleg, og sum með ljóðum, að ég kolféll fyrir málinu. Franskan er líka flott, en fallegust finnast mér slavnesku málin, þau eru einhvern veginn svo heillandi. Hef verið að reyna að læra smá serbó-króatísku gegnum árin, en satt að segja hef ég nánast ekkert við málið að gera, þannig að það verður ekki mikið úr því.

Spánskan, sem ég lærði sem krakki, þegar mamma og amma ákváðu að flytja til Spánar í hálft ár, var nánast drepin í menntó þegar við voru látin lesa einhvern exístensíalista (leiðinlegan) og lærðum svona 7 heiti á öldugjáflri en gátum ekki keypt okkur ís skammlaust á Spáni (nema ég sem lærði það sex ára). En til að sanna mál mitt um leiðinlega spönskukennslu þá var ort um kennarann minn og námsefnið:

Sjáið fjandafæluna

forðist drenginn þenna

sem Unamuno-æluna

er að reyna að kenna!

[Anna Ólafsdóttir Björnsson, 2.12.2007 kl. 22:48]

Afsakið, á að vera: öldugjálfri, eins og glöggir hafa eflaust áttað sig á.

[Anna Ólafsdóttir Björnsson, 2.12.2007 kl. 22:50]

Meira af dellu, sum þýsku ljóðin voru með lögum, meinti ég, ekki ljóðum ... döh, ég skal hætta, greinilega of nývöknuð!

[Jóna Á. Gísladóttir, 2.12.2007 kl. 23:46]

Jenny Una var með þetta allt saman á tæru í gær. Búið að éta alla jólasveinana og þeir voru sko allir íslenskir

mail 

[Hildigunnur Rúnarsdóttir, 3.12.2007 kl. 00:00]

þýska er fín :D

[Kristín M. Jóhannsdóttir, 3.12.2007 kl. 08:10]

Verð bara að leiðrétta hana Svölu. Það er sko ekki séns að jólasveinarnir búi í Esjunni - þessum hól. Ofmetnasta fjall á landinu og hananú. Ég lærði nú alltaf sjálf bara að þeir kæmu úr fjöllunum og var aldrei neitt ákveðið fjall tilgreint en þykir mér líklegast að það sé Hekla, enda Grýla og Leppalúði tröll sem þrífast ábyggilega vel nálægt öskunni úr eldfjallinu.

Mér finnst þýskan annars súpermál en var lengi vel illa við frönskuna. Núna er ég hins vegar alltaf skotin í frönskumælandi Kanadamönnum sem eru alveg ógurlega sexí og ég veit ekkert betra en hlusta á þá tala frönskuna með sínum undarlega syngjandi. 

[Ásthildur Cesil Þórðardóttir, 3.12.2007 kl. 09:36]

Ég er viss um að finnski jólasveinninn er ennþá meira turnoff  Rakasta

[Jenný Anna Baldursdóttir, 3.12.2007 kl. 09:53]

Ásthildur: Segðu, uxi gaxi kulamalaja eða vottever.  Hehe.

Stína: Franska er sexý, svo einfalt er það.

Þið eruð frábær öll sömul eins og venjulega og kunnið að fíflast.  Það er vanmetinn eiginleiki.

[Jenný Anna Baldursdóttir, 3.12.2007 kl. 09:54]

Anna: Þú ert bara frábær.  Ég hló upphátt!

[Hildigunnur Rúnarsdóttir, 3.12.2007 kl. 09:57]

Kristín, þú ert greinilega ekki Reykvíkingur 

Við megum alveg vera hrifin af okkar fjalli eins og allir eru hrifnir af fjöllum sinnar heimabyggðar. Við erum bara fleiri...

[Jenný Anna Baldursdóttir, 3.12.2007 kl. 10:48]

Hildigunnur: Heyr, heyr

[Kristín M. Jóhannsdóttir, 3.12.2007 kl. 18:42]

Rétt hjá þér Hildigunnur. Ég er ekki Reykvíkingur - bjó þar samt í tíu ár. Hef bara aldrei skilið aðdáun Reykvíkinga á þessu fjalli. Finnst Keilir t.d. miklu flottara fjall þótt það sé minna. 

[Jenný Anna Baldursdóttir, 3.12.2007 kl. 23:20]

Stína: Þetta eru helgispjöll

[Jenný Anna Baldursdóttir, 3.12.2007 kl. 23:21]

Ég meina með Esjuna sko, hún er fallegasta fjall í heimi, fyrir utan Himmelberjet sko