Kom, sá og sigraði!

Gurrí Har bloggvinkona okkar allra, kom sá og sigraði í Útsvarinu.  Hún og aðstoðarmenn hennar (DJÓK) tóku Hafnarfjarðargengið með miklum yfirburðum.

Okokok, reyni aftur.  Þau unnu með nokkurra stiga mun, Skagamennirnir og takast á við Ísafjörð.  Þar sem Ólína bloggvinkona okkar allra, er innanborðs.

Allsstaðar eru þessir bloggarar.  Það er ekki svo þáttur sýndur í sjónvarpi, að stjórnendur og a.m.k. einn þátttakandi séu ekki ofurbloggarar og því sem næst.

Annars finnst mér Útsvarið ekki skemmtilegt, nema ef vera skyldi látbragðsleikurinn.  En í kvöld stóð ég með mínu fólki, ekki það að ég hafi nokkurn skapaðan hlut með Akranes að gera, nema fyrir ágæta vini mína sem þar búa.

Annars rétt held ég haus vegna ógeðispestarinnar sem hrjáir mig og það er beinlínis sársaukafullt að reyna að Haffa Kaman.  En ég reyni, það verður að virða mér til vorkunnar.

Á morgun ætla ég að jólast, þó ég þurfi að gera það úr sjúkrarúminu, hálfdauð úr sótthita.

Á sunnudag bökum við heima hjá frumburði og trylltar mannætur munu ekki aftra mér frá því að mæta.  Jafnvel þó það kosti mig lífið.

Dramadrottning hvað?

Skreytum hús með greinum grænum, falalalala.....

Athugasemdir

[Sunna Dóra Möller, 30.11.2007 kl. 22:29]

Farðu nú vel með þig....en ég skil vel að þú viljir jólast, ég ætla líka að jólast alveg feitt um helgina !

Passaðu þig samt á kökubakstrinum, ef maður er ekki í formi þá fer allt í klessuna stóru.....binn ðer...donn ðatt eins og þú sást !

Góða nótt í alla nótt !

[Ásdís Sigurðardóttir, 30.11.2007 kl. 22:39]

Ég spyr nú bara eins og bláhærður bjáni, eru að koma jól??? allavega er engin árstíð hjá mér, nema kannski hannikka, er það ekki eitthvað gyðinga something??? Ég er bara í limbó.  G.N.

[Þröstur Unnar, 30.11.2007 kl. 22:43]

Nei Ásdís, jólin koma ekki, við færumst nær þeim.

Nema ef við tökum smá sveig, eins og ég ætla að gera.

[Edda Agnarsdóttir, 30.11.2007 kl. 23:43]

Flott hjá Gurrý og co - farðu vel með þig, láttu dekra við þig !

[Laufey Ólafsdóttir, 30.11.2007 kl. 23:48]

Þröstur! Taka sveig . Ég hef reynt. Þau koma samt!

Spurningaþættir pirra mig óstjórnlega og ég forðast að detta inn í þá. Leitt að missa af Gurrí og félögum samt. Sé kannski rírönnið

Jenný mín láttu þér batna! Handónýtt að þurfa að jólast sem hálf kona. Það bara gengur ekki upp.

[Magnús Geir Guðmundsson, 1.12.2007 kl. 00:32]

Já, fröken Guðríður stendur sig vel í flestu og svo elskar hún MIG!

Og svona frú Jenný, ekkert væl, lætur bara þinn væna ektamann svæfa þig með gælum og þá vaknar þú stálslegin á morgun!

[Þuríður Björg Þorgrímsdóttir, 1.12.2007 kl. 00:50]

Ha ha, Laufey . Það er víst sama hvað maður reynir, jólin koma alltaf á réttum tíma.

Svo er ég alveg sammála þér um spurningaþættina. Ég horfi t.d. aldrei á Gettu betur og er sama þó ég verði útskúfuð úr samfélagi siðaðra manna fyrir vikið.

Vona að þér batni fljótt pestin, Jenný, ég veit af reynslu hvað það getur verið ömurlegt að vera veikur rétt fyrir jól. Og ég er búin að fatta hver dóttir þín er , indæl stelpa.