Beiðni um hjálp

Ég gef mér að flestir hafi séð umfjöllun í fréttatíma RÚV um hræðilegt ástand í Bangladesh, þara sem 3000 manns hafa látist vegna hamfaranna sem gengu yfir Bangladesh í síðustu viku.  Alls var kallað eftir rúmlega 200 milljónum króna til aðstoðar fólki á hamfarasvæðunum.

Rauði Krossinn hefur sent þriggja milljóna króna framlag og íslensk stjórnvöld ætla að leggja fram sömu upphæð í gegnum SÞ. Mér finnst að Íslendingar geti gert betur.  Erum við ekki með ríkustu þjóðum heims?

Farsóttir eru yfirvofandi, rotnandi lík liggja um allt, vatn er mengað og hungursneyð yfirvofandi.  Látum nú gott af okkur leiða.

Hægt er að leggja fram framlög vegna hamfaranna í söfnunarsíma Rauða krossins, 907-2020

Komasho,

Sýnum samhug í verki.

 

 

Athugasemdir

[Katrín Vilhelmsdóttir, 22.11.2007 kl. 10:47]

Er búin að hringja. Finnst eins og fólk sé orðið dofið fyrir svona hörmungarfréttum, sérstaklega ef þær koma langt að.

Hvet alla til að hringja

[Hildigunnur Rúnarsdóttir, 22.11.2007 kl. 10:53]

Takk fyrir ábendinguna, búin að hringja. Skelfilegt ástand.

[Einar Indriðason, 22.11.2007 kl. 12:06]

Meðan ríkissjóður er rekinn með hagnaði upp á fleiri fleiri milljarða (tug milljarða) per ár... skattarnir okkar.  Þá leyfir ríkisstjórnin sér að "sletta" svona smáræði í svona mál, og þykjast vera voða góðir fyrir.

[Jenný Anna Baldursdóttir, 22.11.2007 kl. 12:18]

Einar: Skömm að þessu, þetta er skiptimynt fyrir ríka þjóð og okkur ber að sýna ábyrgð í alþjóðlegum skilningi.