Af málfarslegum framförum ofurkrútts!

Jenný Unu Eriksdóttur, verður seint orða vant, eins og lesendur þessa fjölmiðils vita, þrátt  fyrir að hún verði ekki þriggja árrra fyrr en 30. desember n.k.

Í gærkvöldi var mamma hennar að ná í bækur til að lesa fyrir svefninn og Jenný sagði:

"Mamma setja bækurnar héddna" (bendir á sængina sína). 

 Mamman lufsar bókum á rúmið og greinilega ekki á réttan stað því Jenný segir ákveðin;

"Setja héddna manneskja".  Mamman í sjokki og furðu spyr:

"Hvað sagðirðu Jenný mín?"

"É saðði héddna manneskja! 

Jenný Una fór í Ikea í gær með mömmu sinni og pabba og þau fengu sér að borða.  Við matarborðið lítur barn upp, horfir lengi og stíft á pabba sinn og segir:

"Pabbi, þú ert líka fólk"

(Pabbinn rosalega ánægður og talsvert létt).  Svo..

"Ér fólk, mamma mín er fólk og pabbi er fólk, við gott fólk".  Ok, ok so far so good.

Þegar Jennýju er bannað eitthvað þessa dagana segir hún fullum fetum:

"Émáða alveg, amma mín segir já". 

Ég veit, ég verð að setja barni mörk.

Ég er ákveðin í að gera það... sko í janúar

Góða og sofið fallega í nóttinni.

 

Athugasemdir

[Bjarndís Helena Mitchell, 22.11.2007 kl. 01:44]

Já, það er alltaf gott að leita til ömmu ef að mamma segir nei. Þvílíka krúttið! Góða nótt og sofðu líka fallega

[Lára Hanna Einarsdóttir, 22.11.2007 kl. 01:48]

Einu sinni sagði Gertrude Stein: A rose is a rose is a rose. Í anda þess segi ég:  Amma er amma er amma. Ömmum er sitthvað leyfilegt sem öðrum er ekki.

[Jóna Á. Gísladóttir, 22.11.2007 kl. 08:44]

ég dey

[Sunna Dóra Möller, 22.11.2007 kl. 08:48]

Krúttkvitt og góðan dag

[Jenný Anna Baldursdóttir, 22.11.2007 kl. 08:49]

Stelpur: Sko, það er ekki hægt að ætlast til þess af ömmum að þær séu með aðhaldsaðgerðir í uppeldinu.  Þess vegna höldum vér áfram hér við hirðina að spilla smá.

[Jóhanna Magnúsar- og Völudóttir , 22.11.2007 kl. 10:28]

Tek heilshugar undir þetta! ..  Ömmur rúla!

[Ragnhildur Sverrisdóttir, 22.11.2007 kl. 11:16]

Það hefur margoft komið fram að fröken Eriksdóttir fer létt með að vefja einu stykki ömmu um litla fingur. Og til hvers eru ömmur eiginlega, ef ekki til að spilla og knúsa? Jenný Una er stórkostlegt manneskju-krútt-fólk

[Jenný Anna Baldursdóttir, 22.11.2007 kl. 11:28]

Takk stelpur, ég held áfram einbeittum brotavilja í dekrinu.

[halkatla, 22.11.2007 kl. 14:27]

hún er algjört ofurkrútt

"ég má það alveg - amma mín segir já"

ég held að þetta sé statement aldarinnar!