Mjög reið kona, alveg bállill kona.

Ég veit ekki með ykkur en ég veit ekki hvort ég á að hlægja eða gráta!

óogæ

ææ

Ég er alfarið á móti ofbeldi, en það var allt að því kómískt að sjá þetta í fréttunum í kvöld, ekki að ég finni yfirleitt nokkuð skemmtanagildi í barsmíðum.

Mér varð nefnilega hugsað til sumra, sem eiga erfitt með að stilla sig í Kastljóssyfirheyrslum, svo ég taki dæmi, og svo fór ég að ímynda mér að einhver tæki Helga Seljan svona í bakaríið og þá fór ég að hlægja.  Já ég gengst við því, skammast mín og held svo áfram að hlægja.  Svona hlæ ég; hahahaha.

Nú að því sögðu og þar sem fjölmiðlar eru hér til umræðu, þá velti ég því fyrir mér hvort Ísland í dag á Stöð 2 sé að verða að fjölskylduþætti. Kannski á hann að vera það en ég er a.m.k. hætt að horfa.

Ég var farin að bíða eftir prjónauppskriftum og leirpottagerð.

Súmí.

Úje

Athugasemdir

[Anna Ólafsdóttir (anno) (IP-tala skráð) 21.11.2007 kl. 21:29]

Ég fattaði um daginn að ég hef ekki horft á Ísland í dag í einhverja mánuði. Mér fannst þessi kona alveg hrikalega klikkuð þarna í fréttunum. Annars trúi ég ekkert síður forsetanum hennar til að taka upp á svona aðgerðum, mér sýnist hann vera sæmilega klikkaður líka.

[Jenný Anna Baldursdóttir, 21.11.2007 kl. 21:35]

Kallinn er auðvitað snargeggjaður.  Hehe

[Sunna Dóra Möller, 21.11.2007 kl. 22:05]

Mér finnst að að kenna Klaustur og Harðangur....enda hef ég heyrt að það sé deyjandi iðn á Íslandinu góða......svona sem viðbótartillögu við prjónagerðina og leirpottana !

[Lára Hanna Einarsdóttir, 21.11.2007 kl. 22:09]

Ég er löngu búin að gefast upp á Íslandi í dag og það er stutt í að Kastljósið fjúki líka. Spegillinn á Rás 1 er bestur... ennþá.

[Edda Agnarsdóttir, 21.11.2007 kl. 22:46]

Mér fannst þetta svona eins og í hvað heitir hann Larry King eða eikkað! Bara klikk

[Marta B Helgadóttir, 21.11.2007 kl. 22:48]

Mér þótti merkilegt að enginn hafði fyrir því að setja sig inn í málið.

Hvað var með andlát sonar þessarar konu, hvernig dó hann og hvað var það sem þessi fréttamaður hafði sagt um andlát sonarins sem varð til þess að hún reiddist svona?  Við vitum meira um gleraugu karlsins en málið sjálft.  Þvílík fréttamennska!

Auðvitað er framkoman sem við fengum að sjá þarna kolgeggjuð -

en hvenær er fólk helst líklegt til að missa stjórn á sér ef það er þannig skapi fari á annað borð -

ef ekki einmitt þegar nýlátin börn þess eiga í hlut!!! Við foreldrar verjum börnin okkar út yfir gröf og dauða.  

[Jenný Anna Baldursdóttir, 21.11.2007 kl. 23:17]

það kom reyndar fram að það eru tvö ár að ég held frá láti barnsins, en ég velti því líka fyrir mér hvað hefði gerst þar.

[Jón Steinar Ragnarsson, 21.11.2007 kl. 23:31]

Held nú að fréttamenn megi nú taka upp þann sið að berja viðmælendur sína úr þingheimi með míkrafóni.  Oft langar mig til þess, þegar froðan vellur yfir brúnir. Jafnvel með einhverju stærra og harðara. Stól, svei mér þá.

[Jón Steinar Ragnarsson, 21.11.2007 kl. 23:43]

Sammála að fréttaflutningurinn er algerlega absúrd.  Þetta er svona fyndna fréttin...en ekki fylgir sögunni hvort einhver harmleikur er að baki. Mottóið greinilega: Hafa skal það sem fyndnara reynist.