Hvenær á maður RÚV og hvenær á maður ekki RÚV?

Er þetta jólagjöfin frá RÚV sem við megum búast við einu sinni á ári héðan í frá?

Það er rétt um ár síðan afnotagjaldið hækkaði um 8% og nú hækkar það um önnur 4%.

Ég vildi ekki Oháeffa RÚV, sé ekkert að því að þjóðin eigi þennan fjölmiðil.  Finnst það meira segja að það eigi klárlega að vera þannig.

En hvenær á maður RÚV og hvenær á maður ekki RÚV?

Af hverju var verið að Oháeffa, þegar almenningur finnur ekki fyrir því í buddunni?

Ég verð nú að játa að mér finnast fréttir af launum útvarpsstjórans og bílakaupum hans, frekar í takt við það sem tíðkast hjá einkafyrirtækjum þrátt fyrir að almenningur haldi áfram að borga brúsann.

Hvað breyttist við rekstrarformsbreytinguna? 

Nei annars ekki svara, ég tékka á því sjálf.

En það er eins gott að borga gjaldið,  annars lendir maður í tómu tjóni.

Trúið mér ég hef reynslu í því.

Ójá

og Páll Magnússon heldur áfram að brumma um á sínum fjallabíl.

ARG

P.s. Svo er líka einstaklega skemmtilegt að fá svona fréttir í jólastússinu, algjörlega fyrirvaralaust.

Afnotagjald RÚV hækkar um 4% 1. desember

Athugasemdir

[Heiða B. Heiðars, 20.11.2007 kl. 01:57]

Mér er skapi næst að rífa loftnetið af húsinu og fara með það upp í Efstaleiti (reka það utan í fína jeppann á hlaðinu og ... )! Óþolandi að láta þetta yfir sig ganga endalaust!

[Jóna Kolbrún Garðarsdóttir, 20.11.2007 kl. 02:11]

Ég reyndi einu sinni að borga ekki fyrir nokkrum árum síðan en það reyndist dýrkeypt fyrir mig...núna horfi ég aldrei á ruv...og er stolt af því... en ég þarf samt að borga fyrir að horfa ekki og hlusta ekki!!! þetta er rán

[Brjánn Guðjónsson, 20.11.2007 kl. 02:31]

Á degi sem þessum er ljúft að eiga ekki sjónvarp

Allavega þar til fj...... nefskatturinn kemur til.

[Ásthildur Cesil Þórðardóttir, 20.11.2007 kl. 09:32]

Þetta er bara gargandi fjandans óréttlæti.  Og maður verður pirraður að hugsa um það.

[Jón Þór Benediktsson, 20.11.2007 kl. 09:38]

  Réttast að fólkið tæki sig saman og mótmælti þessu hraustlega, hvar er nú Saving Iceland,,,, held að þetta sé nú ekki til að bjarga verðbólgu að ríkið með miljarða afganga á hverju ári geti ekki bara séð um þessa steinríkisstofnum og látið okkur aumingjana í friði!!

[Jenný Anna Baldursdóttir, 20.11.2007 kl. 09:50]

Það er ágætt að þeir skuli ætla að setja á nefskatt en ég skil ekki tilganginn með að oháeffa ef rekstrarformið er að meira eða minna leyti óbreytt.

Annars er ég dyggur stuðningsmaður RÚV og finnst dagskránni fara fram, en ég get orðið brjáluð út af svona hækkunum, sem koma þar að auki með nánast engum fyrirvara.  Algjört virðingarleysi við neytandann.  ARG

[Vaka (IP-tala skráð) 20.11.2007 kl. 10:57]

Verst þykir mér að sama fólkið er ofnotað á þessum miðlum,þetta á við um hann Gísla þarna með bændaröddina,úr Borgarnesi. Þarf að hafa manninn í Laugardagsþættinum,frettatíma Ruv,í útvarpinu og síðast í spaugstofunni.Allt sama daginn meira að segja ? Hvar eru leikararnir  það eru þeir sem við viljum sjá,og heyra , þeir kunna til verka.

Ég er farin að tala eins og hann,er alla að drepa með eftirhermum. 

[Jenný Anna Baldursdóttir, 20.11.2007 kl. 11:47]

Vaka: Hahahaha.  Góð.

[Ingigerður Friðgeirsdóttir, 20.11.2007 kl. 15:12]

Ég vil bara hafa val !!!!!

[Hafliði (IP-tala skráð) 22.11.2007 kl. 00:33]

Jamm, það er verið að reka Rúvið illa og fá alla upp á móti því áður en það verður selt fyrir alltof lítið af illa fengnum rúblum og húrrað undir sama þak og visst dagblað.