Er trúin gulls ígildi?

Ég hef ekki mikinn tolerans fyrir trúarofstækisfólki, það hefur margoft komið fram á mínu bloggi og á örugglega eftir að gera það aftur ef tilefni gefst til.

Ég var að þvælast á netinu áðan og rakst inn á síðuna hjá Agli Helga þar sem hann linkaði á þetta.

Ég vil ekki gera lítið úr trú fólks né langar mig að afneita öllu algjörlega, bara ef svo ólíklega vildi til að sumu slái inn.  Tek fram að ég er ekki trúlaus, bara svolítið með minn einka praxis í trúarmálunum.

Ef það er staðreynd að það er farið að vaxa gull úr höndum fólks, beint frá Guði almáttugum, vil ég benda honum á að heimurinn sveltur, börn deyja í milljónatali og fátækt er aðal óvinur mannsins.  Mér þætti sniðugt hjá almættinu að beina gullinu þangað sem þess er þörf, alveg sárlega þörf.

En fljótlega hlýtur þessi gullvöxtur í Vestmannaeyjum að komast í heimsfréttirnar.  Fólk hefur nú lagt mis mikið á sig til að ná í gull og ekki allt jafn fallegt.  Þarna er fundin afslöppuð leið til að ná sér í eðalmálminn.

Ég bíð spennt eftir framhaldinu og þangað til þá læt ég kraftaverkið njóta vafans.

Amen að eilífu.

Trúarnöttarinn.

Athugasemdir

[Elísabet (IP-tala skráð) 17.11.2007 kl. 20:39]

Nákvæmlega! Þú ert með það!

Takk fyrir að sega það sem segja þarf.

[Hjalti Garðarsson, 17.11.2007 kl. 21:12]

Ég hef reykt ýmislegt um ævina og neytt allskyns hugbreytandi efna, ég hef samt aldrei komist í það ástand að mér finnist vaxa úr mér gull.  Ég þyrfti að komast að því á hverju þetta lið er.

Þau ættu að láta Omega vita af þessu.  Þá gætu þeir hætt að betla.

[Guðríður Hrefna Haraldsdóttir, 17.11.2007 kl. 22:21]

Hahhahahahahahaha! Tek undir þetta síðasta hjá Hjalta! Snilld!

[Ásthildur Cesil Þórðardóttir, 17.11.2007 kl. 23:08]

Já það er margt skrýtið í kýrhausnum.

[jobbi (IP-tala skráð) 17.11.2007 kl. 23:16]

Það er svo margt sem við ekki skiljum,ég lít frekar á þetta sem teikn frá Guði að viðkomandi sé á réttri leið,frekar en að þetta séu veraldleg auðævi.Versti óvinur mannsins er maðurinn sjálfur,hann býr til fátækt og hungur og öll mismunum er frá manninum komin.

[Bjarndís Helena Mitchell, 17.11.2007 kl. 23:39]

LOL, Gaman hjá þeim

[Hrafnhildur Ýr Vilbertsdóttir, 17.11.2007 kl. 23:47]

hummmm, ég hef heyrt um allt mögulegt og ómögulegt í sambandi við trú og trúarlegar upplifanir... hef líka orðið vitni að geðveikislegri múgsefjun, en þetta.... þetta er alveg nýtt, að gull vaxi í höndum fólks..... well hvað getur maður sagt

[Hrafnhildur Ýr Vilbertsdóttir, 17.11.2007 kl. 23:48]

annars góður pistill, þú ferð svo skemmtilega pent í þetta kona... alveg aðdáunarvert

[Anna Ólafsdóttir (anno) (IP-tala skráð) 17.11.2007 kl. 23:53]

Sammála síðasta ræðumanni - þú ert pen - en boðskapurinn kemst til skila - Nú verða Vestmannaeyingar líklega svo ríkir að göngin góðu verða písofkeik

[Guðrún María Óskarsdóttir., 18.11.2007 kl. 01:20]

Trúin ER gulls ígildi, fyrir mig alla vega.

Ekki í formi auðs sem möl og ryð grandar heldur vonar og styrks til þess að takast á við verkefni daganna.

Ég efast um að sárþjáðir íbúar Afríku þarfnist gulls, tel frekar að þeir þarfnist ráða um sjálfsbjörg sér til handa í formi tóla og tækja, lyfja osfrv. sem við Vesturlandabúar getum af séð.

Það er léttvægt að spyrja spurninga sem þessarra, vissulega og má gaman henda að en...... trúin er mjög mörgum meðal annars mér lífsnesti.

kv.gmaria.

[Jenný Anna Baldursdóttir, 18.11.2007 kl. 01:32]

G.María, trúin er flestum mönnum mikilvæg, á óteljandi vegu, en þú hlýtur að skilja að fólk reki upp stór augu við að lesa þetta.  Ekki nema að það streymi eðalmálmar úr fólki "on regular bases" og það hafi farið meira og minna framhjá mér.  Fyrir mér er þetta heimsviðburður ef rétt er. 

Svo má tala mikið og lengi um hvað sé best fyrir Afríku (reyndar öllu fleiri lönd en í þeirri álfu sem búa við skelfilegar aðstæður).  Ég er á því að það mætti tala minna um það og gera í staðinn eitthvað í því og því skyldi Guð ekki gera það ef hann sér ástæðu til að gera kraftaverk á Íslendingi frá Vestmannaeyjum?  Við erum nú ekki beinlínis illa haldinn svona í samanburði.

Annars ætla ég ekki að fara að fullyrða um það hvort kraftaverk sé í gangi eða ekki, er ekki til þess bær, en óneitanlega þá rekur maður upp stór stór augu þegar svona kemur í fréttir.

[Jenný Anna Baldursdóttir, 18.11.2007 kl. 01:34]

Krakkar mínir, ég er mjög, mjög, mjög (Jenný Una er í gistingu og ég lituð mjög af orðinu mjög) vel upp alin

[Jenný Anna Baldursdóttir, 18.11.2007 kl. 08:03]

Helga mín, blessi þig líka.

[Jónína Dúadóttir, 18.11.2007 kl. 08:37]

Ég tók þessu með "gullið sem óx í hendinni á henni" alls ekki bókstaflega.....  Bara sem eitt af því sem fólk segir í sambandi við trú og það hljómar nú ekki alltaf allt rökrétt í mínum eyrum

[Sigríður Sigurðardóttir, 18.11.2007 kl. 10:35]

  "Fiskur út-gullgerð inn", í Eyjum.  Gott mál!  Amen! 

  Nei í alvöru, þá er bara jákvætt að fólk upplifi kraftaverk í gegnum trú sína, sem eru ekki að trufla aðra á nokkurn hátt.  Gull í höndum virðist mér saklaust og stórmerkilegt ef satt er.

[Jón Steinar Ragnarsson, 18.11.2007 kl. 14:38]

Hmm...glimmer og læti hjá Guði.  Maður að gera eitthvað til að peppa um þreyttan og úreltan kabarett.

[Alexander Kristófer Gústafsson, 18.11.2007 kl. 22:49]

Trúarbrögð eru kjaftæði og leiða til hættulegs siðferði. Það er furðulegt að kommagrænir dýrka Islam en hata kristni

[Sigurður E (IP-tala skráð) 22.11.2007 kl. 08:56]

Þetta er nú allt saman satt, systir min var á móti í Kotinu á Suðurlandi síðustu helgi og þar fékk systir min gullduft á sig og gull í fyllingar. Dóttir hennar fékk enn fremur gullduft á sig. Skora á þá sem ekki trúa að drífa sig á samkomur og hitta einhverja af þeim hundruðum sem fengu gullduft á sig.

Með kveðju

Sigurður Einar