Þegar heimskulega er spurt..

 

..þá fæst asnalegt svar.

Banderas vill vera kona í einn dag, til að öðlast betri skilning á reynsluheimi kvenna.

Váá, hvað hann heldur að konur séu grunnar.  Hann tekur þetta á einum eftirmiðdegi eða svo og öðlast með því vitneskjuna um konur og reynsluheiminn.

Ég, persónulega, er búin að vera kona síðan ég fæddist og veit ekki enn hvort ég er að koma eða fara, hvað varðar þennan umtalaða reynsluheim.  Enda er hann alltaf að breytast.  Aldrei eins, frá degi til dags.

Ég vil vera karlmaður í 20 mínútur og fá með því meirapróf á hið "sterka" kyn.  Það er létt verk og löðurmannlegt, algjör tertubiti.

----

En  aftur að alvörunni.

Samkeppniseftirlitið steðjaði í Bónus og Krónuna og tók slatta af skjölum og afrit úr tölvum.

Halló, halda þeir að þeir finni eitthvað?  Bæði varð allt vitlaust þegar fyrrverandi starfsmenn komu fram með ásakanir um ólöglegt samráð og svo báðu báðir aðilar um heimsóknina.  Líklegt að það finnst eitthvað misjafnt?  Ekki að ég sé að gefa það í skyn að eitthvað sé ólöglegt á ferðinni, alls ekki, enda hef ég ekki hugmynd um það.  Mér finnst einfaldlega ekki líklegt að það komi einhver sannleikur út úr svona fyrirkomulagi.

Þetta heitir að vera fyrirfram aðvaraður, fyrirfram vopnaður.

---

Mengella er Óli Birgir og nú spyr ég, hver í asskotanum er sá fír?  Á maður að þekkja manninn?

Hef sjaldan lesið Mengellu, en ætti kannski að gera það mér til fróðleiks.

Jeræt.

Ædónþeinksó.

Góða nótt og úje.

 

 

Banderas vildi vera kona ... í einn dag

Athugasemdir

[Marta B Helgadóttir, 15.11.2007 kl. 23:30]

"Hann tekur þetta á einum eftirmiðdegi"  ... þú drepur mig

Var að senda póst á línuna, viltu ríplæja á mig hvort það fór í gegn? 

[Marta B Helgadóttir, 15.11.2007 kl. 23:31]

.....er ennnnnn í kasti hérna

[Jenný Anna Baldursdóttir, 15.11.2007 kl. 23:33]

Hehe, Marta var að skoða myndirnar, þær eru frábærar.  Takk, takker samt enn að ná öfundarlitnum úr fésinu á mér

[Ásdís Sigurðardóttir, 15.11.2007 kl. 23:41]

Langar í myndir líka  [e-mail]

Við báðar að blogga um það sama, akkuru???

[Bjarndís Helena Mitchell, 15.11.2007 kl. 23:57]

á einum eftirmiðdegi!! Jeræt! Góða nótt.

[Anna Ólafsdóttir Björnsson, 16.11.2007 kl. 00:08]

Ég hugsa að mér muni ekki duga ævin til að átta mig á því hvernig konur hugsa.

[Þórbergur Torfason, 16.11.2007 kl. 00:19]

Þú sem einn af hinu sterkara kyni, fengir aldrei neitt sem kalla mætti próf, hvað þá meirapróf á hið sterkara kyn. Sagan hefur löngum kennt okkur, alveg frá dögum "Evu", sé eitthvað annað en karlremba þar að baki, að hið veikara kyn, sem ég vona að þú viljir tilheyra, sé hið eina stjórntæki á hið sterkara. Þú veist væntanlega hvar "litli heilinn" liggur?

[Hildigunnur Rúnarsdóttir, 16.11.2007 kl. 09:50]

Mengella er/var snillingur  Hneykslaði, já, potaði í allt og alla, ekkert var heilagt. Stíllinn frábær og mjög gaman að lesa, ef maður hafði vit á að taka skrifin ekki of hátíðlega. Sem betur fer geta nú einhverjir verið snillingar þó maður viti ekkert hverjir þeir eru...

[Ásthildur Cesil Þórðardóttir, 16.11.2007 kl. 11:48]

Hahaha Banderas verði honum að góðu með svo stutt kynni við reynsluheim kvenna.