Málamyndadómur

Maður réðst á fyrrverandi sambýliskonu sína með ofsafengnum hætti og að tilefnislausu.

Það kostar hann 5 mánuði í fangelsi.

Hann var líka dæmdur fyrir gripdeildir og hylmingu.

Sú staðreynd að 4 ára dóttir parsins horfði á árásina hefur ekki hrist neitt svakalega upp í dómurunum.

Þetta er ekki einu sinni klapp á kollinn í viðvörunarskyni.

Þessi dómur er svona "farðu að lúlla ljúflingur og ég skal vagga þér í svefninn" dómur.

Konan fær 300 þúsund krónur í miskabætur.

Þessi dómur er í boði Héraðsdóms Reykjavíkur.

Ég áfram á vaktinni.

 

Réðist á fyrrum sambýliskonu sína

Athugasemdir

[Bara Steini, 15.11.2007 kl. 16:31]

Mér einmitt stendur ekki á sama með þetta "dómskerfi" okkar, og sem betur fer er fólk aðeins að opna augun þegar svona dómar eru gefnir út... Augun eru opin hérnamegin líka . En þetta er fyrir neðan allar hellur.

[Ingigerður Friðgeirsdóttir, 15.11.2007 kl. 16:35]

Æ Æ Æ  þetta dómskerfi á íslandi puff sástu dóminn sem maðurinn fékk sem misnotaði 6 ungar stúlkur á kynferðislegan hátt 2 1/2 ár!!!!!

[Bjarndís Helena Mitchell, 15.11.2007 kl. 17:16]

Alltaf jafn sorglegt þegar ofbeldisverk fá ekki þyngri dóma en raun ber vitni. Þetta er bara til háborinnar skammar.

[Jónína Dúadóttir, 15.11.2007 kl. 18:41]

Takk fyrir að vera á vaktinni...

[Sunna Dóra Möller, 15.11.2007 kl. 19:15]

Vesalings börnin sem að horfa upp á svona ofbeldi, ég bara verð alltaf svo miður mín þegar ég sé svona mál. Vegna barnsins á að lengja svona dóma um nokkur ár !