Mamma klípti mig!

Ég ætlaði að hitta skemmtilegar konur í kvöld, en það breyttist og ég fór hvergi.

Í staðinn fékk ég heimsóknir frá frumburði og Sörunni og auðvitað kom hún Jenný Una Eriksdóttir með mömmu sinni.

Við ætluðum að borða saman og gerðum reyndar, með aðeins öðruvísi formerkjum en upphaflega var áætlað.

Þegar Einar og Sara náðu í skottuna á leikskólann, kveinkaði hún sér þegar mamma hennar klæddi hana í úlpuna, og bar ekki fyrir sig höndina eftir að þau komu hingað heim. 

Einar og Sara drifu sig á slysó með barnið sem var nokkuð ánægð með að fara til læknis.  Henni finnst það mjög, gaman.

Þau biðu og biðu og  loksins fékk frökenin að hitta lækni, sem skoðaði höndina og spurði Jenný Unu hvar meiddið væri.  Jenný benti á stað fyrir neðan olnboga og sagði samvinnuþýð "Héddna".  Læknirinn spurði aftur og núna hvað hefði komið fyrir og sú tveggja ára leit ásakandi augum á móður sína og sagði ákveðið "Mamma mín klípti mig".  Söru var ekki skemmt, en Einar varð að snúa sér undan, því hann fékk kast yfir forstokkuðum svipi barnsins.

Nú Jenný fékk verðlaun og kom arfahress til baka, því eftir að læknirinn hafði skoðað handlegginn, gat hún skvett honum í allar áttir og kenndi sér einskis meins.

En eins og Einar sagði,

Það er aldrei of varlega farið.

Og hættu að fikta í mér amma, voru lokaorð þessarar tæplegu þriggja ára snúllu þegar ég knúsaði hana tryllingslega þegar hún var að fara heim.

En..

hún kemur í lúll á laufardaginn.

Ójá

Athugasemdir

[Jóna Á. Gísladóttir, 15.11.2007 kl. 01:12]

LOL ég held ég hefði slegist í hóp með Einari ef ég hefði verið á staðnum. Aftur á móti ef ég hefði verið í Söru sporum hefði ég sennileg ''klípt'' forstokkað barn. hahahaha.

Skemmtilegar konur voru skemmtilegar konur og þú kemur næst.

[Ragnheiður , 15.11.2007 kl. 01:13]

Hehehehe æj hún er yndisleg. Samúð mín er öll hjá Einari, tómt vesen að mega ekki springa úr hlátri.

[Skarpi (IP-tala skráð) 15.11.2007 kl. 01:30]

Ekkert smá sæt, litla stúfið, þú ert ríkari en ég hélt ; )

[Ásdís Sigurðardóttir, 15.11.2007 kl. 02:08]

Ekki öfunda ég hana Söru þína, en litla manneskjan er náttl. bara draumur.

[Katrín Ósk Adamsdóttir, 15.11.2007 kl. 07:32]

Hún er yndisleg litla ömmuskottan þín