Og mér er ekki boðið!

Ég er ósátt, mjög ósátt.

Það er búið að steggja Jón Ásgeir og mér var ekki boðið.

Reyndar voru bara strákar þarna en samt.  Ég er búin að versla við manninn í fjölda ára.  En nananabúbú á hann, því það var enginn útlenskur og frægur í partíinu.

Hjörtur Magni ætlar að gifta brúðhjónin á laugardaginn og mér var ekki boðið.  A.m.k. ekki ennþá.

Þetta er brúðkaup aldarinnar.  Frusssssssssss, það eru 94 ár eftir af öldinni og ekki hægt að toppa.

Án gríns, þá las ég í 24 Stundum í gær allt um eignir og veldi Jóns Ásgeirs og fjölskyldu og miðað við þær upplýsingar, þá ætti brúðkaupið að verða eitthvað í líkingu við hollígongið þegar Díana giftist rolunni honum Karli pretaprins um árið, vansællar minningar.  Allt annað er pjúra níska.

Annars er ég ekkert öfundsjúk.  Ónei.

Ég er farin að reyna að ná græna litnum úr andlitinu á mér.

Ég þarf nefnilega að fara í Hagkaup og versla í matinn, hm.. nei höfum það Nóatún, á enginn eftir að gifta sig þar?

Síjúgæs!

Úje

Athugasemdir

[Hrafnhildur Ýr Vilbertsdóttir, 14.11.2007 kl. 16:12]

Uss þetta er örrgggla ógeðslega leiðinlegt brullllkaup hvort eð er. Enginn frægur eða neitt, bara venjulegir ríkir ÍSSSLÍNGAR

[Jenný Anna Baldursdóttir, 14.11.2007 kl. 16:19]

Ég held að Paul bítles eða eric clapton eða eitthvað álíka flott dæmi eigi eftir að mæta í þyrlu í brúðkaupið.  Bíddu bara.

[Hrönn Sigurðardóttir, 14.11.2007 kl. 16:29]

Ég er viss um að John Lennon verður þar...........

[Edda Agnarsdóttir, 14.11.2007 kl. 16:48]

Ég segi eins og Hrönn - er viss um að John kallinn verði þar! En ég held að hann sé hjá okkur öllum á Íslandi um þessar mundir.

[Sunna Dóra Möller, 14.11.2007 kl. 17:28]

Spurning um að komast að því hvar þetta verður og fara í felubúning og leika papparass og selja hæstbjóðanda myndirnar  ! Æ níd monní for kristmass !

[halkatla, 14.11.2007 kl. 18:47]

ég styð tillögu Sunnu Dóru!

[Birna Dis Vilbertsdóttir (IP-tala skráð) 14.11.2007 kl. 19:11]

Susssssssu Jón lætur sækja þig á einkaþotu korteri fyrir messuna.

[krossgata, 14.11.2007 kl. 21:02]

Alltaf fékk ég kók þegar mér varð flökurt og fékk gubbupest þegar ég var lítil.  Kannski það virki vel gegn svona grænku. 

[Ásthildur Cesil Þórðardóttir, 14.11.2007 kl. 23:08]

Pápi gamli sagði reyndar að hann væri búinn að gifta sig þ.e. Jón Ásgeir.  Hann var nefnilega kvæntur konu héðan á ská í fjölskyldunni.  Það var víst dálítið erfitt að skilja, því hann þurfti að punga töluvert út.  En ástin hefur sigrað Jón Ásgeir eins og fleiri, og hann ákveðið að prófa aftur blessaður.  Eins og hann hafi ekki haft efni á að ganga frá hinum pappírunum. 

[Skarpi (IP-tala skráð) 15.11.2007 kl. 00:57]

Kommon people alveg róleg í ályktununum, hann á ekki nema um 100.000.000.000.- til að casha, kæmi ekki á óvart að sjálfur John Lennon sæi um skemtiatriði, og gestir af öðrum plánetum létu sjá sig. En eitt veit ég þó fyrir víst að Davíði Oddsyni verður ekki boðið, enda er hann bara ölmusumaður og þurfalingur. Og í endann þá verður haldin flugeldasýning sem verður umfangsmeiri en allar geimferðaráætlanir heimsins fyrr og síðar og ekki síst Kínverja sem klökkna í samanburði. Og síðan verður bara business as usual, all work no play dæmi í gangi, og grátur og gnístran tanna ef ekki verður hægt að sölsa undir sig fyrirtæki á borð við General Electrics, og Lockersmith verksmiðjurnar, eða Harðfisksölu Valda, og Stíflulosun Gvenda.