Bloggtimburmenn

Í dag hringdi síminn, ring, ring, ring.  Ég svaraði.  Vinkona mín úr fortíðinni var í símanum.

Eftirfarandi samtal átti sér stað:

Hún: Þú varst að skálda þetta með hringinn er það ekki? (þessi færsla)

Moi: Nebb.

Hún: Jú, víst, þetta getur ekki hafa gerst því þú hentir hringnum á árshátíð Aðalverktaka á Hótel Sögu og ég var vitni að því.

Moi: Það var þá.  Þetta var annar hringur og annað tilfelli.

Hún: Þú ert biluð, ég sver það, stórbiluð.  Ætlarðu aldrei að fullorðnast?

Moi: Ég er löngu hætt að henda hringjum og yfirleitt öllu.  Ég hendi ekki nokkrum sköpuðum hlut lengur.

Hún: Þú hefur ekki hent hringnum, ég trúi því ekki.

----

Ég er enn að velta því fyrir mér af hverju henni finnst það svona ótrúlegt.

Ég var 24 ára (eða u.þ.b.)

Ég var ung og ör og á þessum tíma voru orðin ekki nóg, aðgerðir þurftu að fylgja.

---

En hvað um það.  Hringurinn flaug, en það má svosem geta þess að þessi eiginmaður fjárfesti í öðrum hring nokkru seinna. 

Ég hef alltaf átt svo góða menn.

Amen og úje

P.s. Ég vildi ekki svekkja vinkonuna, né þá sem lesa, að hér er reglulega tekið skáldaleyfi.  Ekki alltaf og aldrei að vita hvar. Ójá.

Athugasemdir

[Ragnheiður , 14.11.2007 kl. 01:00]

Vó var þetta bara framhaldssaga eða hringavitleysa í mörgum þáttum ? Knús á þig

[Jenný Anna Baldursdóttir, 14.11.2007 kl. 01:03]

Hehe.

[Jóna Á. Gísladóttir, 14.11.2007 kl. 01:12]

Skáld taka sér skáldaleyfi öðru hverju. Þannig er það nú barasta. Knús á þig fyrir nóttina

[Jóna Á. Gísladóttir, 14.11.2007 kl. 01:13]

Ég var að setja fyrirsögnina í samband við færslu AAARGGHHH

[Sunna Dóra Möller, 14.11.2007 kl. 08:27]

Þú ert frábær

[Ingi Geir Hreinsson, 14.11.2007 kl. 09:46]

Hmm það varst þá þú sem fleygðir þessum hring í hnakkann á mér á Borginni hér um árið? Eða var ég bara saklaust fórnarlamb voðaskots?