Fyrirgefið á meðan ég slengi mér í vegg

Fyrirgefið "nefnd" um jólagjöfina í ár, en er ekki í lagi heima hjá ykkur?  Allir týndir á fjöllum eða alltaf stingandi af?  Þetta er ein sú furðulegasta niðurstaða á því sem líklegt er að flestir kaupi til jólagjafa, þ.e. GPS staðsetningartæki.  Jú mikil ósköp, ef ég ætti mann á fjöllum, leiðsögumann eða ættingja með heilabilun, myndi ég ekki hugsa mig um tvisvar og tækið færi í jólapakkann, en kommon, mikið rosalega yrði ég lítið glöð ef ég fengi þessa s.k. jólagjöf í ár.

Það er kannski ég sem er ekki með í jólaneysluhyggjunni.  Er þetta hið nútíma fótanuddtæki, sem ég varð aldrei svo fræg að kaupa, hvað þá heldur Ljósálfinn eða Gufugæjann?

Mjög sniðugt að geta séð hvar maður er staddur.  Ætli ég myndi t.d. geta séð hvar húsbandið væri staðsett, brygði hann sér af bæ?  Er ekki jafn sniðugt að lyfta bara upp símtólinu,  hringja ....... og segja: "Hæ hvar ertu?"

Kona spyr sig.

41 dagur til jóla.

GMG

Úje.

Jólagjöfin í ár

Athugasemdir

[Gísli Baldvinsson (IP-tala skráð) 13.11.2007 kl. 13:37]

Þú ert bara ljós í skammdeginu Í stað fótanuddtækja er komið mjög flott apparat sem ALLIR verða að eiga: Bjórpumpa !!! (nei ekki með r-i)

[Þröstur Unnar, 13.11.2007 kl. 13:44]

Það eru nú ekki allir sem vita hvar þeir eru staddir, þó þeir séu í miðri borg óttans, sérstaklega helgarmegin vikunnar. Gott fyrir þá að vera með radar. e haggi?

Svo væri örugglega ódýrara að gefa öllum fugladrápurum svona græju, í stað þess að senda þyrilvængjuna að leita, ef það skildi verða til þess að þeir rötuðu heim í kotið sitt hlítt og gott.

[Edda Agnarsdóttir, 13.11.2007 kl. 13:49]

Mig vantar eitt sona GPS tæki til að vita hvar strákurinn minn er! Elsku jólasveinn eitt svona takk.

[Hildigunnur Rúnarsdóttir, 13.11.2007 kl. 14:01]

neinei, hlaupa GéPéEss tæki bóndans er nú þokkalega búið að koma sér vel, bæði hér heima og í útlöndum. Snilldartæki til að rata eftir, ef maður fær staðsetningarpunkt á hótel og aðra staði sem þarf að rata á, auðvitað notar hann það aðallega til að taka hlaupatíma en það er líka gaman fyrir nörda eins og okkur að eiga staðsetningarpunkt á Colosseum og aðra skemmtilega staði.

Hann fékk þetta einmitt í jólagjöf frá mér fyrir tveimur árum.

Svo er gaman að vita hvað maður er að hjóla hratt og ekki síður keyra (aksturstölvan á bílgreyinu okkar á það til að bila og þá kemur þetta að mjög góðum notum)

Snilldargræjur. Jamm.

[Jenný Anna Baldursdóttir, 13.11.2007 kl. 14:14]

Frussssssssssssss, græjusjúklingar (froðufellandi hneyksliskarl).  Gerviþarfir börnin góð, gerviþarfir.

Muhaha

[Ragnheiður , 13.11.2007 kl. 14:15]

Ekki þýðir að færa okkur svona, við eigum 2 stykki eins og húsband Jennýar komst að.

Þetta er mikið notað í okkar stétt og sendibílsstjórar nota þetta líka grimmt.

Margt vitlausara til í pakkann hehe...svo getur maður tekið kvikyndið með sér til útlanda....tralala

[Ásthildur Cesil Þórðardóttir, 13.11.2007 kl. 14:23]

Gps í jólapakkan ekki spurning  Heimasmíðað. 

[Hallgerður Pétursdóttir (IP-tala skráð) 13.11.2007 kl. 14:33]

Á sínum tíma þegar fótanuddtækin runnu hér út hélt framleiðandi að íslendingar væru fjórfættir svo mikil var salan !sagt og skrifað.

[Sunna Dóra Möller, 13.11.2007 kl. 14:33]

Ég gaf mínu húsbandi GPS fyrir tveimur árum þegar hann fór að ganga á fjöll og leita að hvítu fiðurfé! Vildi ekki að hann týndist reglulega, eitthvað neyðarlegt að hringja alltaf í 112 út af sama manni !

Þannig að það má segja að ég hafi verið á undan tískunni...þannig að nú er feitur höfuðverkur að reyna að finna út hvað verður í tísku eftir tvö ár....til að vera á undan !

[Hildigunnur Rúnarsdóttir, 13.11.2007 kl. 14:36]

Sunna, við erum trendsetters hér :D

Hins vegar kom ekki inn á okkar heimili fótanuddtæki, sódastrím né lítill ljósálfur. Kaupi bara ekki að þetta sé í sömu deild...

[Jenný Anna Baldursdóttir, 13.11.2007 kl. 14:39]

Hildigunnur, face it woman, þú ert í fótanuddstækjadeildinni

[Jóna Á. Gísladóttir, 13.11.2007 kl. 17:38]

...að mati sérskipaðrar dómnefndar sem í voru valinkunnir einstaklingar með mikla næmni fyrir stefnum og straumum í þessum efnum. 

Fyrirgefð þú mér rétt á meðan ég kafna úr hlátri

[Hildigunnur Rúnarsdóttir, 13.11.2007 kl. 18:11]

whAAAAT???  

En græjusjúklingur mun ég alltaf verða. Bara nothæfar og sniðugar græjur, þó...