Ég auglýsi eftir hring..

 

..hann er demantaskorinn úr hvítagulli og er einn af þeim giftingarhringjum sem ég, nörðurinn hef borið í mínum fjölmörgu hjónaböndum.

Ég man eftir að hafa verið með einhverjum eiginmanna minna á heimleið eftir djamm á Laugaveginum og auðvitað var ekki leigubílsræksni að fá.

Mér var kalt.  Það var vetur, tískan staðsetti pils upp á mið læri, ég var með yfirvofandi frostskemmdir upp í júnó.

Ég var pirruð og ég reif kjaft enda alltaf með skoðanir, þá líka.

Mér var mótmælt og viðkomandi maður var ekki á því að sitja þegjandi undir skammardembunni.  Enda skildum við stuttu síðar (okok, við skildum a.m.k. en hversu "síðar" man ég ekki).

Til að leggja áherslu á orð mín þarna í stjörnubjartri og ískaldri vetrarnóttunni á Laugaveginum, 197tíu og eitthvað, reif ég af mér giftingagjörðina og slengdi henni upp í loft.  Við vorum fyrir utan gömlu Evu, (uppáhaldsbúðina mína þangað til hún Marta seldi hana;skamm Marta) og hringurinn flaug upp á húsþak eða yfir, ég veit það ekki, því ég var ekki í skapi til að gá.  Eiginmaðurinn þáverandi var ekki æstur í það heldur.  Honum var eflaust líka kalt og sennilega hefur hann hugsað mér þegjandi þörfina.

Eins og fyrr sagði þá var mér kalt og ég var svöng.  Mér lá á heim.  Pilsasíddin gerði ekki ráð fyrir leikfimiæfingum á frostköldum húsþökum, svo ég gaf dauðann og djöfsa í hringinn.

Ég reikna með að ég hafi keypt kjamma á leiðinni heim, enda enginn Hlölli til þá, hvað þá eitthvað menningarlegra.  Frusssssssssss.

Ef einhver hefur rekist á demantaskorinn hvítagullshring, vinsamlegast sendið mér meil, sem er skráð hérna efst á síðunni.

Engin fundarlaun, bara tóm gleði fyrir mína hönd.

Verð á hvítagulli er alltaf að hækka

Lofjúgæs.

Úje

Trúlofunarhringur finnst eftir 89 ár

Athugasemdir

[Guðrún B. (IP-tala skráð) 13.11.2007 kl. 01:58]

Sjitt ég fann'ann, en brædd'ann og át'ann.. sorry

En þú veist þá allavega hvar hann er

Þú ert óborganleg Jenný, ég pissaði næstum í mig úr hlátri. En hringurinn skilaði sér ekki fyrir því, sá á fund sem finnur.

Kærleiksknús í hring.

[Sporðdrekinn, 13.11.2007 kl. 02:22]

 Þetta var gaman að lesa, fúlt með hringinn samt

[Hrafnhildur Ýr Vilbertsdóttir, 13.11.2007 kl. 06:15]

HAHAHAHAHAHAHAHAHAHAHAHAThanks .....þarna  reddaðir þú annars þessum fúla morgni hjá mér.

[Laufey Ólafsdóttir, 13.11.2007 kl. 08:15]

Ætlarðu alveg að ganga frá mér í morgunsárið???

Yfirvofandi frosskemmdir í júnó.... haha! Það gæti farið illa  

[Sunna Dóra Möller, 13.11.2007 kl. 08:15]

..sammála síðasta ræðumanni, þetta reddaði alveg þessum annars slaka morgni !

Takk fyrir að vera svona skemmtilega alltaf, mér þykir samt leiðinlegt þetta með hringinn !

[Ásthildur Cesil Þórðardóttir, 13.11.2007 kl. 08:50]

Úlala heheheeh Jenný mín.  Ég skal láta þig vita ef ég finn hringinn góða. 

[Dísa Dóra, 13.11.2007 kl. 09:17]

hahaha þú verður bara að prófa að klifra upp á þakið núna og athuga hvort hringurinn sitji ekki fastur í þakrennunni eða álíka

[Jónína Dúadóttir, 13.11.2007 kl. 09:23]

Hmm... áttir þú í alvöru þennan flotta hring og HENTIR honum ? Mikið svakalega hlýturðu að hafa verið svöng....

[Birna Dis Vilbertsdóttir (IP-tala skráð) 13.11.2007 kl. 10:26]

Kjamma,OMG Ég fékk mér kjamma á BSÍ og kótelettur í raspi.  Daginn annars, Takk fyrir þetta nú verður minningardagur hjá mér hahahahahahahahaha

[Kristín Katla Árnadóttir, 13.11.2007 kl. 11:06]

Æi þú ert frábær þú færð mig alltaf til að brosa.

[Heiða Þórðar, 13.11.2007 kl. 11:36]

Þetta var hrikalega fyndið!

[Jóna Á. Gísladóttir, 13.11.2007 kl. 12:01]

hrikalega skemmtileg frétt. Hægt að gera heila bíómynd um hana í anda Titanic.

Þú ert klikkuð. Kjamma-kellingin þín addna  Ég er alveg viss um að þinn fyrrverandi hóf leit að hring stuttu eftir skilnað, fann og gaf nýrri konu. Gerðu húsleit hjá pari. 

[Jenný Anna Baldursdóttir, 13.11.2007 kl. 12:10]

Takk elskurnar og Jóna: Eiginmaður enn singúl. Enn að jafna sig. 

[Árni Gunnarsson, 13.11.2007 kl. 13:55]

Sá held ég að jafni sig.

[Jenný Anna Baldursdóttir, 14.11.2007 kl. 00:54]

Jújú, Árni minn, maður aldrei hamingjusamari en eftir að hann losnaði við mig og það er heilagur sannleikur.