Engar brussur takk!

(John Tickell, sá frábæri næringarfrömuður.) 

Það er eitthvað aðskilnaðar - og flokkunarelement í gangi í nútímanum.

Það er ráðist að útlendingum, húðlit, kynhneigð svo eitthvað sé nefnt.

Nú kemur enn einn snillingurinn fram með hugmynd.

Leiðandi næringarfræðingur í Ástralíu hefur hvatt flugfélög til þess að láta feita farþega borga hærri flugfargjöld.

Það getur vel verið að þessi maður sé næringarfræðingur en það er ábyggilegt að hann muni vera asnalegt eintak.

Hvernig ætli framtíðin verði, varðandi þessa hluti?

Jú, má ekki leiða getum að því, með þessu áframhaldi, að til þess að komast í helgarferðina til London eða Köben á lægsta verði, skuli fólk vera:

A)  Í kjörþyngd

B)  Ljóshært og bláeygt (og þá kemst þú ekki með krullubíninn þinn John nema að borga "feitt" fargjald)

C)  Með lítil og nett eyru

D)  Og alls ekki útskeift eða hjólbeinótt

1984 hvað?

Ég er eiginlega fegin að ég lifi ekki að eilífu, sko hér á jörðinni

Cray me a river!

Úje

Flugfélög hvött til þess að láta feita einstaklinga greiða hærra verð

Athugasemdir

[Marta B Helgadóttir, 12.11.2007 kl. 23:34]

Það er hræðilegt í löngu flugi að lenda við hliðina á t d feitum ameríkana ... sem fyllir útí allt sætið sem hann/hún situr í og hálft sætið sitthvoru megin við sig, maður er klessssstur uppað manneskjunni og svitnar með henni og getur ekki hreyft sig fyrir þrengslum.

Úff ég hata svona flugferðir og finnst bara að þetta fólk eigi að borga fyrir það pláss sem það tekur um borð.

Þeir sem ferðast með sellói þurfa að borga aukasæti undir sellóið, af hverju þá ekki að borga aukasæti undir spikið á sér líka

[halkatla, 12.11.2007 kl. 23:36]

það á líka að stækka allar brautir í Disneylandi því feita fólkið stöðvar stundum faratækin - kannski eru menn hræddir við að flugvélarnar drífi ekki? nei spaug, mann langar bara að gerast feitur í mótmælaskini (segi svona því ég er á svo góðri leið með að verða það )

[Bjarndís Helena Mitchell, 12.11.2007 kl. 23:41]

Æ, ég er bara þeirrar skoðunar að flugvélar úreldast og löngu sé tímabært að endurhanna sætin, stærðina og bil milli sæta, með frekari þægindi í huga. Fólk þarf ekki að vera feitt til að líða óþægilega í flugvélum, bara hávaxið t.d. Ég er lítil og smá þétt, en ekki í ofboðslegri yfirþyngd neitt, en finnst ekkert óþægilegra en að þurfa að sitja í flugvél í 8-12 tíma, með 1 1/2 armpúða, sjónvarpsskjá í fjarska og sætisbakið á næsta sæti fyrir framan mig í fanginu. 

Það á ekki að refsa feitum, stórum, litlum, gulum eða grænum fyrir að vilja ferðast. Heldur á að koma til móts við farþegana miklu betur. Þessi næringarfræðingur fær ekki góða einkunn frá mér. Uss! 

[Svala Jónsdóttir, 13.11.2007 kl. 00:19]

Það er ekki eins og fólk þurfi að vera feitt til þess að það sé óþægilegt að sitja við hliðina á því í flugi. Til dæmis er alveg nóg að vera karlmaður sem situr gleitt og blakar olnbogunum í mann á meðan hann flettir Mogganum...

[Þröstur Unnar, 13.11.2007 kl. 00:20]

Þyngri farþegar = stærri sæti= færri farþegar= dýrara fargjald.

[Jenný Anna Baldursdóttir, 13.11.2007 kl. 00:23]

Finnst fólki hérna í lagi að mismuna eftir þyngd?  Í alvörunni?

Ég á ekki orð. 

[Jenný Anna Baldursdóttir, 13.11.2007 kl. 00:28]

Hehe, Beta og ég þá, er ekki beinlínis víðfeðm eftir að ég hætti að drekka, við förum á fisgjaldi Beta mín.

[Þröstur Unnar, 13.11.2007 kl. 00:31]

Já gellur við fáum afslátt þegar við förum í fámennasætavélarnar.

[Jóna Á. Gísladóttir, 13.11.2007 kl. 00:47]

Ef fólk tekur fleiri en eitt sæti þá er auðvitað sjálfsagt að það borgi fyrir það en ekki sem einhverja refsingu. En við erum komin á hála braut. Feitt fólk fær ekki að ættleiða börn, íhugað er að banna fólk að reykja i sínum eigin bílum. Það líður pottþétt ekki á löngu þar til fólki verður bannað að reykja í íbúðunum sínum í fjölbýli.

Hvenær á að banna drykkju um borð í flugvélum. Er það ekki öðrum farþegum til ama þegar kallinn í næsta sæti er orðinn blindfullur með munnræpu. Ég bara spyr. Meiri andskotinn hvað okkur sem ekki reykjum, drekkum en erum ekki í yfirstærð, erum ljóshærð og bláeyg, er gert hátt undir höfði. Er Hitler kominn aftur?

[Ásthildur Cesil Þórðardóttir, 13.11.2007 kl. 08:55]

Málið er líka að fólk hefur misjafnan líkamsmassa, ég er til dæmis frekar beinastór, þannig að ég er þyngri en feitari manneskja sem er smábeinótt, hvar á að draga mörkin ?

[alva (IP-tala skráð) 14.11.2007 kl. 00:11]

Heimur hnignandi fer...