Ég er alki...

 

..og þá er mér svo sem slétt sama um hvort það er vegna þess að ég er haldin sjúkdómi eða að ég hafi komið mér upp fíkninni til að deyfa upplifanir.

Ég las blogg hjá einhverjum meðferðarfrömuði (Mumma held ég) í gær og las þar um skilgreiningu hans á fíkn.  Hann virtist ekki gefa mikið fyrir sjúkdómshugtakið alkahólisma.  Einhvertímann hefði ég farið á límingunum yfir því að fólk héldi því fram að fíkn væri ekki sjúkdómur.

Núna er mér slétt sama.

Það er búið að sýna fram á það, margoft, að fíkn sé sjúkdómur. Þó enn sé leitað að geninu

En eins og að ofan greinir, þá er mér nokk sama.

Skilgreini mig fyrst og fremst manneskju sem er edrú.

Þess vegna má þetta liggja á milli hluta.

Í bili að minnsta kosti.

Allir edrú og bráðheilbrigðir í dag er það ekki?

Ójá.

Athugasemdir

[Sunna Dóra Möller, 7.11.2007 kl. 09:50]

jamm....algjörlega skýr í kollinum með andlitið ofan í bók með dassi af sjálfsvorkun !

[Kristín Katla Árnadóttir, 7.11.2007 kl. 09:59]

Auðvita veit fólk að þetta er sjúkdómur það er margsannað. knús

[Úlfar Þór Birgisson Aspar, 7.11.2007 kl. 10:13]

Ég líka og ekkert nema gott um það að segja,enda er til lausn við þessum sjúkdómi og hann þekkir þú Jenný gangi þér allt í haginn kveðja Úlli.

[Jóna Á. Gísladóttir, 7.11.2007 kl. 10:26]

ég er edrú.. allavega fram að hádegi.

Þú ert auðvitað langflottust Jenný mín. Edrú og eggjandi.

[Hrönn Sigurðardóttir, 7.11.2007 kl. 10:37]

Ég er edrú ..... ennþá

[Ragnheiður , 7.11.2007 kl. 10:43]

Stundum eru vindmyllurnar bara til að snúast, óþarfi að berjast við þær allar. Sá sem þú vitnar í hefur oft nokkuð spes skoðanir en hey, hann nær árangri og það er nóg.

[Anna Ólafsdóttir (anno) (IP-tala skráð) 7.11.2007 kl. 11:27]

Þú ert eins og áður flottust  

Mig langar að bæta við það sem hún Ragnheiður segir hérna á undan mér. Ég held að þessi framsetning sé meira leið þessa ákveðna frömuðar til að aðgreina sig frá meðferðarbatteríi SÁÁ. Ég las þennan pistil og finnst hann frekar vera hártogun um orðanotkun en eitthvað annað. Það er alveg sama hvernig horft er á einstakling sem hefur ekki stjórn á fíkn sinni í áfengi eða dóp, hann er í sjúklegu ástandi. Mig skiptir engu frekar en þig hvort meðferðarfrömuðurinn vill horfa á hann og segja: hann er haldinn fíkn, eða hann er haldinn sjúkdómi. Þeir óvirku alkar sem ég þekki umgangast sjúkdómshugtakið á allt annan hátt en pistillinn lýsir. Ef ég á að vera alveg hreinskilin þá finnst mér sú lýsing frekar svona svart/hvít. En eins og Ragnheiður segir: Það er mest um vert að ná árangri og ef hann gerir það þá brosir sólin við fleirum en ella 

Knús

[Dísa Dóra, 7.11.2007 kl. 11:52]

Ég er edrú - ef frá er talið að ég er alltaf high on life

[Jenný Anna Baldursdóttir, 7.11.2007 kl. 12:28]

Dísa Dóra: Ég er líka hátt uppi á lífinu og tilverunni

Anna: Sammála þér eins og venjulega og já gott ef það virkar

Ragga: Ég er nefnilega ekki í miklubardagastuði í dag hehe, er að taka til í skúffum OMG

Jónsí: Að vera edrú fram að hádegi í þínu tilfelli er kraftaverk

Úlli: Það skiptir auðvitað mestu máli að maður þekki sitt ástand og kunni að nýta sér þær leiðir sem manni hafa verið kenndar.

Katla, Beta og SD: Love u guys

[Jón Steinar Ragnarsson, 7.11.2007 kl. 16:39]

Greining Doctor Silkworth stendur enn eins og klettur, sama hvað einhverjur mummar vilja tjá sig um þetta.  Að afneita þeirri greiningu er eins og að segja rúmfastann krabbameinssjúkling þjást af rúmleti og ístöðuleysi.