Af blómum, bók, kerti og fallegri konu

Ég vil byrja á því að þakka allar fallegu kveðjurnar sem mér hafa borist á meðan ég var í veikindastandinu.  Nú er mér þokkalega batnað og því getið þið sparkað í mig standandi.  DJÓK.

Annars er mér ekki hlátur í hug, ég er alveg þræl meyr og með smá kökk í hálsi.

Ég á svo yndislega fjölskyldu, bestu dætur í heimi, ásamt húsbandi sem uppfyllir háan alþjóðlegan gæðastuðul og fjölskylda mín er ekki af verri sortinni svona almennt og yfirleitt.

Í kvöld kom frumburðurinn hún Helga mín Björk ásamt gelgjubarnabarninu honum Jökli, í heimsókn til mín.  Helga Björk, örlát á sjálfa sig eins og systur hennar, knúsaði mömmu sína, færði henni blóm, kerti og bók.  Hugsið ykkur, bók.  Hún heitir The Road og ég ætla að gleypa hana í mig á morgun.  Frumburður ásamt erfingja voru búin að fara í ógeðissænskubúðina (IKEA) og voru þau svo frústreruð eftir þá heimsókna að þau keyptu nánast upp allt í nálægri Bónusverslun.

Hvað um það, frumburður sagðist vera að skrifa bók um "Árin með Jennýju undir áhrifum" (henni finnst hún fyndin), aðra sem heitir "Nokkrir góðir dagar án Jennýjar" (þegar ég fór í meðferð sko) og þá síðustu, eftir að ég varð edrú og hún mun heita "Hamskipti Móðurinnar".  Svo skemmtilegur vitnisburður eða þannig.Skæð þessi elsta dóttir mín.

En hvað um það.  Ég er viðkvæmnisbolti þessa dagana og mér þykir afskaplega vænt um stelpurnar mínar, enda heppin með þær allar þrjár.

Svo er hugur minn hjá henni Jónu vinkonu minni, ofurbloggara, mömmu Gelgjunnar og Þess Einhverfa, ásamt pabba þeirra Bretanum, sem lifa með höfuðið hátt, þrátt fyrir ýmsar hindranir sem mæta foreldrum fatlaðra batna.  Ég dáist að henni og hvet ykkur til að lesa bloggið hennar hérna.

Knús á þig Jónsí mín og takk fyrir daginn, þið öll í bloggheimum.

Lofjúgæs!

Kjéddlingin

Úje

Athugasemdir

[Heiða Þórðar, 7.11.2007 kl. 01:21]

Þessi færsla snerti mig Jenný. Love you

[Ásthildur Cesil Þórðardóttir, 7.11.2007 kl. 01:56]

Elsku Jenný mín þú ert flottust Knús á þig ljúfust.

[Sunna Dóra Möller, 7.11.2007 kl. 08:23]

 Gott að lesa svona færslu í upphafi dagsins!

Njóttu dagsins og bókarinnar, þú átt það skilið !

[krossgata, 7.11.2007 kl. 09:33]

Það er gott að staldra við og sjá og meta hvað maður á.  Til hamingju með fólkið þitt og eigðu góðan dag. 

[Ragnheiður , 7.11.2007 kl. 09:45]

Ég las í gær, kommentaði ekki, ég er asni, fór nebblega þá beint til Jónu.....með krumpukveðju

Pollýanna (í pásu)

[Jóna Á. Gísladóttir, 7.11.2007 kl. 10:24]

nú fór ég að grenja haddna... hef grenjað nóg í vinnunni þessa vikuna.

Viltu biðja Frumburð um að senda mér áritað eintak af fyrstu tveimur bókum (Nokkrir góðir dagar án Jennýjar ARGH )

lovjúsvítí

[Anna Ólafsdóttir (anno) (IP-tala skráð) 7.11.2007 kl. 11:04]

Snökt, snökt - svvooo fallegur pistill  Ég fer alveg að koma suður, þarf bara að klára kennslutörn. Get ekki beðið.

Fæ ég líka áritað eintak, öll bindin takk???

Knús  

[Jenný Anna Baldursdóttir, 7.11.2007 kl. 12:29]

Jóna og Anna þið fáið eintök nr. 1 og 2 af öllum fargings bókunum. og Anna drífa sig.

Takk allar fyrir sætu kveðjurnar.

Jónsí mín aldrei er of oft grátið í vinnunni eins og kjéddlingin sagði.