Styttur bæjarins...

 

..og minnisvarðar, eru að fá nýjan meðlim, hana Bríeti Bjarnhéðinsdóttur, þá merku konu.

Það er löngu tímabært að minnast hennar með afgerandi hætti, þó eflaust séu margar betri leiðir til en að reisa styttur og minnisvarða.

Heima hjá Bríeti var Kvenréttindafélag Íslands stofnað fyrir 100 árum.

Ég er að hugsa um að taka það upp hjá sjálfri mér næsta sumar, að gera hausatalningu á styttum bæjarins ásamt minnisvörðum og sjá kynjahlutfallið.

Vá hvað það er fyrirsjáanleg útkoma, körlum í hag.

En ég ætla að gera það samt svo ég geti rifið kjaft um það næsta haust hér á blogginu mínu og náð mér í holla hreyfingu í leiðinni.  Gæti auðvitað hringt í Reykjavíkurborg og spurt, en ég geri það ekki, því hver segir að hlutirnir VERÐI að vera einfaldir?

Áfram stelpur,

Ójá.

Minnisvarði um Bríeti Bjarnhéðinsdóttur

Athugasemdir

[Sunna Dóra Möller, 6.11.2007 kl. 12:49]

Veistu að ég gerði mjög óljósa könnun á þessu í tengslum við ratleik sem ég stjórnaði í æskulýðstarfi í tengslum við styttur og miðbæinn. Það eru afar fáar af konum eða eftir konur. Það er stytta að Björgu fyrir utan Odda að mig minnir, stytta af konu í Hljómskálagarðinum einnig. Svo er stytta eftir Nínu Sæmundsson fyrir framan Miðbæjarskólann. Móðurást. Einnig minnir mig að verkið utan á RSK húsinu í Tryggvagötu sé eftir Gerði Helgadóttur. Við hringdum í Listfræðing hjá Listasafni RVK og hún sagði okkur að það væru afar fá verk til eftir konur eða af konum og kortlagning á þessum höggmyndum er bara ekki til!

Soddan er nu det!

Ha´det bra

[Hlynur Hallsson, 6.11.2007 kl. 13:22]

Já, áfram stelpur! Til hamingju með 100 ára afmæið. Bríet var merkiskona og mun flottari en flestir þessara karla sem ratað hafa í styttur. Bestu kveðjur,

[Vendetta, 6.11.2007 kl. 13:44]

Jæja, þá varð Steinunni Valdísi að ósk sinni. Nú er ekkert lengur því til fyrirstöðu, að reist verði stytta af ljóðskáldi Reykjavíkur, Tómasi Guðmundssyni, einu fremsta og hugljúfasta skáldi íslenzku þjóðarinnar. Það er skömm að því að ekki enn hefur verið reist stytta af honum í höfuðborginni. Góður staður yrði Hljómskálagarðurinn, en margir aðrir staðir koma líka til greina.

[Kolgrima, 6.11.2007 kl. 14:38]

Reykjavíkurborg gaf út bækling sem heitir Styttur bæjarins (eða hefði átt að heita það), búin að snúa hér öllu við í leit að honum! Men den finns ontje. Svo þá er ekki um annað að ræða en að telja!

Æ, það er fínt að fá styttu af Bríeti. Um að gera að hafa konurnar aðeins sýnilegar. 

[Ásthildur Cesil Þórðardóttir, 6.11.2007 kl. 14:53]

Til lukku með Bríeti, já auðvitað ætti þetta að vera á svipuðum fjölda, konur hafa líka afrekað heilmiklu gegnum tíðina, það hefur bara svo lítið verið fjallað um slíkt í sögunum. 

[Brjánn Guðjónsson (IP-tala skráð) 6.11.2007 kl. 15:48]

Sammála því að það mættu vera fleiri styttur af konum, enda mun skemmtilegra að horfa á styttur af konum en körlum. Ég mæli líka eindregið með að þú gerir gangskör í hausatalningunni og nælir þér í afgerandi ástæðu til að hafa í frammi ærlegt fjas, enda er fjas til framdráttar :)