Ég þarf að æla, hvað kostar?

Héraðsdómur hefur dæmt karlmann í 180 þúsund króna sekt fyrir að ráðast á leigubílstjóra í Reykjavík í september í fyrra.  Manninum var einnig gert að greiða leigubílstjóranum 100 þúsund krónur í bætur, auk málskostanaðar.  Farþeginn reiddist yfir að þurfa að greiða "ælugjald" þ.e. vinnutap bílstjóra vegna þess að ekki er líft í bíl sem búið er að kasta upp í og fyrir djúphreinsun sem kostar fleiri þúsund krónur.

Það er stórhættulegt að vera leigubílstjóri í næturlífi Reykjavíkurborgar.  Og það á að gefa ofbeldisgemlingunum skýr skilaboð.  Það kostar að ráðast að fólki í starfi.  Bæði lögreglum, bílstjórum og öðrum þeim, sem vinna við þær geðveiku aðstæður sem stundum skapast á helgarfylleríum landans ofan í bæ.

Ég þekki leigubílstjóra () sem lenti í því að farþegi þurfti að æla í miðri ökuferð, þar sem erfitt var að stoppa.

"The passenger" spurði einfaldlega: Érraæla, kakostarra?

Ójá.

Reiddist vegna „ælugjalds"

Athugasemdir

[Ragnheiður , 5.11.2007 kl. 20:36]

Grímulaust ætlast fólk til þess að við þrífum þetta upp eftir það, það er hugsun sem ég skil ekki. Ég hef einmitt orðið vör við svona furðulegt attitjúd ef fólki er gerð grein fyrir að það á ekki að æla í leigubílinn. Það móðgast líka ef það má ekki éta Hlöllabát í bílnum,draugfullt. Mér tekst ekki að éta svoleiðis,ófull, öðruvísi en að setja niður á mig. Skilur fólk ekki að bíllinn þarf að aka fleiri ferðir ?

Plokkfiskur

[Ásdís Sigurðardóttir, 5.11.2007 kl. 20:37]

Hæ skvís.  Þú varst leynið mitt á blogginu í dag, fattaðirðu það kannski strax, þessvegna skrifaðirðu ekkert hjá mér í dag?? Hélt að rannsóknin þín væri í dag, en semsagt á morgun þá. Gott vona bara að allt gangi vel mín kæra.

[Ásthildur Cesil Þórðardóttir, 5.11.2007 kl. 20:41]

Órúleg ósvífni í fólki, gerir mann argan yfir svona löguðu.  Skítapakk, eða ælupakk.

[Jenný Anna Baldursdóttir, 5.11.2007 kl. 20:55]

Var í dag Ásdís mín, en er búin að sofa mestan part dagsins.

Ragga: Alveg með ólíkindum að fullorðið fólk skuli haga sér eins og villimenn.

Ásthildur: Sammála

[Sunna Dóra Möller, 5.11.2007 kl. 21:17]

Veistu það, að það er ekkert í heiminum nánast sem að mér finnst ógeðslegra en æla.......ef að þetta er vinnutengd áhætta leigubílstjóra þá eiga þeir alla mína samúð og fólk er ekki alveg í lagi sem að gerir svona !

[Hildigunnur Rúnarsdóttir, 5.11.2007 kl. 21:18]

oj, ég þríf upp æluna eftir börnin mín veik, en myndi ekki vilja þurfa að gera meira.  Hryllilega klígjugjörn...

[Sunna Dóra Möller, 5.11.2007 kl. 21:18]

p.s. ég vona að þú hafir það sem allra best og allt hafi gengið vel í dag! Eigðu gott kvöld og góða nótt

[Ragnheiður , 5.11.2007 kl. 21:24]

Þetta varð til þess að ég bloggaði heila romsu um leigubílana.. Ætlaði nú samt ekki að blanda vinnunni minni mikið í bloggið en hlýtur að vera ok ein og ein færsla

[Eggert Guðmundsson (IP-tala skráð) 5.11.2007 kl. 21:52]

Eins og sumir bílsjórar keyra á nóttunni mega þeir búast við því að einhver æli í bílnum. Margir ættu að líta sér nær!!

[Eggert Guðmundsson (IP-tala skráð) 5.11.2007 kl. 21:56]

Bílstjórar ættu að hafa ælupoka í bíl sínum til að forða fólki frá þeirri niðurlægingu að þurfa að æla á gólf bílsins. Það eru ælupokar í flugvélum vegna þess að sumt fólk verður veikt og kemst ekki neitt. Sama gildir um leigubílinn. 

[Ragnheiður , 5.11.2007 kl. 22:08]

Það eru margir bílar með slíka poka, það hefur stundum ekki bjargað neinu. Það tekur oftast ekki langa stund að stöðva bílinn en allt kemur fyrir ekki.

Það er hins vegar rétt hjá E.G. að sumir mættu keyra hægar en þeir gera, en það á ekki að bitna á okkur hinum.

[Heiða Þórðar, 5.11.2007 kl. 22:45]

Ég veit ekki hvort ég á að hlæja eða gráta...þannig að ég fer bara að æla...knús á þig sæta mín.

[Jóna Á. Gísladóttir, 6.11.2007 kl. 00:18]

Ég hló núna. Sorry. Þessi leigubílstjóri sem þú þekkir.... held ég kannist við hann.

Voðalega var hann kurteis og útpældur þessi farþegi; Érraæla, kakostarra? 

Hvenær í ósköpunum á að setja upp skot- og höggþétt gler á milli bílstjóra og farþega? Er ekki löngu kominn tími á það?

[Jenný Anna Baldursdóttir, 6.11.2007 kl. 00:31]

Skothelt gler er málið.

Takk öll fyrir komment, ef það á að vera ælupoki í leigubílum (ekki að ég hafi á móti því, gott að auka þjónustuna) má þá ekki segja að ælupokar ættu að finnast í strætóum, á almenningsklósettum, á biðstofum og í opinberum stofnunum?  Oj ég æli

[Hrafnhildur Ýr Vilbertsdóttir, 6.11.2007 kl. 18:49]

Hélt ég yrði ekki eldri. Érraæla kakostarra.

Annars finnst mér sjálfsagt að þeir sem æla í leigubílum eigi að borga þrif og vinnutap. 

Hahaha er enn að hlæja að þeim fulla.