GMG - Ég blogga um fótbolta!

..Nú myndi ég hlægja væri ég ekki dauð sagði kerlingin og þannig líður mér.  Að ég skuli, með ráði og rænu, með fullt forræði yfir sjálfri mér og mínum veraldlegu eigum, blogga um fótbolta er merki um að ég sé að missa það.

Hún Anna á ekki eftir að ná upp í þetta.

Jæja, hér kemur þessi djúpvitra fótboltafærsla.

Alex Ferguson (já jafnvel ég veit hver sá hrokagikkur er) sagði að jafnteflið við Arsenal, sé tilkomið vegna þess að dómari leiksins hafi verið hliðhollur Arsenal og það væri kannski engin furða því skrílslæti stuðningsmanna Arsenal hlytu að hafa áhrif á dómarana.

Hm..

Þetta þýðir þá á mannamáli,

Að Alex Ferguson hefur..

..tröllatrú á áhrifamætti stuðningsmanna

..og zero trú á dómgreind og karakter dómara.

Svo bíð ég alltaf eftir þeirri stundu, þegar vinningsliðið kvartar yfir dómgæslu og segist hafa unnið á hæpnum forsendum.

Ætli það komi einhvertímann að því?

Annars rúla Bítlarnir og bærinn þeirra í leiðinni.

Blak hvað?

Úje

E

Ferguson: Dómarinn var hlutdrægur

Athugasemdir

[Hrönn Sigurðardóttir, 4.11.2007 kl. 11:29]

[Birna Dis Vilbertsdóttir (IP-tala skráð) 4.11.2007 kl. 11:37]

 Daginn vinkona. Ég veit örugglega minna um fótbolta en þú. Og þegar ég tala um hann verða fótboltafanin reið yfir fávísi minni um þessa mjög svo "mikilvæga"mál.hehehehehehe

[Anna Ólafsdóttir (anno) (IP-tala skráð) 4.11.2007 kl. 11:50]

Yerrrrrsssss!!!! Ég vissetta Þegar þú sagðir mér að Einar hefði snúið upp á þúveisthvað og þar með værir þú komin í áskrift að þeim enska þá vissi ég að það þyrfti ekki að bíða lengi eftir fótboltafærslu. En með alla þessa núverandi sérfræðiþekkingu á Ferguson og dómurum og alles: Hvað meinti þá mín með þessu "nó kommentó" í kommentakerfinu mínu í gær?

[Jenný Anna Baldursdóttir, 4.11.2007 kl. 11:55]

Anna mín: Var að reyna að vera æðra sjálfi mínu trú

[Sunna Dóra Möller, 4.11.2007 kl. 12:34]

Fótboltablogg....!

[Kristín M. Jóhannsdóttir, 4.11.2007 kl. 17:08]

Velkomin í íþróttahópinn. Ég skrifa reyndar sjaldan um fótbolta (maður pirrar alltaf einhvern þegar maður gerir það - nema þínir lesendur virðast dannaðir hér núna) en þeim mun meira um hokkí (þótt enginn nenni að lesa það). Um Ferguson má segja að hann er greinilega frábær þjálfari en algjör leiðindapúki ef marka má ummæli hans í fjölmiðlum svona yfirleitt. Fótoboltaþjálfarar mega taka hokkíþjálfara sér til fyrirmyndar því þeir eru alltaf dannaðir og væla yfirleitt aldrei yfir neinu.