Í dag..

 

..hef ég böðlast áfram eins og bilaður valtari í maníu.  Mér hefur tekist að gera eftirfarandi:

Færa mig frá tölvustól í sófa, frá sófa í eldhússtól, úr eldhússtól í annan eldhússtól osfrv.

Jenný Una er hér en hún hefur verið mikið á ferðinni um húsið, á tveimur jafnfljótum.

Eitthvað fannst henni amma sín vera í latari laginu og hún tók háfa kókflösku sem stóð á borðinu og hellti úr henni "alleg óart" á gólfið.  Svo sagði sú stutta: Amma það er bleyta á gólfinu, þú verrur að þvo hann (gólfann sko).

Þegar ég var búin að því benti hún mér á að vindurinn væri kominn í trén og við yrðum að fylgjast með honum.  Hann er stundum smá reiður en bara "pínupínulítð".

Nú syngur hún hástöfum um "Pippi Långstrump" á meðan hún hoppar ofan á Einari þar sem hann liggur á sófanum.

Ræktin hvað.

Er farin að elda, öruggast að halda sig við efnið hérna.

Úje. 

P.s. Skelli hérna inn einni trommumynd af barninu til skemmtunar.

Athugasemdir

[Kolgrima, 3.11.2007 kl. 18:09]

Ahh, æðislegt trommuömmubarn  

[Guðríður Hrefna Haraldsdóttir, 3.11.2007 kl. 18:20]

Þvílík orka. Hún verður flottur forsætisráðherra eða trommari eða kjarneðlisfræðingur eða flugfreyja eða veðurfræðingur. Líst vel á ykkur. Knús frá Skaganum.

[Ragnheiður , 3.11.2007 kl. 18:25]

hehe reyndu bara að líta út fyrir að vera bissí næst svo barn finni ekki verkefni handa ömmu í hrönnum.

[Jóna Á. Gísladóttir, 3.11.2007 kl. 18:43]

hehehe alleg óart. The attitude-princess. Just love this kid

[Ragnheiður , 3.11.2007 kl. 19:27]

msn er enn bilað, varð að blokka þig aftur.

[Hugarfluga, 3.11.2007 kl. 20:09]

Ertu nokkuð til í að biðja foreldrana um uppskrift að svona baddni. Kræsturinn, hvað hún er mikill dúllurass!! *andvarp* 

[Hallgerður Pétursdóttir (IP-tala skráð) 3.11.2007 kl. 20:09]

Gaman að lesa þetta,var einmitt í sömu sporum að "passa" þrjú barnabörn.Finn einmitt hvað aldurinn er að vinna á móti manni,ég hreinlega kann þetta ekki. (Hef kannski aldrei kunnað ) Man samt þegar ég var og hét að þetta var ekkert mál,rann einhvern veginn svo auðveldlega.Núna er ég skíthrædd um að eitthvað komi fyrir !.En elska þau út af lífinu,nýt þess út í hörgul að upplifa  allt upp á nýtt með þeim,og þessa dásamlegu tilfinningu að verða ennþá hissa ?

[Marta B Helgadóttir, 3.11.2007 kl. 20:37]

Vá hvað hún er mikið krútt

[Jenný Anna Baldursdóttir, 3.11.2007 kl. 20:48]

Takk gott fólk, en nú er hún sofnuð og var orðin dauðþreytt og við "gömlu" hjónin líka.

[Ásdís Sigurðardóttir, 3.11.2007 kl. 21:02]

Upprennandi snillingur, ekki spurning. Er amman ekki að hressast með kvöldinu??

[Hugarfluga, 3.11.2007 kl. 22:25]

Takk fyrir innlitið, sætu konur!

Hallgerður: Nei, listakonan heitir Nita Leland.

[Hugarfluga, 3.11.2007 kl. 22:27]

Ji, ég kommentaði á mitt blogg á þínu bloggi. Ég er ekkert of vel gefin! Sorrý, Jenný mín.

[Jenný Anna Baldursdóttir, 3.11.2007 kl. 22:28]

Ammen er þreytt og sæl, Ásdí smín.  Takk Marta og Fluga ég er át enn einu sinni í msn heiminum.  Dem.

[Anna Ólafsdóttir (anno) (IP-tala skráð) 3.11.2007 kl. 22:47]

Ég myndi mikið gefa fyrir að fá að hlusta á þennan dásamlega accent hjá ömmubarninu. Hann er yfirkrúttlegur - eins og hún er sjálf þessi prinsessa. Haltu áfram að afreka það að hvíla þig - smjúts

[Jóna Á. Gísladóttir, 3.11.2007 kl. 23:16]

Nú hló ég hátt

Hugarflugan er að drepa mig hahahahahaahhahahahahahha