Tala beint út Björn Bjarnason

Ef það er verið að herða eftirlit vegna yfirvofandi ógnar við þjóðaröryggi, þá finnst mér sem borgara, ég eiga heimtingu á að vita aðeins um málið, annað en þessar loðnu upplýsingar sem eru í þessari frétt.

Er Falun Gong á leiðinni?  Ætla þeir nú að ógna okkur enn á ný með hugleiðslu og litríkri nærveru sinni?  Þeir eru alveg svakalega ógnandi eins og Íslendingar hafa orðið vitni að, eða þannig.

Kannski er jógaráðstefna í uppsiglingu.  Það er auðvitað sjálfsagt að vera á verði gagnvart þannig liði, það gæti sent á okkur eitthvað miður gott, eins og kærleika á náunganum.

Eða er herta eftirlitið tilkomið vegna þess að Hells Angels eru að koma til landsins?

Því þá ekki að segja það beint út?

Ef einhvertímann er réttlætanlegt að fara gegn hópi fólks, þá er það gagnvart þessum illræmda hyski sem engu eirir hvar sem það drepur niður fæti.

Komasho.

Eftirlitið hert vegna ógnar við þjóðaröryggi

Athugasemdir

[Sunna Dóra Möller, 2.11.2007 kl. 10:22]

Mér finnst þetta nú pínu skerí...

[Birna Dis Vilbertsdóttir (IP-tala skráð) 2.11.2007 kl. 10:59]

 sammála Sunnu, þú ert snilld Jenný

[Bjarndís Helena Mitchell, 2.11.2007 kl. 11:24]

[Þórður Runólfsson (IP-tala skráð) 2.11.2007 kl. 11:39]

Alla vega er það ekki vegna ráðstefnu drápstólaframleiðanda. Líklegra er að hér ráðist Björn Bjarna Fáfnisbani, - verndari íslensku Þjóðarinnar, sem réðst gegn Fáfni, drekanum ógurlega, sem lurað hafði í skúmaskotum Reykjavíkurborgar - , gegn Heljar Englum, - sem ekki eru hinni guðdómlegu þjóð þóknanlegir, eins og drápstólaframleiðendur - , sem höfðu ætlað að svalla ógurlega og leggja á ráðin með drekanum ógurlega, Fáfni.

[Ragnheiður , 2.11.2007 kl. 17:35]

http://logreglan.is/displayer.asp?cat_id=81&module_id=220&element_id=10647

Hérna Jenný mín...skýring á háttalagi BB