Hvað gerðum við án þeirra?

Sautján þúsund erlendir ríkisborgarar eru hér á vinnumarkaði.  Þetta er ekki lítill hópur.  Vinnumálastofnunin segir, að mikil fjölgun erlendra starfsmanna hafi verið innan flestra atvinnugreina. 

Ég er ekki hissa, uppsveiflan í þjóðfélaginu kallar á margar vinnufúsar hendur.

Hafið þið pælt í því, hvernig þjóðfélagið myndi fúnkera, ef engin fengist til að koma hingað og vinna?

Það er eins gott að við sýnum þessu fólki öllu ekta íslenska gestrisni.

Ójá.

17 þúsund erlendir ríkisborgarar á vinnumarkaði hér

Athugasemdir

[Ásdís Sigurðardóttir, 22.10.2007 kl. 21:04]

Pældíþví, ef kemur upp sú staða á ný að við (Íslendingar) þurfum að fara að vinna í fiski eða moka skurði eða bara allt hitt sem við erum hætt að nenna að gera, viljum bara vera Bjarni Ármanns eða Eiður Smári og þykjumst vera rík og og og og og  ó mæ god.

[Hrafnhildur Ýr Vilbertsdóttir, 22.10.2007 kl. 21:08]

Þetta er ekki lág tala. Mér finnst alltaf jafn skrítið að heyra um fólk sem strunsar sármóðgað út úr bónus að því að útlendingurinn á kassanum talar ekki íslensku eins og innfæddur  ( okey smá ýkjur). En  samt hvað er málið.?

Verst er þó að heyra um slæm kjör og aðbúnað margra sem koma til landsins til að vinna,  þeir eru hafðir á sultarlaunum og dúsa margir saman í herbergiskytru, sem er leigð  á uppsprengdu verði.

[Geiri (IP-tala skráð) 23.10.2007 kl. 04:26]

Miðað við frjósemi þá hefðum við líklega lent í kreppu í kringum aldarmótin ef við hefðum ekki tekið við þessu fólki.

Plúsarnir eru fleiri en því miður vilja sumir bara ekki sjá þá. 

[Geiri (IP-tala skráð) 23.10.2007 kl. 04:32]

Vil bæta smá við...

 Ég verð að segja að ég er ekkert voðalega hrifinn af því þegar afgreiðslufólk talar ekki íslensku. Finnst sjálfsagt að innflytjendur taki að sér önnur störf til að byrja með, að þeir geti allavega bjargað sér á íslensku áður en þeir starfa við störf þar sem samskipti eru mikil við viðskiptavini. Hinsvegar verð ég ekki reiður út í fólkið sjálft heldur þá sem reka fyrirtækin fyrir að setja þá í þessa óþægilegu stöðu.

[Hildigunnur Rúnarsdóttir, 23.10.2007 kl. 11:17]

Geiri, hvaða störf þá? Og hvar ætlarðu að finna Íslendingana til að vinna á kössunum? Neðar í grunnskólunum?

Þetta er hreint ekkert auðvelt, sko...

[Geiri (IP-tala skráð) 23.10.2007 kl. 13:23]

Eins og ég sagði þá vil ég bara að þeir geti bjargað sér, ekki að þeir tali eins og innfæddir. Ég sagði aldrei að það ætti að ráða frekar Íslendinga, bara að innflytjendum sé ekki hent á kassa þegar þeir vita ekki einu sinni hvað orðið takk þýðir. Ég er frekar viss um að þeim finnst þetta líka óþægilegt en taka þessari stöðu oft í neyð, þess vegna tel ég ábyrgðina vera hjá fyrirtækjunum. 

Annars er ég ekki bara að byggja þetta á persónulegri reynslu sem viðskiptavinur, ég þekki innflytjendur sem hafa verið í þessari stöðu og flestir eru sammála mér að það sé sjálfsagt að afgreiðslufólk kunni eitthvað í íslensku.