Lífi mínu, eins og ég hef hingað til þekkt það er hér með lokið!

Hljómsveit hússins, var rétt í þessu, að fjárfesta í hinni Sýnarstöðinni (Sýn I og II).  Líf mitt verður aldrei samt aftur.

Nú verður horft á

Fótbolta

Ískurl

Box (sveiattan, ofbeldi)

Handbolta (það er í lagi, hann er skemmtilegur, það GERIST þó eitthvað)

Blak (híhí)

Hlaup

Ark

Gang

Lausagang

og hvað þetta heitir allt saman.

Lætin í húsinu eru skelfileg.  Fótbolti á dagskrá og áhorfendur og þulur að missa það.

Heitar tilfinningar í gangi.

Ójá.

Athugasemdir

[Kristín Katla Árnadóttir, 20.10.2007 kl. 16:08]

ÚFF ég er laus við það núna.

[Guðríður Hrefna Haraldsdóttir, 20.10.2007 kl. 16:38]

Horfðu með honum á fótboltann, eftir smátíma nærðu snilldinni! Þetta getur verið svakalega góð skemmtun!

[Ásthildur Cesil Þórðardóttir, 20.10.2007 kl. 17:09]

Talaðu við Árna Johnsen hann er víst umboðsmaður fyrir flatskjái, og fáðu hann til að gefa þér auka sjónvarp, þá getur hver unað við sitt, Jenný elskuleg horft á dr. House og Hljómsveit hússins átt sinn boltaleik í frið.  Mundu bara að velja herbergi sem fjærst frá hvert öðru, nú eða fá sér Headphone.   Þetta er í boði sálfræðiþjónustu Cesiljar. 

[Bogi Jónsson, 20.10.2007 kl. 17:11]

Fátt er svo með öllu illt að það hafi ekki eitthvað gott í för með sér ( og fátt er svo með öllu gott að það hafi ekki eitthvað illt í för með sér)

Þú verður sennilega snökktum sáttari við hljómsveitina þín þegar ég segi þér frá því að stórveldið mitt er með gervihnattadisk og horfir á eintómar sápuþætti og annað eins gleðiefni sem er á THAILENSKU með tilheyrandi háfaða og skrækjum og ekki voga ég mér að reyna að skipta yfir á stóð með víkingamáli því þó að ég er HÚSBÓNDI Á MÍNU HEIMILLI OG RÆÐ ÖLLU

[Huld S. Ringsted, 20.10.2007 kl. 17:11]

Ég samhryggist þér Jenný mín, það var fjárfest í þessu hérna hjá mér og það eina góða sem kemur útúr því að þá fæ ég að hafa tölvuna í friði!!

[Bogi Jónsson, 20.10.2007 kl. 17:14]

Arg Arg ég Ýtti á vitlausan takka og sendi allt óviljandi strax en hér er áframhaldið: 

sem hún stingur uppá eða samþykkir

[Hugarfluga, 20.10.2007 kl. 17:35]

Nú er bara að taka 12 spora kerfi antisportista á'etta! Standa upp og labba 5 skref og ná í fjarstýringuna og önnur 7 tilbaka með hana í ruslið. 

[Hallgerður langbrók (IP-tala skráð) 20.10.2007 kl. 17:45]

Þetta skýrir nú ýmislegt,slæmt að verða undir á sínu eigin heimili !Hafðu mín ráð sýndu umburðalyndi,ekki henda þeim út þetta eru örugglega góðir peyjar.Hafðu húmor Jenný,þetta er verst fyrst og svo smá versnar þetta.

[Jónína Dúadóttir, 20.10.2007 kl. 18:02]

Ég er svo heppin að eiga mjög sjaldgæft eintak af spúsa, hvort sem þið trúið því eða ekki, þá hefur hann EKKI gaman af því að horfa á fótbolta

[Sunna Dóra Möller, 20.10.2007 kl. 18:11]

Kannski verður einhvern tímann sýnt frá listadansi á skautum....eða sunddýfingar...hmmmm það er nú alltaf skemmtilegt !

Ekki bugast .... þetta fer allt vel

[Sigríður Sigurðardóttir, 20.10.2007 kl. 18:58]

  Jaso.  Samúðarkveðjur.  Hér er "slökkt" á mínu húsbandi samskiptalega séð, hvenær sem fótbolti, handbolti, formúla og box er í gangi í imbanum.  Fílahjörð á rölti í gegnum húsið, naktar magadansmeyjur, organdi hjörð af leikskólabörnum, stórbruni í eldhúsinu eða stofu trufla hann ekki hið minnsta í áhorfinu.  En það fór einu sinni rafmagnið af "í miðjum leik"......"hvern fjandann gerðiru, núna" beljaði minn maður hið snarasta á mig.  Heppin að það varð einhver smá bilun í rafstöð hér í borg, en ekki þvottavélin að slá út.

[Laufey Ólafsdóttir, 20.10.2007 kl. 19:07]

Takk fyrir að minna mig á stærstu ástæðuna fyrir að ég hef ekki karlmenn á mínu heimili. 

Samúð

Uss, þú bloggar bara á meðan!

[Laufey Ólafsdóttir, 20.10.2007 kl. 19:09]

...annars þekki ég reyndar svona konur líka... hef þær ekki heldur á heimilinu. 

[Ásdís Sigurðardóttir, 20.10.2007 kl. 19:19]

Fótbolti er skemmtilegur ef maður hefur vit á að skammta sér áhorf.  Það er svo einstakt með húsbandið mitt að hann horfir ef það er ekkert annað sem hann hefur að gera, eða sem ég vil að hann geri. Veit ekki hvort það eru leyfar af því að alast upp með 4 systrum, vanur að lúffa. En allavegana þá höfum við ekki sýn svo þetta er ekki neitt vandamál.  Samúð til þín Jenný min en vona að ástandið lagist.

[Anna Ólafsdóttir (anno) (IP-tala skráð) 20.10.2007 kl. 19:42]

Nú sýnist mér ljóst að fótbolta- og hnefaleikabloggin mín hafi skilað sér - svona á ská - tíhíhíhíhí - múhhhha

[Þröstur Unnar, 20.10.2007 kl. 20:42]

Laufey

[Edda Agnarsdóttir, 20.10.2007 kl. 21:29]

Húrrra Fyrir Laufey, minnir mann á það að konur sem eru sjálfstæðar eiga að búa einar eða í fjarbúð! Mér hefur oft dottið í hug alminnileg "dyngja" það ætti að vera verkefni fyrir arkitekta framtíðarinnar til að koma í veg fyrir sundrung á heimilum og að börn fái að njóta sín betur með því að dyngjan kemur í veg fyrir hjónaskilnaði. Lífið fer hvort sem er alltaf í hringi og þetta er eitt af því sem konur ættu að taka upp aftur. Algjörlega prívat og heilagt þar sem þær ráða öllu.

[Jenný Anna Baldursdóttir, 20.10.2007 kl. 21:31]

Ligg í kasti, þið eruð svo skemmtileg.  Takk fyrir athugasemdir.

[Einar Indriðason, 20.10.2007 kl. 21:35]

Lausnin er:  Eitt sjónvarp per íbúa per íbúð.