Zero barnaníðingar..

eða hvað? 

Ætli páfinn hafi tékkað ferilskrá þessara dúdda sem hann var að gera að kardínálum?

Annars má hann útnefna hvað sem er fyrir mér.

Þegar ég heyri af Vatíkani og embættismönnum innan þessarar kirkju, þá er því, því miður, svo farið að upp í hugann kemur sá hópur af börnum sem prestar kirkjunnar, hafa misnotað í gegnum aldirnar.

Svo geta þeir útnefnt hvorn annan til engla og dýrlinga fyrir mér.

Kaþólsk trú stendur fyrir kynferðislegt ofbeldi, kvennakúgun og ræktun sektarkenndarm, í mínum huga.

Amen.

Ójá

Páfi útnefnir 23 nýja kardínála

Athugasemdir

[Jeremía, 17.10.2007 kl. 15:47]

"Kaþólsk trú stendur fyrir kynferðislegt ofbeldi, kvennakúgun og ræktun sektarkenndarm, í mínum huga."  Lýsir kannski best þínum huga.

[Daði Einarsson, 17.10.2007 kl. 15:48]

Kaþólska kirkjan (trú er annað mál) stendur ekki bara fyrir kynferðislegt ofbeldi, kvennakúgun og ræktun sektarkenndar. Það er bara smábrot af því ofbeldi, kúgun, morðum, stríðum, bókstafstrú og uppbyggingu mismununar (discrimination) og fordóma (stigmatisation) gegn öllum hópum sem þeir í sínum háhelgislepjuleik telja ekki nógu góða.

Sorry fyrir hörð orð, mun líklega fara til helvítis fyrir þau en þá get ég a.m.k. spjallað við fyrrverandi páfa og fleiri bókstafstrúarmenn um trúmál.  

[Anna Ólafsdóttir Björnsson, 17.10.2007 kl. 16:29]

Get ekki annað en tekið undir að í skjóli trúar hafa allt of mörg níðingsverk verið látin viðgangast. Kastljósið hefur verið á kaþólskum í þessum efnum að undanförnu, og ef til vill er krafan um ,,hrein"lífi hluti af því dæmi, en það má ekki gleyma því að sumir barnaníðingar eru fjölskyldufeður, svo það er ekki bara um að ræða afleiðingu af einhverri kröfu sem ekki stenst fyrir alla (hreinlífiskröfu). Það sem afbrot fjölskyldufeðra og presta eiga sameiginlegt er að þar eru þeir sem traust er sett á að brjóta gegn þeim sem eru undir verndarvæng þeirra, það gerir afbrot þeirra svo óhugnanleg.

Ég held að Daði muni ekki lenda á vondum stað, hvar sem hann hafnar, og minni á það sem Jón Helgason sagði:

Ef allt þetta fólk fær í gullsölum himnanna gist

sem gerir sér mat úr að nudda sér utan í Krist

Þá hlýtur sú spurning að vakna hvort mikils sé misst

þótt maður að síðustu lendi í annarri vist.

[Sunna Dóra Möller, 17.10.2007 kl. 16:49]

Það er skelfilegt fyrir kaþólsku kirkjuna að vera með þennan barnaníðingsblett á bakinu, ásamt útilokum kvenna og stöðugum syndaáróðri ofl.ofl.....ég bara get ekki annað en verið sammála þér Jenný...þessi kirkja stendur ekki í mínum huga fyrir frelsi og jafnrétti......en ég hugsa að hún standi fyrir þriðja liðinn...bræðralagið! það gildir í einu og öllu, héðan í frá og að eilífu!

Fussogsvei .....karlveldið í hnotskurn!!

[Ásdís Sigurðardóttir, 17.10.2007 kl. 18:51]

Sammála þér stelpa, þú stendur þig vel í að benda á það sem illa er gert og gerir það á mannamáli.  Takk dúlla.

[Hans Jörgen Hansen, 17.10.2007 kl. 22:38]

úff já þá hlýt ég að tala með barnamisnotkun, kúgun kvenna og að koma sem mestri sektarkennt og vanlíðan meðal allra.

Milljónir kaþólikka sem ekki eru strangtrúaðir eru með nákvæmlegu sömu sýn á þessum hlutum og þú.
Það þýðir ekki að dæma trúarbragð vegna gerða klikkaðra manna því þá væri ekki til það trúarbragð sem ekki stæði fyrir slæma hluti!!!!!

[Jenný Anna Baldursdóttir, 17.10.2007 kl. 22:39]

Hans Jörgen: Ég er ekki að dæma fólkið sem trúir, heldur þá sem álíta sig umboðsmenn Guðs á jörðinni og misnota vald sitt gróflega.