Allir stelandi jájá, en hvað með blómin???

Það er stolið og stolið úr búðum, af fólki og útum allt.  Já,já, það eru ekki fréttir.  En mig fýsir að vita, og fá á hreint, hvor blómin sem þessi rómantíski þjófur var með á persónu sinni, voru stolin eða ekki.  Það er ekki vitað, þó maðurinn sé grunaður um að hafa stolið þeim ásamt öðrum varningi sem hann var með.

Þegar ég las fréttina þá sá ég fyrir mér mann, sem hafði dottið í það og verið aðeins of lengi á djamminu, en hann upphaflega ætlaði.  Hann týndi kortinu og þorði ekki heim.  Í öngum sínum og örvæntingu greip þessi maður til örþrifaráða.  Hann stal einhverju dóti til að gefa konunni, til að láta "innkaupin" líta út fyrir að vera eðlileg, þá skellti hann "dassi" af rakvélarblöðum inná sig líka (hafði tekið eftir hvað rakvélarblöð eru hott meðal þjófa þessa dagana?).  Til að kóróna sköpunarverkið hefur kallinn komið við í Blómaval og stolið búkkett.

Ég er farin að hágráta, ég vorkenni svo þessum krúttlega "týnda elskhuga" konunnar sem hefur beðið elskunnar sinnar síðan á laugardag, með lærið í ofninum.

Vona að allt lagist á milli þeirra.

Sjáið þið ekki fyrir ykkur svona sögur út úr fréttum?

Ég hélt það.

Enda er ég ekki biluð, nema að litlu leyti.

Lifi smáfuglarnir.

Úje

Þjófur tekinn með fatnað og rakvélar

Athugasemdir

[Huld S. Ringsted, 17.10.2007 kl. 14:49]

Kallgreyið!!

[Ásdís Sigurðardóttir, 17.10.2007 kl. 14:51]

Já, þeir eru ótrúlegir þessir laganna verðir, engin rómantik í þeim,  viltu deila af þinni síðu hlekknum á mína og hvejta fólk til að skrifa undir listann hjá mér.

[Jenný Anna Baldursdóttir, 17.10.2007 kl. 14:51]

Já, ég dauðvorkenni manninum Huld, ég verð að segja það.

[Jenný Anna Baldursdóttir, 17.10.2007 kl. 15:13]

Tékka á þessu Ásdís.

[Huld S. Ringsted, 17.10.2007 kl. 15:24]

Hann sýndi þó smá viðleitni að færa kellu blóm (meira en sumir gera! )

[Sunna Dóra Möller, 17.10.2007 kl. 16:46]

Rómantískur þjófir og grátbólgin kona að bíða og enginn kemur....ég sé þetta alveg fyrir mér og sé varla út úr augum hér fyrir tárum !

[Jóna Á. Gísladóttir, 17.10.2007 kl. 17:28]

Já hver hefur sinn djöful að draga.. það er alveg ljóst

[Birna Dis Vilbertsdóttir (IP-tala skráð) 17.10.2007 kl. 21:29]

Hehehehehehe