Hvur sagði hvað við hvern, hvenær???

Er Bjarni að segja satt um fundinn heima hjá Villa Vill, þar sem fleiri klukkutímar fóru í að kynna  samning REI og OR til 20 ára?  Er Villi að segja satt um að muna ekki rass né rófu, og að ekkert hafi verið kynnt fyrir honum.?  Voru þeir að spila Trivial heima hjá honum strákarnir?  Er Haukur Leós, að kóa með Bjarna eða er hann að segja satt, svo hjálpi honum Guð almáttugur?

Ég hef oft lesið bækur, með brilljant fléttum, en enginn höfundur kemst með tærnar, þar sem ævintýri og örlög Vilhjálms, Binga, Bjarna og Hauks, hafa hælana.

Þessi spenna er ekki góð fyrir alka eins og mig.  Annaðhvort slekk ég á öllu upplýsingastreymi til mín, og það er mér ekki ljúft eða ég krefst þess einfaldlega að þetta lið segi sannleikann, í eitt skipti fyrir öll.

Ekki er allt þetta fólk að ljúga, ég trúi því ekki.

Villi, halló!

Súmíbítmíbætmí.

Vilhjálmur Þ: „Nei, 20 ára ákvæðið var ekki kynnt fyrir mér "

Athugasemdir

[Ragnheiður , 15.10.2007 kl. 19:47]

Er að horfa á Villa í Kastljósi...hann man ekki baun í bala...og Bjarni Ármanns er þarna líka ...mikið stuð.

[Marinó G. Njálsson, 15.10.2007 kl. 19:50]

Þetta er farið verða eins og gríngátlistinn minn

[Mummi Guð, 15.10.2007 kl. 19:55]

Þetta er orð gegn orði hjá þeim. Og hvorum ætti maður að trúa? hmmm.

[Jón Steinar Ragnarsson, 15.10.2007 kl. 19:58]

Enska er tungumál stórfyrirtækjanna og Villi greyið er bara slakur í henni. Látið ekki svona. "twentí jers unrísænabúl."  Hver skilur svona?

[Sunna Dóra Möller, 15.10.2007 kl. 20:17]

Þetta er bara orðið of flókið...! Ég er alveg hætt að botna í þessu máli!!

p.s. trivial er nú ansi skemmtilegt.....en mér finnst líklega að þeir hafi verið að spila "Viltu vinna milljón"...

[Birna Dis Vilbertsdóttir (IP-tala skráð) 15.10.2007 kl. 20:55]

Er að stækka á þeim nefið? Það gerði það á Gosa þegar hann laug. Og svo þykjast allir vera svo saklausir og Alfreð skellihlær að öllum enda búinn að nota þá sem hann þurfti.