Ofbeldisdómur VI - Skilorðsbundinn!

Eins og okkur grunaði þá er nóg að gera á dómaravaktinni.  Nú leggur Héraðsdómur Austurlands til efni þessa pistils og sendir okkur skilaboð um að ofbeldi sé ekki svo alvarlegt mál þegar allt kemur til alls.  Það hækkar og hækkar í skilorðsbundna dómapottinum.  Hver skyldi eiga vinninginn þegar upp verður staðið?   Hvaða Héraðsdómur gefur mestan skít í þolendur ofbeldis á þessu landi?

Hér má berja innihald fréttarinnar augum, í heilu lagi:

"Héraðsdómur Austurlands hefur dæmt tvo karlmenn í 45 daga skilorðsbundið fangelsi hvorn fyrir að slá þriðja manninn í gangstétti á Eskifirði í apríl sl. Mennirnir spörkuðu síðan í liggjandi manninn með þeim afleiðingum m.a. að framtönn í efri góm brotnaði og önnur losnaði.

Mennirnir, sem játuðu brotið, voru einnig dæmdir til að greiða þeim sem þeir réðust á 471 þúsund krónur í bætur.

Þá var 18 ára gamall piltur dæmdur í 45 daga skilorðsbundið fangelsi fyrir að slá annan mann margoft með krepptum hnefa í höfuð og andlit bæði utan við samkomuhús í Fellabæ í mars. Einnig veitti pilturinn manninum fleiri áverka. Hann játaði brotið."

Need I say more?

ARG

Dæmdir fyrir líkamsárásir

Athugasemdir

[Heiða B. Heiðars, 12.10.2007 kl. 16:56]

Já en sko Jenný....

Ég held að venjan sé að dæma fólk í skilorðisbundið fangelsi við fyrsta brot.... sjaldgæft að fólki sé ekki gefinn séns á að beygja af leið.

Er svo sannarlega í liði með þér... þe að ofbeldisbrot séu litin skrýtnum augum hérna vs t.d auðgunnarbrot.
En ég er samt á því að það sé rétt að gefa fólki séns á skilorði við fyrsta brot...sé brotið ekki þeim mun alvarlegra

[Kolgrima, 12.10.2007 kl. 17:03]

Þetta er ekki fallegt. Er sammála Heiðu um að skilorðsbundnir dómar eigi rétt á sér við fyrsta brot, sé það ekki þeim mun alvarlegra. En mér finnst ofbeldisbrot flokkast undir þeim mun alvarlegri brot, sérstaklega í ljósi þess að það getur tekið fólk ár og daga að jafna sig eftir líkamsárás. 

Mér finnst líka mjög ótrúlegt að ofbeldisferill manna hefjist á þennan hátt.

[Ásdís Sigurðardóttir, 12.10.2007 kl. 17:03]

Mannslífið er einskis metið, hvað þá mannssálin, þetta er ekki gott.

[Birna Dis Vilbertsdóttir (IP-tala skráð) 12.10.2007 kl. 17:06]

[Linda Lea Bogadóttir, 12.10.2007 kl. 17:11]

Já sennilega er ég sammála ykkur að skilorðsbundin dómur sér réttlætanlegur við fyrsta brot... gefum eitt tækifæri og dæmum svo við það næsta - vonum bara þá að það verði ekki of seint fyrir fórnarlambið.
Einhver sagði að ef maður/kona beitir einu sinni ofbeldi þá muni hann/hún gera það aftur... ef hjálpar er ekki leitað. 

Hins vegar megum við ekki gleyma því að allt ofbeldi er lífshættulegt.. sama hversu smávægilegt það er. Sál þess sem fyrir ofbeldinu verður getur hæglega dáið og svo eru þeir sem beita líkamlegu ofbeldi nánast undantekningarlaust í þvílíkum ham og þeir gera sér engan veginn grein fyrir því hversu sterkir þeir eru í slíkri reiði. Ég hef upplifað ofbeldi af sambýlismanni og ég finn að ég á langt í land með að jafna mig eftir þá valdníðslu sem ég var beitt af hans hendi.

[Fríða Eyland, 12.10.2007 kl. 17:17]

Einn þessar þriggja hefur áður verið ákærður fyrir ofbeldisbrot, þá var ung stúlka dæmd í tveggja ára skilorð án dómsuppkvaðningar í þessum sama héraðsdómi í dag. Öll eru þau á skilorði næstu tvö árin, Ragnheiður Bragadóttir dómstjóri.

[Huld S. Ringsted, 12.10.2007 kl. 17:19]

Það er ekki bara við fyrsta ofbeldisbrot sem menn eru dæmdir í skilorð, veit um dæmi þar sem menn sleppa aftur og aftur með skilorð

[Jenný Anna Baldursdóttir, 12.10.2007 kl. 17:36]

Ofbeldi er alvarlegt brot, það erum við allar sammála um.  Ég er á því að það megi skilorðsbinda HLUTA dómsins við fyrsta brot.  Hvaða skilaboð erum við annars að senda út?  Ég er orðin hundleið á þessari vanvirðingu við ofbeldisþolendur.  Ég hef enga ofurtrú á fangelsum en sem prinsipp, þá á að nota þau í ofbeldismálum.  Fyrir utan að hér stendur ekkert hvað/hvort viðkomandi hafa brotið af sér áður.

[Bjarni (IP-tala skráð) 12.10.2007 kl. 20:57]

ég held að þið verið aðeins að athuga hver er að verki og hvað sé hægt að gera!! þau dæma bara ekki hvern sem er í fangelsi á litla hraun það myndi aldrei ganga er það?? þó svo að hann hafi gerst sakur um eitthvað sem hann gerði þegar hann var yngri. þegar sakavottorðið segir það að hafi enga ábyrgð og er skítsama um hvað hann gerði, þá er í lagi að senda hann á bak við lás og slá enn ekki í öllum tilvikum!! aðeins að hugsa..