Saran á afmæli í dag!

Sara Hrund, yngsta stelpan mín, er 27 ára í dag.  Hún fæddist á Östra-Sjukhuset í Gautaborg og nóttina sem hún kom í heiminn, ríkti fárviðri og spítalinn varð rafmagnslaus og allar klukkur stoppuðu.  Saran er auðvitað mögnuð í beinu framhaldi af hingaðkomunni.

Sara er mamma hennar Jennýjar Unu, og hún er með litla bróður Jennýjar í maganum.  Þessi dóttir mín kemur mér alltaf á óvart, en hún er með fordómalausari manneskjum sem ég hef enn rekist á, að öllum öðrum ólöstuðum.  Sara vill bjarga heiminum, eins og flestir, en hún gerir líka eitthvað í því.  Fyrir utan að vera í FÁ, er hún á kafi í sjálfboðavinnu við verkefni í skólanum, þar sem verið er að safna fyrir skóla í Pakistan, á vegum ABC barnahjálpar.  Þetta verkefni varð kveikjan að stofnun sérstaks hjálparstarfsáfanga við skólann. 

Elsku Sara, til hamingju með daginn þinn og njóttu hans nú alveg í botn, með Jennslunni, Erik og okkur hinum.

Maysa, okkur vantar ykkur, hann Oliver á að vera hérna og þið Robbi líka.  Arg.  María Greta Einarsdóttir, þetta er tilfinningaleg kúgun.  Komdu heim.

Þúsund kossar til þín frá okkur, elsku Saran mín.

Esska þig!

Athugasemdir

[Bryndís R (IP-tala skráð) 7.10.2007 kl. 00:21]

Til hamingju með stelpuna þína

[Ásdís Sigurðardóttir, 7.10.2007 kl. 00:25]

Til hamingju með Söruna þína, hún er greinilega að koma með góðan og hressan kynstofn inn í líf landsins.  Til lukku.   

[Edda Agnarsdóttir, 7.10.2007 kl. 00:35]

Til hamingju með dótluna þína elskan - við eigum þó eitt stykki hvor á sama ári!

[Bjarndís Helena Mitchell, 7.10.2007 kl. 01:40]

Til hamingju með dótturina.

[Jóna Á. Gísladóttir, 7.10.2007 kl. 01:58]

Gratulera til deg som fyller nytt år

[Jóna Á. Gísladóttir, 7.10.2007 kl. 01:59]

 skjönne Sara

[Laufey Ólafsdóttir, 7.10.2007 kl. 03:51]

Til hamingju Sara, Jenný (báðar tvær) og aðrir hlutaðeigandi aðilar
Sara, eigðu góðan dag Kveðjur fyrir hönd stórfjölskyldunnar.

[Heiða Þórðar, 7.10.2007 kl. 03:55]

Til hamingju með Söru, við eigum sitthvora vogina...

[Kolgrima, 7.10.2007 kl. 03:57]

Til hamingju með kjarnorkumyndartelpubarnið þitt, Jenný  

[Salka, 7.10.2007 kl. 04:44]

Til hamingju með afmælið Sara Hrund

[Hrönn Sigurðardóttir, 7.10.2007 kl. 05:12]

Falleg stelpa sem þú átt þarna.

Til hamingju með daginn

[Jenný Anna Baldursdóttir, 7.10.2007 kl. 07:16]

Takk öll, Jóna, skjönne hvað?  Hvenær varst þú í Noregi addna?

[Sunna Dóra Möller, 7.10.2007 kl. 11:23]

Til hamingju með stelpuna þína.....

[Katrín Snæhólm Baldursdóttir, 7.10.2007 kl. 12:01]

Innilegar hamingjuóskir til þín og Söru. Frábært hvað hún lætur til sín taka stelpan..svona á fólk að vera.

[Birna Dis Vilbertsdóttir (IP-tala skráð) 7.10.2007 kl. 12:23]

Til hamingju með Söruna þína.

[Jóna Á. Gísladóttir, 7.10.2007 kl. 13:37]

1990-1991... held ég. Þýðir þetta að ég sem norðmaður og þú sem svíi þurfum að fara að hatast?

[Ragnheiður , 7.10.2007 kl. 14:56]

Innilega til hamingju með afmælið....

[Jenný Anna Baldursdóttir, 7.10.2007 kl. 15:14]

Jóna, Jóna, Jóna: Við erum of þroskaðar til að finna til haturs

Takk stelpur mínar

[Anna Ólafsdóttir (anno) (IP-tala skráð) 7.10.2007 kl. 15:43]

Þvílíkur sjarmur sem þessi stelpa er. Kemur ekki á óvart að hún er vog Til hamingju með hana elsku jenfo