Vó, matsjó forsætisráðherra!

Það er veikleikamerki að taka upp evruna, einhliða.

Það er kvenlegt að gráta.

Karlmannlegt að hanga á krónunni, "no matter what" eins og Geir Hilmar sagði í dag.

Karlmannlegt að gefa ekki eftir, endurskoða aldrei og láta engan bilbug á sér finna.

Tökum upp dollara.  Það er svo mikið "hinn frjálsi heimur" er mér sagt.

Verum töff, matsjó og hörð í horn að taka.

Úje

Geir H. Haarde: Að taka upp evru einhliða álitið veikleikamerki

Athugasemdir

[halkatla, 29.9.2007 kl. 16:05]

ég vil hlúa að krónunni, mér þykir vænt um hana. Evran og dollarinn geta átt sig. Það er leiðinlegt að þurfa að vera sammála G.H en stundum lendir maður útí óvinsæla horninu með lúðonum

[Þröstur Unnar, 29.9.2007 kl. 16:23]

Ekkert karlmannlegt að hanga í Krónunni, fer frekar í Einarsbúð. Þar er fínt að hanga, allir tala Íslensku.

[Jenný Anna Baldursdóttir, 29.9.2007 kl. 16:30]

Anna Karen ég vil enga evru og engan dollar heldur.  Mér finnst þetta tal um veikleika bara svo hallærislegt.  Karllæga tungutakið.

Já hangtu í Aríabúðinni Þrölli minn.

[Friðrik Þór Guðmundsson, 29.9.2007 kl. 17:14]

Já, blessuð ástkæra ylhýra Krónan. Stolt okkar Íslendinga, sverð og skjöldur. Krónan, kletturinn í hafinu. Eða hvað? Skoðið lillo.blog.is , nokkrar færslur niður.

[Steinn Hafliðason, 29.9.2007 kl. 17:45]

Ég held að þið séuð að tala um hugtakið "veikleika" í ólíkri merkingu. Svo finnst mér umræðan oft snúast frekar um hver hefur rétt fyrir sér heldur en hvað sé rétt. Þannig apar fólk upp það sem aðrir seigja gagnrýnislaust. Burt séð frá því hvaða afstöðu ég hef til krónunnar þá finnst mér gott hjá Önnu að hafa sýna skoðun þó að það virðist ekki almennt vera í hennar kunningjahóp (ef ég skil færlsuna hennar rétt). Það mættu fleiri hafa sjálfstæðar skoðanir þó að allir í kringum þá hafi einhverja aðra.

[Heimir Lárusson Fjeldsted, 29.9.2007 kl. 19:25]

Ég hef tekið eftir því að þeir sem hafa atvinnu af að stjórna landinu og peningamálunum telja ekki tímabært að kasta krónunni fyrir evru. Hugsanlega verður lag þegar þorskkvótinn er kominn niður í 30.000 tonn. Þá skiptir ekki eins miklu máli hvort við getum sveigt gengið til og frá eftir árferði.

Ég hef tilheigingu til að treysta þeim sem gerst þekkja.

Leikmenn vita líka sínu viti, bara á öðrum sviðum ;)

[Pétur Óskarsson (IP-tala skráð) 29.9.2007 kl. 19:55]

Krónan er ofursterk vegna vaxtamunaviðskipti erlendra spákaupmanna.  Vaxtamunaviðskiptin halda krónunni upp og gengið tekur ekki lengur tillit til afkomu atvinnuveganna. Við tilkynningu um niðurskurð þorskkvóta um 30% styrktist krónan samdægurs vegna útgáfu jöklabréfa. Hvað er þá eftir af sveigjanleikanum í gjaldmiðlinum sem aðlagar sig að aðstæðum innanlands?

Ég skil ekki hvernig við krónunotendur getum orðið meiri fórnarlömb spákaupmennsku við það að taka upp Evru en við erum í dag. Heimilin sem skulda tæplega 1.300 milljarða greiða af þem hæstu vexti sem til eru innan OECD. Með upptöku Evru færum við fyrirtækjum landsins stöðugleika og heimilum landsins ca. 50-60 milljarða árlega í spöruð  vaxtaútgjöld.

[krossgata, 29.9.2007 kl. 19:59]

Þetta eru örugglega allt saman óttalegir eymingjar sem hingað til hafa tekið upp evruna.    Ég man að gallabuxur kostuðu 22.000 krónur rétt um það leyti sem núllin voru sneidd aftan af krónunni.  Þær eru rétt um það bil að ná þangað aftur á hvað... 27 árum.