Sér enginn neitt athugavert..

..við þessar stöðugu myndbirtingar af fíkniefnasmyglurunum, þar sem þeir eru með hulið andlit, með lögreglu hver til sinnar hliðar, eða þá að þeir reyna af veikum mætti að fela andlit sitt með öðrum hætti?  Þetta minnir á myndir af mönnum á leið til aftöku og mér finnst ómanneskjulegt að taka myndir af fólki við þessar aðstæður.  Hverju erum við nær?  Við getum auðvitað velt okkur upp úr örlögum þessara manna, en hefur einhver áhuga á því?

Spyr sá sem ekki veit.

Einn þeirra sem handtekinn var erlendis úrskurðaður í gæsluvarðhald

Athugasemdir

[Bara Steini, 23.9.2007 kl. 16:32]

Æi er þetta bara ekki til að fá hjartað í fyrirsagnaóðum einstaklingum til að slá hraðar. Mér hefur alltaf fundist þetta hálfgerður óþarfi. Þarna er fólk sem er ekki í góðum málum og finnst mér óþarfi að vera velta þeim svona fram og aftur í öllum fréttum og blöðum.

[jonas (IP-tala skráð) 23.9.2007 kl. 16:32]

Æji greyið litla skinnið....

[Jenný Anna Baldursdóttir, 23.9.2007 kl. 16:36]

Já ég skil ekki Steini af hverju það þarf að ganga svona langt í niðurlægingunni. 

Jónas: Get a live.

[Edda Agnarsdóttir, 23.9.2007 kl. 16:38]

Út með þennan jonas - hann er út um allt að kommentera einhverja kássu! Greyið hann jonas - ætli hann sé kannski hundur einhvers á blogginu - hann bloggar allavega ekki hér á moggabloggi!

[Jenný Anna Baldursdóttir, 23.9.2007 kl. 16:39]

Ég var eimitt að pæla í því Edda hvaða vesaling einstaklingur Jónas væri, langar að vera með en þorir ekki samt.  Kannski er hann hundur, hvað vitum við? Vóff.

[Edda Agnarsdóttir, 23.9.2007 kl. 16:40]

Þessar myndbirtingar eru algjörlega óþarfar - það er farið með myndavélarnar upp í nasirnar á þeim ef ekkert annað næst af andlitinu - sumir vita kannski hvað næsti maður teljist með mörg nasahár í nasavængjum!

[Bara Steini, 23.9.2007 kl. 16:47]

Svo býst ég við fjölskyldur verði nátturulega hundelt því "við" verðum að vita allt sem hægt er að vita. Það er lítið um tillitsemi í fjölmiðlaumhverfi því miður. Ég held við ættum lika að taka þennann Jónas og faðma hann greyið, hann hljómar ansi einmanna greyið :)

[Jenný Anna Baldursdóttir, 23.9.2007 kl. 16:49]

Tökum grúpphug á Jónas, áfram saman nú!

[Laufey Ólafsdóttir, 23.9.2007 kl. 16:55]

En svo er svaka viðkvæmni fyrir nafngreiningum kynferðisafbrotamanna, sérstaklega barnaníðinga. Skrýtið.

[Bara Steini, 23.9.2007 kl. 16:58]

Mér finnst nú munur á dæmdum manni og grunuðum.... Laufey.

[Margrét Össurardóttir (IP-tala skráð) 23.9.2007 kl. 17:14]

Æi, þessir fréttamenn hafa svosem ekki mikið við að vera þessa dagana nema slefa yfir þessu máli, en þeir geta verið gersamlega óþolandi stundum. Við erum ekkert bættari með að sjá andlit þeirra enda er fólk ekki sekt fyrr en dómur er fallinn, saklaus uns sekt er sönnuð. En þeir skilja það ekki

[Ásthildur Cesil Þórðardóttir, 23.9.2007 kl. 17:16]

Það er svo margt sem er óþarfi í þessum fréttum.  Til dæmis hef ég aldrei getað skilið hvers vegna í ósköpunum þarf að tíunda við hvern fíkniefnafund hvað þetta hefði nú kostað margar milljónir ef það hefði farið í umferð.  Hvaða tilgangi þjónar svona fréttaflutningur ? Myndbirtingarnar eru líka út af fyrir sig kapítuli.  Það eru ekki bara afbrotamennirnir meintu sem það bitnar á, þeir eiga foreldra, maka og jafnvel börn sem öll líða fyrir svona.  Eins er með að sýna myndir af slysstað eða bifreiðum þar sem banaslys hafa orðið.  Hvað tilgangi þjónar slíkt?  Þetta er allt einhvernveginn komið erlendis frá, æsifréttamennska til að æsa upp í fólki ljótar tilfinningar, eða óþarfa sorg.  Aðgat skal höfð í nærveru sálar, er ágætis mottó til að hafa í huga. 

[Jón Agnar Ólason, 23.9.2007 kl. 17:26]

Bara svo ég skilji þessa umræðu rétt - eruð þið að vorkenna þessum einstaklingum sem ætluðu að hagnast á eymd og líklega dauða fjölmargra annarra? Hvað ætli þetta dóphlass sem náðist hefði dugað til að kála mörgum dópistum?

Samanborið við það sem aumingjans dópistarnir ganga í gegnum þegar lífið er mestanpart farið til andskotans vegna neyslu, skulda, o.s.frv., þá þykja mér myndbirtingar af dópsmyglurum léttvæg örlög. Þessir menn eiga enga samúð til hjá mér.

Ég býst við að þessi harðlínustefna mín baki mér harðorð mótmæli hér, miðað við tóninn í kommentunum sem þegar eru komin, en það verður bara að hafa það - mér er algerlega óskiljanlegt að þið skulið vorkenna eiturlyfjasmyglurum.

[Jenný Anna Baldursdóttir, 23.9.2007 kl. 17:30]

Jón Agnar:  Þetta hefur ekkert með vorkunsemi að gera, amk hjá mér, heldur finnst mér einfaldlega légegur stíll að velta sér upp úr eymd annarra.  Ég gef ekki mikið fyrir eiturlyfjasala og dópsmyglara en þetta er óþolandi, þessar stöðugu fréttir af hverju skrefi sem löggan tekur í málinu og stöðugar myndbirtingar af mönnum með hulið andlit.  Dópsalar eru líka fólk og þeir eiga fjölskyldur.  Mér finnst einfaldlega hægt að fara fram með örlítið smekklegri hætti.

Ég er alveg sammála Laufeyju.  Það er mikil viðkvæmni í gangi hvað varðar kynferðisafbrotamenn.  Svo er spurning; hvenær er réttlætanlegt að myndbirta?  Mér finnst það mögulegt þegar dómur er genginn þegar það þjónar almannahagsmunum að vita hver viðkomandi er (eins og í nauðgunar- og barnaofbeldismálum, hvaða nafni sem þau nefnast).  Fíkniefnasmyglarar með hulið höfuð þjóna engum hagsmunum, nema fjölmiðlanna og eru lélegur siður.

[Bara Steini, 23.9.2007 kl. 17:31]

Eftir höfðinu dansa limirnir er stundum sagt, og mér finnst einhvern veginn að þessir menn séu ekki höfuðið á vandanum heldur draga hitann frá þeim sem stendur á bakvið þetta allt saman. Það er aðalvandinn að minu mati Jón. Þetta eru nátturulega ekki saklausir blórabögglar, en blórabögglar engu að síður.

[Sunna Dóra Möller, 23.9.2007 kl. 17:32]

Þetta verður ekkisammálaathugasemdin mín í dag........

Vitiði að ég hef enga samúð með þessum mönnum. Það er einbeittur ásetningur að baki þessu broti. Markmiðið er að koma þessum efnum á markað og um leið halda áfram að hneppa neytendur í enn verri ánauð. Þessum mönnum er alveg sama hversu mörgum þeir selja dópið eða hvernig fyrir þeim er komið. Þeirra hagur er að hagnast á vanlíðan annarra! Sorrí en hér er samúðin mín engin.......samt er sunnudagur og allt

[Hildigunnur Rúnarsdóttir, 23.9.2007 kl. 17:32]

Hvað er maður líka búinn að sjá svona myndir oft? Ekkert nýtt við þær.

[Jenný Anna Baldursdóttir, 23.9.2007 kl. 17:36]

Ekkert nýtt við þær og enginn tilgangur með þeim heldur Hildigunnur.

[Hrönn Sigurðardóttir, 23.9.2007 kl. 17:36]

Ég var mest að velta því fyrir mér hvar þeir fá þessar húfur? Er þetta einhver standard búnaður?

Verð líka að viðurkenna að ég er sammála Jóni Agnari. Sorrí stelpur og Steini! Þessir menn fá enga bara zero samúð hjá mér!

Banaslys í umferð eru hins vegar allt önnur ella. Þar finnst mér blaðamenn vera alltof myndbirtingaglaðir. Þar er líka verið að fjalla um mál af allt öðrum toga.

[Jenný Anna Baldursdóttir, 23.9.2007 kl. 17:46]

Halló!! Lesa það sem höfundur pistils segir: Þetta er ekki spurning um samúð með dópsölum.  Spurning um góða siði og lágmarksvirðingu fyrir fólki.

ARG

[Hrönn Sigurðardóttir, 23.9.2007 kl. 17:59]

Las það Jenný mín.

Finnst þeir bara ekki eiga neina virðingu skilið frá mér. Get heldur ekki ímyndað mér að þeir beri neina virðingu fyrir mér eða mínum.

[Jón Agnar Ólason, 23.9.2007 kl. 17:59]

Dópsalar eru ekki fólk, heldur mannsorp sem á hvorki skilið góða siði né lágmarksvirðingu.

Og fyrst myndbirtingar af kynferðisafbrotamönnum eru komnar inn í umræðuna þá á að birta myndir af þeim líka - það er í þágu almennings að við vitum hverjir eru dópsalar og hverjir eru kynferðisafbrotamenn.

Glæpamenn af þessu sauðahúsi fyrirgera eðlilegum mannréttindum með gjörðum sínum.

[Helga Guðrún Eiríksdóttir, 23.9.2007 kl. 18:00]

Á hann skilið virðingu? Það er spurning. Hann er ekki á leið í aftöku þó honum líði sjálfsagt sjálfum þannig. Hann er á leið í réttarsal fyrir stórfellt dópsmygl. Honum var nær. Hann vissi að hann var að taka séns á nákvæmlega því sem er að gerast á myndinni. Hann náðist. Það setti enginn hettuna yfir hausinn á honum. Hann gerði það sjálfur vegna þess að hann skammast sín. Annað hvort fyrir gerðir sínar - eða bömmerinn yfir að vera böstaður.

Eins og þú sérð Jenný mín, þá er samúð mín núll. Sorry.

[Sunna Dóra Möller, 23.9.2007 kl. 18:09]

Mér finnst eiginlega honum sýnd lágmarksvirðing að leyfa honum að hylja andlit sitt. Kompáss var ekki svo vingjarnlegur þegar hann nafgreindi kynferðisbrotamann og birti mynd af honum um daginn, þó að dómur sé ekki fallinn. Mér finnst þá alla vega að það eigi að vera samræmi í þessum myndbirtingum. Annað hvort eru bara ekki birtar myndir af neinum fyrr en dómur fellur eða það eru birtar myndir við ákæru, sama hver bortaflokkurinn er! Það ríkir smá sjóveikisástand í þessum nafn- og myndbirtingarmálum. En ef ég hef misskilið pistilinn þinn Jenný , biðst ég afsökunar á því !