Black and beautiful!

 

Ég hef átt marga þeirra í gegnum tíðina.  Ég hef elskað þá næstum jafn mikið og börnin mín, dúllað við þá, klæðst þeim með stolti og safnað þeim meðvitað eins og ég hefði átt að safna peningum, en það hefur ekki tekist enn.  Ég get svarið það að ef ég hefði ekki gefið frá mér þessar elskur í gegnum tíðina, eins og bjáni, þá er ég viss um að ég gæti notað hvern einasta einn, í dag.  Þeir eru nefnilega allir nánast eins, bara spurning um efni eða smá breytingar á sniði, eftir því sem tískan hverju sinni gefur tilefni til.

Sá litli svarti hefur aldrei verið í eintölu hjá mér.  Ég á fleiri en einn og fleiri en tvo.  Miðað við að ég er nánast fullkomin og ætti með réttu löngu vera farin að svífa um alheiminn í nirvana, þá hefur þessi eini löstur (jeræt) haldið mér á jörðinni.

Nú um stundir eru  sex litlir svartir í umferð.  Sá nýjasti bara mánaðargamall.  Ég er svarta konan.  Er eins og lakkrísmoli til fara, svei mér þá.

Ég hef bloggað um "alla svörtu kjólana mína" (orð míns heittelskaða þegar ég þykist ekki eiga neitt til að fara í) nokkrum sinnum, þannig að af því má sjá að þeir eru mér hugleiknir.  Annars er erfitt að vera fatasjúkur og ætla að láta taka sig alvarlega í leiðinni.  Það er eitthvað svo yfirborðskennt.  En lífið er ekki fullkomið.

En hvað um það.  Harrods í London er með sýningu til heiðurs litla svarta kjólnum og ég er óvirkur alki með fatavandamál og kemst ekki á sýninguna. Tuff shit!

En ég er samt voða glöð.

Stelpur eigum við að kíkja í búðir um helgina?

Úje 

Litli svarti kjóllinn heiðraður í Harrods

Athugasemdir

[Huld S. Ringsted, 18.9.2007 kl. 14:14]

Má hann vera STÓR svartur?

[Heiða B. Heiðars, 18.9.2007 kl. 14:19]

OH ég ELSKA svarta kjóla! Maður á barasta aldrei of marga. Ég er til í að versla eitt stykki um helgina :)

[Jenný Anna Baldursdóttir, 18.9.2007 kl. 14:33]

Bara litlir Huld mín.  Heiða ég er game

[Steingerður Steinarsdóttir, 18.9.2007 kl. 15:06]

Já, litli svarti kjóllinn á heiður skilinn. Allar konur hafa einhvern tíma náð að vera þakklátar fyrir einn slíkan.

[Katrín Snæhólm Baldursdóttir, 18.9.2007 kl. 15:13]

Ég þurfti einu sinni í snatri að redda mér einum fyrir árshátíð og var ekki bara sein heldur líka skítblönk svo ég fann einn svartan í kassa á útsölumarkaðinum á Bíldshöfða greiddi mér svo bara vel og setti á mig eldraunavaralit og hælaskó..og fékk enga smáthygli. Litli svarti hræódýri pappakassakjóllinn sló heldur betur í gegn og þegar konurnar dáðust að honum og struku og sögðu "je minn hvað hann er lekker þessi hvar fékkst´ann eiginlega setti ég upp dularfullan svip og sagði..Æ mig minnir að ég hafi fengið þennan í Párís..híhíhí.

[Ásdís Sigurðardóttir, 18.9.2007 kl. 16:02]

Kringlunni eða Smáralind?? ég mæti á bara tvo eða þrjá doldið stóra

[Kristín Katla Árnadóttir, 18.9.2007 kl. 16:16]

Má hann vera litil , á hann að vera síður eða stuttur.

[Sunna Dóra Möller, 18.9.2007 kl. 17:43]

OMG...ég hef aldrei verið í svörtum kjól.....frekar svona svört buxnadragt! Ég væri eins og fíll í sundbol í stutta svarta kjólnum, sem sagt bara vandræðalegt og ekki blakk og bjútifúl í mínu tilfelli.... 

[Jóna Á. Gísladóttir, 18.9.2007 kl. 17:56]

Mér þykir meiriháttar óþolandi að helvítis kjólgopinn sé alltaf nefndur í sömu andrá og orðið ''lítill''. Lítill hvað? Tíma þeir ekki að splæsa í tjöldin sem við þurfum sumar? Ég á sko engan lítill svartan kjól. Það er á tæru

[Jóna Á. Gísladóttir, 18.9.2007 kl. 17:57]

Ég á sko engan lítinn svartan kjól, átti þetta að vera. Mér er hræðilega mikið niðri fyrir.....

[Jenný Anna Baldursdóttir, 18.9.2007 kl. 18:34]

Jóna: Ég elska það þegar þú talar um þig eins og þú sért kingsize.  Þegar maður hefur séð þig er það alveg brjálæðislega fyndið. Auli  Hvernig er það annars með sundið á morgnanna? Muha

Sunna Dóra: Þið konurnar gerið það ekki endasleppt þegar þið lýsið ykkur sjálfum.  Ég hef séð mynd af þér.  Kommon.

Stelpur:  Við getum ekki án kvikindisins verið.  Face it.

[Sunna Dóra Möller, 18.9.2007 kl. 18:40]

*fliss*....hann þyrfti alla vega að ná niður fyrir hné.....rétt niður svona til að vera dísent ...ég er svo siðvönd og prúð.....

[Hildigunnur Rúnarsdóttir, 18.9.2007 kl. 19:00]

ég á líka nokkra svona svarta, en ekki mjög litla, vinnufötin, maður! Ekki syngur maður við jarðarfarir í dæmigerðum litlum svörtum...

Hmm. Spurning um að redda einum litlum?

[Jenný Anna Baldursdóttir, 18.9.2007 kl. 20:09]

Hildigunnur, víst á maður að vera opinn, frjálslegur og utanáliggjandi í jarðarförum.  Ekki spurning.  Allavega í minni.  BTW Hildigunnur, við þurfum að tala saman

Sunna Dóra:  Ég er alltaf prúð, alltaf stillt, alltaf góð, alltaf til fyrirmyndar, allaf siðprúð, alltaf hógvær

[Anna Ólafsdóttir (anno) (IP-tala skráð) 18.9.2007 kl. 21:15]

Ég er ekki fyrir kjóla  en ég er fyrir svart

[Laufey Ólafsdóttir, 18.9.2007 kl. 21:48]

Ég er með feit hné Þeir VERÐA að ná niðurfyrir hné. Mega vera litlir og gálulegir að ofan samt Má það?

[Hildigunnur Rúnarsdóttir, 19.9.2007 kl. 09:06]

Jenný, let's talk :)

[Hildigunnur Rúnarsdóttir, 19.9.2007 kl. 22:20]

netfangið mitt er hildigunnurr[hjá]talnet.is, ef þú vilt :)