MORGUNSKELFING

Líf mitt er þrungið ægispennu og mikilli dramatík.  Það er aldrei nokkur friður.  Indíana Djóns hvað? 

Ég vaknaði hér í hægðum mínum (oj), í rólegheitum sum sé, og eftir morgunverk þá settist ég hér við að lesa Moggann.  Eitthvað undarlegt hljóð barst mér til eyrna, svona klikk, klikk, ósköp mjúkt og þægilegt bara og til að byrja með var ég alveg róleg yfir þessu.

Það rann síðan upp fyrir mér að þetta hljóð er ekki heimilisfast hér.  Á sem sagt ekkert með að heyrast.  Hvað var?  Ég hentist á fætur (okokok, stóð virðulega á fætur) og hóf leit að hljóði.  Ég óð um allt, ég fann ekkert.  Hugs, hugs, nú voru góð ráð dýr.  Það er með hljóð eins og verki, hvorutveggja er afleiðing af einhverju sem er að eiga sér stað.  Loksins varð mér rambað á útidyrahurðina.  Haldið þið ekki að borgarhliðið hafi verið opið og það beint inn í kastalann?

Ég skil vel að ykkur sé brugðið kæru gestir.  Hver hefði átt að skrifa ódauðlega pistla fyrir ykkur ef ég hefði fundist myrt í rúminu?  Eða eitthvað þaðan af verra (já það er hægt að lenda í verri hlutum en að drepast).

Málið er; hver á að taka sökina?  Ég eða húsband? Æi, ég er svo glöð yfir að hafa sloppið lifandi og ætla ekkert að vera að segja honum frá því að ég hafi farið út í sjoppu seint í gærkvöldi.  Hann gæti séð ástæðu til að ætla að ég hafi gleymt að skella á eftir mér. 

Ég slapp fyrir horn úr hurðalausu helvíti.

GMG

 

Athugasemdir

[Sunna Dóra Möller, 11.9.2007 kl. 09:32]

Mikið er ég glöð að þú slappst lifandi úr þessu hættuástandi sem þarna skapaðist ...maður getur aldrei vitað fyrirfram hvað kemur inn um dyrnar og ég tala nú ekki þegar þær eru opnar !

[Bjarndís Helena Mitchell, 11.9.2007 kl. 09:53]

LOL

[Laufey Ólafsdóttir, 11.9.2007 kl. 11:12]

Ja guði sé lof segi ég nú bara! Hef annars lent í þessu

[Ásthildur Cesil Þórðardóttir, 11.9.2007 kl. 11:49]

Hjúkket og við vissum ekkert af því hve nálægt því við vorum að missa þig. 

[Jóna Á. Gísladóttir, 11.9.2007 kl. 15:30]

Eins gott eins gott  Borgarhlið eiga sko að vera lokuð