HÚMOR?

Frétt Moggans um rannsókn Hönnu Láru Steinsson, félagsráðgjafa á aðstæðum 45 til 65 ára einstaklinga sem þjást af Alzheimer, er nokkuð aðthyglisverð.

Spurningin er hins vegar um fyrirsagnaskrifara Moggans, sem fer hamförum þessa dagana, hvort hann sé að fara yfir strikið í fíflalátunum þegar hann skrifar.

"HEILABILAÐIR VALSA UM Í KERFINU" 

Hmprf

 

 

Heilabilaðir valsa um í kerfinu

Athugasemdir

[Sunna Dóra Möller, 11.9.2007 kl. 08:52]

Góðan daginn hér ! Ég verð að viðurkenna að ég hef ekki alveg húmor fyrir svona fyrirsögn. Hef persónulega reynslu af svona málum, bæði sem er að eiga sér stað núna og áður og mín reynsla er sú að þetta fólk valsar ekki neitt heldur er þetta bara þjáning og erfiðleikar fyrir alla sem að eiga hlut að máli. Spurning um að telja upp á þremur fyrst og skrifa svo fyrirsögn.....ekki bara valsa áfram í leit að fyrirsögn...!

[Jenný Anna Baldursdóttir, 11.9.2007 kl. 09:01]

Sammála, það er eins og heilabilað fólk hendist um kerfið (hvað sem það nú er) eins og bilaðir valtarar.  Ferlega ósmekklega orðað.

[krossgata, 11.9.2007 kl. 09:07]

Þetta er nú þarna á næstu hillu við að einhver frumsýni kærustuna sína.  Þurfa ekki blaðamenn þarna aðeins að fara í smá viðhorfavinnu?

[Þröstur Unnar, 11.9.2007 kl. 09:24]

Mundi orða það t.d ."HEILABILAÐIR RÁFA UM Í KERFINU"

Því oft vita þeir og aðstandendur ekki hvert á að leita.

[Stígur Helgason (IP-tala skráð) 11.9.2007 kl. 14:43]

Þetta er raunar frétt úr Blaðinu, ekki Mogganum.