ERILLINN - TAKA TVÖ

Aftur var "Erill" vinurinn, á ferðinni hjá löggunni á höfuðborgarsvæðinu í nótt.  Útköll 120 og 40 manns handteknir. 

Fyrir utan ofbeldi og  önnur alvarleg hegðunarvandamál fólks í miðbænum, var slatti tekin við að brjóta flöskur, míga utan í veggi og svoleiðis smotterí.

Ég bíð enn eftir skilgreiningu á orðinu "understatement".  Það kemur nefnilega aftur og aftur upp í hugann þegar fjallað er um geggjunina í miðbænum um helgar.

Mér finnst eins og þetta ástand sé orðið nokkurskonar náttúrulögmál í hugum fólks.  Að það sé ekki hægt að breyta þessu og taka upp betri siði. 

Ekki frekar en við breytum veðrinu.

Ójá

 

Um 120 útköll hjá lögreglunni á höfuðborgarsvæðinu í nótt

Athugasemdir

[Ásdís Sigurðardóttir, 9.9.2007 kl. 12:09]

Jamm, þetta eru ljótu villingarnir sem fara í  miðbæinn. Er að hlusta á fréttirnar á st-2, Haukur sagði að menn hefðu gengið örna sinna í miðbænum, er það ekki hreinlega eða skítlega bara á íslensku að k- ka??

[Guðríður Hrefna Haraldsdóttir, 9.9.2007 kl. 12:38]

Það verður áhugavert að vita hvort fjölgun á löggum og harðari aðgerðir bera árangur. Drukkið fólk breytist vissulega í hegðun og annars gott uppeldið (ef það er til staðar) fýkur jafnvel út í veður og vind. Þetta er líklega djúpstætt vandamál og tengist agaleysinu í þjóðfélaginu í heild. Þetta gengur auðvitað ekki svona lengur. Fólk verður að geta farið í bæinn að kvöldi til um helgar til að skemmta sér (og þá meina ég skemmta sér) án þess að eiga á hættu að verða kýlt í klessu eða fá glerflösku í hausinn. 

[Edda Agnarsdóttir, 9.9.2007 kl. 13:06]

Það hefur hvarflað að mér að bann eigi sölu á gosi og áfengum drykkum í gleri.

[Birna Dis Vilbertsdóttir (IP-tala skráð) 9.9.2007 kl. 13:17]

Þau eru greinilega ekki kominn nýju NEFNDAR-HÓPA-RÁÐS-NIÐURSTÖÐU KLÓSETTIN 5 sem á að splæsa í að kaupa í miðbæinn. Já og nokkur VELBÚIN-KLÓSETT.Það er kannski allur peningur búinn.Fór hann kannski í að borga nefndinni laun?

[Benedikt Halldórsson, 9.9.2007 kl. 13:23]

 Dæmi um understatement:

Flugmaðurinn Eric Moddy varð fyrir því óláni á Boeing vél sinni að allir fjórir hreyflar vélarinnar stöðvuðust vegna eldfjallaösku. Hann gaf sér þó tíma til að spjalla við farþeganna. „Góðir farþegar, þetta er flugstjórinn sem talar. Við eigum í smávegis vanda. Allir fjórir hreyflar vélarinnar hafa stöðvast. Við erum að reyna okkar besta til að koma þeim aftur í gang. Ég vonast svo til að þið farið ekki að stressa ykkur um of.“

[Brynjar Jóhannsson, 9.9.2007 kl. 13:31]

ÉG VERР að viðurkenna að mér lýst engan vegin á þessa þróun lögreglunar... Hún er að bregðast bandvitlaust við aðstæðum  ef það það á að handtaka fólk fyrir að pissa utan í húsveggi.... 

Ég skil ekki hvað er verið að tala um þegar sagst er að ógn hafi aukist í bænum.. Ég hef stundað næturlífið reglulega í meira en 10 ár og hef aldrei lent í neinum verulegum vandræðum þó svo að stólpakjaftur sé á mér.

Hitt er að ef þeir ráðast gegn þeim hópum sem ógn er að.. má líta á hlutina öðruvísi... en fengin reynsla af lögreglunni er ekki góð og mér finnst ég oft stafa meiri ógn að lögreglunni en ölvuðum einstaklingum. 

[Jenný Anna Baldursdóttir, 9.9.2007 kl. 13:31]

Hahaha góður Benedikt, en ég vil íslenskt orð yfir þetta.  Muhahaha

[Benedikt Halldórsson, 9.9.2007 kl. 13:54]

Hvað með "að undirmæla" og "undirmál"

"Það er alveg greinilegt að lögreglan undirmælti ástandið í miðbænum"

"Spunameistarinn er að reyna að undirmæla ástand Grímseyjarferjunnar"

"Eric Moddy undirmælti ástand vélarinnar" sem er dæmigert undirmál.

[Anna Ólafsdóttir (anno) (IP-tala skráð) 9.9.2007 kl. 13:59]

Ég er nokkuð ánægð með fréttirnar af öllum þessum löggumönnum og konum sem nenna að leggja á sig það sem við foreldrarnir ættum að sjá um í meira mæli að mínu mati - uppeldi!

Ég vona líka að sjónvarpið geri meira af því að sýna í mynd þetta fólk sem er sjálfu sér til skammar í dómgreindarleysinu sem fylgir því að troða í andlitið á sér öllum þessum vímugjöfum (áfengi þar með talið - að sjálfsögðu) það hefur gott af því að horfa á sig í fréttatímanum daginn eftir. Partur af því að horfast í augu við staðreyndir.

[Jenný Anna Baldursdóttir, 9.9.2007 kl. 14:00]

Brynjar skv. ísköldum raunveruleika þeirra sem er verið að ráðast á og hljóta jafnvel varanleg örkuml af þá ert þú heppinn maður.

Takk Benedikt það fer að fæðast orð.  En hvernig stendur á að íslenskan á ekki nú þegar orð yfir þetta.  Íslendingasögurnar eru t.d. fullar af "understatementum".

 Furðulegt.

[Heiða Þórðar, 9.9.2007 kl. 14:03]

Ömurleg byrjun á deginum að flétta blaðinu á morgnanna....knús á þig.

[Jenný Anna Baldursdóttir, 9.9.2007 kl. 14:11]

Anna ég er sammála þér auðvitað, eins og alltaf.  Það sem slær mig mest er að þjóðarsálin skuli vera bullandi alkar.  A.m.k. man ég ekki til þess að hafa séð viðlíka hegðun í öðrum borgum.  Hvað þá að því hefði verið tekið sem nánast eðlilegum hlut.

Mér verður hálf óglatt þegar ég sé skotin í fréttunum frá herlegheitunum.  OMG!

Knús á þig líka Heiða mín.

[Sunna Dóra Möller, 9.9.2007 kl. 14:16]

Íslendingar kunna víst lítið að skemmta sér.......mér finnst það bara kvíðaefni þegar börnin mín byrja að fara að suða um að fara í bæinn, er að spá í að flytja í sveitaafdal og vera þar til 2050....leist vel á Selárdal í Arnarfirði í sumar, mikið líka af óbyggðu landsvæði þar og meira að segja safn sem að hægt er að skoða og tvær kirkjur til að messa í ...við hjónin hefðum nóg að gera....!

[Jenný Anna Baldursdóttir, 9.9.2007 kl. 14:41]

Já mér líst vel á Selárdalinn í alvörunni.  Svei mér ef ég er ekki farin að hneigjast til einangrunar á þessum síðustu.

[Gísli Ásgeirsson, 9.9.2007 kl. 16:58]

Understatement:

http://en.wikipedia.org/wiki/Understatement

Við þekkjum forskeytin of- og van-. Margt er ofmetið eða vanmetið, eins og t.d. Moggabloggið. En það er önnur saga.

Understatement getur verið vanmæli. 

[Jenný Anna Baldursdóttir, 9.9.2007 kl. 23:40]

Takk Gísli, góður að vanda og gott ef vanmæli er ekki það besta sem ég hef heyrt hingað til.  Nota það en neita að borga í orðhöfundasjóð.

[Gísli Ásgeirsson, 10.9.2007 kl. 06:25]

Ég mun samt íhuga að handrukka þig við tækifæri