HALLOKI UNDIR STÝRI

..enn einn ganginn og nú á........... hjóli.  Alvarlegast þykir mér þó að maðurinn skuli hafa verið dökklæddur í myrkrinu, bara það ætti að nægja til sviptingu hjólaprófsréttinda.

Annars gekk ég einu sinni fram á dauðadrukkinn mann á hjóli.  Hann var í kraftgalla og á hjólinu héngu alls kyns tæki og tól, en maðurinn var rafvirki og hafði dottið í það í vinnunni.  Hann var á leiðinni í verkefni.

Það er eitthvað svo ömurlega pathetikk við fólk sem er drukkið á hjóli.  Það er birtingarmynd hallokans skiljiði?

Vá hvað ég er samt fegin fyrir hönd mannsins að han álpaðist ekki á hjólinu til Selfoss.  Þvagleggurinn hefði verið tekinn á hann.  Ég er svo viss um það.

Bæsikkúl!

Úje

Handtekinn vegna ölvunar á reiðhjóli

Athugasemdir

[Ásthildur Cesil Þórðardóttir, 7.9.2007 kl. 10:19]

Já það er best að vera bara á tveimur jafnfljótum, þegar maður hefur fengið sér í glas.

[Jenný Anna Baldursdóttir, 7.9.2007 kl. 10:22]

Muhahaha

[Jenný Anna Baldursdóttir, 7.9.2007 kl. 10:23]

Eða í hjólastól Ásthildur.  Svoleiðis farartæki hefði hentað mér ágætlega þarna áður en ég fór í meðferð.  Hefði ekki verið huggulegt að vera tekin drukkinn á rafknúnum hjólastól?

[Jónas Guðmundsson (IP-tala skráð) 7.9.2007 kl. 11:08]

Hmmm... ég fór á pöbbarölt á reiðhjóli einu sinni. (Ég tek það fram eð ég er hjólreiðamaður með nokkra reynslu, og nota hjólið mjög mikið.)  Ég gerði þetta bara einu sinni.  Ég komst að því hjóla drukkinn er jafnvel hættulegra en að aka drukkinn. Fyrir utan það, að rétt sleppa fyrir horn með það að detta á fullri ferð, nokkrum sinnum, þá munaði minnstu að ég hjólaði fyrir bíl sem mér sýndist á mikið hægari ferð en raun var.  Hefði ég orðið fyrir honum, hefði það verið sagan öll, hér á jörðinni a.m.k.   Svo, snillingar, sem haldið að þetta sé sniðugt.  Farið með bænirnar, og kveðjið alla sem skipta máli, áður en þið stígið drukknir á reiðhjól.

[Jenný Anna Baldursdóttir, 7.9.2007 kl. 11:22]

Jónas þorrí en fliss, fliss.  Þetta er krúttlegt hjá þér.

[Jóna Á. Gísladóttir, 7.9.2007 kl. 12:49]

Einhvern tíma í fyrndinni var vinur minn drukkinn á reiðhjóli og ákvað sér til gamans að taka nokkra hringi á hringtorgi. Hjólaði hring eftir hring eftir hring... þangað til löggan stoppaði hann.

hehe rafvirkinn góður