KONA Í VONDUM MÁLUM

 

Síminn hringdi rétt áðan, þar sem ég sat í rólegheitum og las blogg og var nýbúin að segja bless við Maysu og Oliver, sem voru hér í heimsókn.  Ég sagði halló og..

Ókunnugur maður (ÓK): Heyrðu ég er búinn að reyna að möndla apparatið til og hef legið yfir því í allan morgun og þetta er ekki að virka (gargandi úr reiði).  Þú skalt ekki halda Margrét að ég ætli að sætta mig við þessa afgreiðslu og nú hef ég ekki tíma til að panta nýtt ætem og veturinn að koma.

Ég: Ha??

ÓK: Þú sagði að þetta væri klaufaskapnum í mér að kenna, og það segir mér að þú veist ekkert um vöruna sem þú ert að selja, að þú ert ómerkileg í viðskiptum og ég ætla ekki að láta bjóða mér þetta (slegið í vegg).

Ég: Heyrðu...

ÓK: Nei góða, það þýðir ekkert að fara í massíva vörn, ég er á leiðinni út í bíl með þetta ömurlega apparat og ég ætla að fá borgað til baka og það þýðir ekki að reyna að búllsjitta mig einu sinni enn. (Bang-Pang síma skellt á, skruðningur óbærilegur í eyra).

Nú sit ég og hef áhyggjur af Margréti sölukonu sem er í vondum málum, í þessum skrifuðu orðum.

Kræst!

Úje

Athugasemdir

[Hildigunnur Rúnarsdóttir, 30.8.2007 kl. 16:28]

úpps :D :D :D

[Hrönn Sigurðardóttir, 30.8.2007 kl. 16:32]

hehehehehe vonandi er Margrét búin að loka í dag.....

[Sunna Dóra Möller, 30.8.2007 kl. 16:55]

...vesalings konan á ekki von á góðu...en hvaða apparat og ætem ætli þetta sé, sem er svona ofsalega lélegt??? Nú vaknaði forvtnin mín

[Birna Dis Vilbertsdóttir (IP-tala skráð) 30.8.2007 kl. 16:59]

Hahahahaha. Ætli hann átti sig á því að hann hringdi ekki í Margréti ?hahahahaha.  Aumingja Margrét

[Jenný Anna Baldursdóttir, 30.8.2007 kl. 17:01]

Ég var að velta því fyrir mér hvort þetta væri súrheysbrennslutæki.  Hm..

[Bryndís R (IP-tala skráð) 30.8.2007 kl. 17:19]

Obbosí. Aumingja konan.

[Sunna Dóra Möller, 30.8.2007 kl. 17:27]

Súrheysbrennslutæki....LOL....hvernig datt þér nákvæmlega þetta í hug.......Nú flissaði ég upphátt hérna ein fyrir framan tölvuna!

[Heiða B. Heiðars, 30.8.2007 kl. 17:32]

Haha!! Æðislegt að fá skammir sem maður á ekki! Amk betra en skammir sem maður skilið.... ætla ekki að nefna neinar blaðagreinar sérstaklega

[Ásthildur Cesil Þórðardóttir, 30.8.2007 kl. 17:50]

Þetta símtal gæti hafa bjargað deginum fyrir Margréti.  En hann hefur áttað sig á að hann hringdi í vitlaust númer, er hann á nálum um hvert hann hringdi og getur ekki verið eins reiður fyrir vikið.  Veit ekkert hver tók á móti símtalinu... nema hann sé bloggari náttúrulega hehehehe...

[halkatla, 30.8.2007 kl. 18:01]

ótrúlega fyndið, Margrét á ábyggilega eftir að hakka hann í sig, við skulum ekkert vera að velta okkur uppúr áhyggjum af henni blessaðri

[Ásdís Sigurðardóttir, 30.8.2007 kl. 18:47]

Bráðgóð færsla.  Gaman að lenda í svona uppákomum.

[Jóna Á. Gísladóttir, 30.8.2007 kl. 18:55]

Margrét mín....

[krossgata, 30.8.2007 kl. 19:39]

Karl greyið, hann verður enn reiðari þegar Margrét "þykist" ekkert vita af neinu símtali eða að hann hafi haft samband og kannski fer hann að verða hræddur um eigin geðheilsu og kannski hann það hafi bara hringt í höfðinu á honum. 

[Jenný Anna Baldursdóttir, 30.8.2007 kl. 21:29]

Við ræðum engar útgáfur hér Heiða mín, hm Þetta var reyndar ekkert skemmtilegt, en lærdómsríkt var það.