HÁVAÐINN Í HORNINU!

Ég þoli ekki ömmufordóma.  Ömmur prjóna, baka, skakklappast um á flókaskóm og róa fram í gráðið.  Arg.  Ömmur nútímans eru ekki svona, varla langömmurnar.  Við erum ungar, flottar, "þroskaðar" betur vitandi en mæðurnar (jeræt) og við lítum á það sem forréttindi að fá að vera sem mest með barnabörnunum okkar. 

Við erum útivinnandi, heimavinnandi, lesandi, skrifandi, rífandi kjaft, í pólitík og fjallgöngum (ekki ég nóveihósei), og síðast en ekki síst, þá erum við nettengdar með attitjúd ef því er að skipta.  Við neitum því að leggja upp laupana, við erum að upplifa nýtt þroskaskeið, hið mikilvægasta af öllum.  Við erum miðaldra á öllum aldri.

Ég krullaðist upp þegar ég las viðtengda frétt, þó krúttleg sé, því viðkomandi amma þurrkar þvottinn á tölvugræjunum heima hjá sér, en það þykir rosa krúttlegt og merkilegt að amman skuli vera með súpernettengingu.

Hoppið inn í nútímann gott fólk.  Tími okkar ammanna er runninn upp og við munum beita áhrifum okkar til hins ýtrasta, á barnabörnin, að sjálfsögðu til góðs.

Við erum stærð í jöfnunni og það verður að reikna með okkur.

Við erum hávaðinn í horninu.

Samfélagið verður ekki samt aftur.

Ekkertammansiturhokinníhorninuoggerirskyldusínaneitt!

We are gonna take over the world!

Újejejejeje

 

 

Vel tengd amma

Athugasemdir

[Birna Dis Vilbertsdóttir (IP-tala skráð) 26.8.2007 kl. 15:59]

Þegar ég var 150 kg kenndi ég lítilli frænku minni ( hún var tveggja og hálfsárs þá) að ég héti Birna-kroppur. Það útskýrir e-malið mitt. Í dag er ég amma kroppur. Amma-kroppur hefur áhuga á öllu mögulegu og prjóna og baka og er tengd og syndi og er æðisleg eins og hinar ömmurnar. Ég verð líka svona þegar ég verð 90 ára ömmu-kroppur og verð sjálfsagt kölluð ömmu-krútt  

[Þröstur Unnar, 26.8.2007 kl. 16:03]

Aumingja afarninr......óþekkt stærð í ömmujöfnunni?

[Jenný Anna Baldursdóttir, 26.8.2007 kl. 16:10]

Afarnir verða að skilgreina sig sjálfir Þröstur.  Vorkennir þú öfunum?

[Sunna Dóra Möller, 26.8.2007 kl. 16:17]

Áfram ömmur.....ég ætla að verða svona flott amma...enda á ég strák sem er að fara að fermast...ég gæti teoretískt séð orðið amma á næstu.....árum... ! Ég geri ekkert endilega ráð fyrir því ...en það gæti gerst og þá ætla ég að vera með í alheimsyfirráðunum.....kánt mí in....!

[Sigga (IP-tala skráð) 26.8.2007 kl. 16:27]

Ég prjóna ekki vegna þess að ég nenni því ekki, finnst það leiðinlegt.  Ég baka bara fyrir jólin, ræ ekki fram í gráðið eða húki úti í horni og svo finnst mér flókaskór ömurlegur skófatnaður.  Mæli frekar með háhæluðum skóm.  Ég er amman sem leik við barnabörnin og fíflast í þeim, færi þeim eitthvað sniðugt og skemmtilegt þegar ég kem frá útlöndum.  Svo hangi ég á netinu og ríf kjaft, get orðið skaðræðisgripur ef út í það er farið, ég tala nú ekki um ef ég hef sloppið í rauðvínsflöskuna.  Ég stefni á heimsyfirráð líka svo þú getur talið mig með.

[Jens Guð, 26.8.2007 kl. 16:31]

  Já,  ég fór einmitt að hugsa um það hvort afar hafi enga svona staðla?

[Ásdís Sigurðardóttir, 26.8.2007 kl. 16:41]

Grannies rool teh world, við erum bara langflottastar.

[Þröstur Unnar, 26.8.2007 kl. 17:19]

Já Jenný .....pínulítið. Samkvæmt þessari fréttatilkynningu frá þér gætu þeir orðið soldið einmana, miðað við annríki ammanna.

[Bjarndís Helena Mitchell, 26.8.2007 kl. 17:23]

LOL, nú hlakkar mig til að verða amma!! Þá verð ég loksins "inn".

[Ásthildur Cesil Þórðardóttir, 26.8.2007 kl. 17:47]

Frú Jenný tek hér undir hvert orð, punktur og basta.

[Guðríður Hrefna Haraldsdóttir, 26.8.2007 kl. 18:18]

Ömmur og afar eru flottust! Mikið hlakka ég til að verða amma! Fannst alveg dásamlegt að upplifa ömmu í upphlut bakandi pönnukökur ... en mín eigin móðir verður aldrei þannig amma. Nýhætt að vinna úti og nú liggur hún og les þegar hana lystir, kaupir sér pæjuföt og ferðast. Næsta kynslóð á eftir (við) verður ekki prjónandi í ruggustól heldur ...

[Kristín M. Jóhannsdóttir, 26.8.2007 kl. 18:19]

Jenný, þú ert skáld! Þetta er flottasti ömmuvarnaðartexti sem ég hef nokkrum sinnum séð.

[Jenný Anna Baldursdóttir, 26.8.2007 kl. 18:23]

Stelpur mínar brettið upp ermarnar, það er komið að því.  Muhahaha

[Anna Ólafsdóttir (anno) (IP-tala skráð) 26.8.2007 kl. 18:24]

Ér er ekki komin lengra í ömmustandinu en að vera skáamma. Eftir þennan lestur er ég nú bara farin að hlakka til að verða svona ung

[Anna Ólafsdóttir (anno) (IP-tala skráð) 26.8.2007 kl. 18:25]

PS. ég meina þroskuð

[Anna Ólafsdóttir (anno) (IP-tala skráð) 26.8.2007 kl. 18:25]

PS. ég meina ... amma

[Jenný Anna Baldursdóttir, 26.8.2007 kl. 18:40]

Hehe

[Jóna Á. Gísladóttir, 26.8.2007 kl. 19:08]

ég er bara nýbúin að komast almennilega inn í mömmuhlutverkið. Hjálp.

[krossgata, 26.8.2007 kl. 19:25]

Ég er amma, kann að prjóna, hekla, sauma út, baka, elda, róa fram í gráðið og er flink við þetta allt.  Geri það bara ekki.  Ég er amma rokk og kynni barnabörnin fyrir alvöru rokki, pússla og sparka jafnvel bolta (það geri ég bara fyrir barnabörn).  Ég er nettengd og dauðöfunda þessa sænsku af ofurtengingunni.

[Edda Agnarsdóttir, 26.8.2007 kl. 19:40]

Voðalegt ömmugól er þetta - enda erum við allar orðnar kedlingar!