SAVING PRIVATE HUBBARD

Að þessu sinni er ekki um bíómynd að ræða heldur ískaldan raunveruleikann.  "Hermaður Hubbard" fær að fara heim frá Írak vegna þess að stríðið hefur tekið báða bræður hans og engin systkini því eftir nema hann.

"Bandarískur hermaður fær að fara heim frá Írak í samræmi við reglu, sem gerir ráð fyrir að hermenn fái lausn frá herþjónustu ef systkini hans láta lífið og þeir eru einir eftir úr systkinahópnum. Tvær bræður mannsins hafa látið lífið í Írak."

Ég skil ekki stríð.  Mun aldrei gera og það heldur svo sem ekki fyrir mér vöku.  Hins vegar er hvert mannslíf svo dýrmætt og í stríði er bara sóun á þeim, og það gerir mig svo dapra.

Þeir hafa mikið á samviskunni stríðsherrar heimsins.

Hvort sem er í Whasington, Darfur eða Ísrael.

ARG

Fær að fara heim frá Írak eftir að bræður hans féllu þar

Athugasemdir

[Bjarndís Helena Mitchell, 26.8.2007 kl. 00:41]

Nei, ég skil ekki þessi stríð heldur. Vildi að ég kynni töfralausn til að stríðandi ríki finni sátt og frið. Enn verra finnst mér að stríð skuli vera heyjað í nafni þess að koma á friði. Öfugsnúin aðferð í það minnsta og sýnir sig og sannar að þetta virkar ekki. Vindur bara upp á sig. Oj, en gott að stráksi fær að fara heim og vera eina eftirlifandi barn foreldra sinna. Þvílík sorg samt sem áður sem þegar er komin til þessarar fjölskyldu.

[Jóna Á. Gísladóttir, 26.8.2007 kl. 01:01]

maður hristir bara hausinn. Undir slagorðinu God bless America og allt fyrir föðurlandið eru þúsundir ungmenna send út í opinn dauðann og stríðsherrar heimsins sitja heima og fylgjast með úr fjarlægð. Ungmennin sjá það í barnslegum hillingum að berjast fyrir föðurlandið og verða hetjur. Þetta er svo sorglegt.

[Jenný Anna Baldursdóttir, 26.8.2007 kl. 01:04]

Já stelpur ég gæti gengið af göglunum.  ARG.

[Jenný Anna Baldursdóttir, 26.8.2007 kl. 01:05]

LOL göflunum, meina ég

[Jóna Á. Gísladóttir, 26.8.2007 kl. 01:14]

ég gæti líka gengið af göglunum... og ekki síður göflunum

[Jenný Anna Baldursdóttir, 26.8.2007 kl. 01:26]

Hvað ertu að ærslast þarna stelpuskömm?  Þú átt fyrir löngu að vera farin að sofa.

[Anna Ólafsdóttir (anno) (IP-tala skráð) 26.8.2007 kl. 01:26]

Burtséð frá þessu máli sem lýsir reyndar vel ömurleika stríðs þá er Búski kominn í verulega vonda stöðu með afstöðu sína til áframhaldandi veru hermannanna í Írak. Þeim fjölgar á hverjum degi flokksbræðrum hans sem segja honum að kalla heim herliðið og hann er eiginlega kominn út í horn með þessa vitleysu sína.

[Jenný Anna Baldursdóttir, 26.8.2007 kl. 01:28]

Já en hvað ætli það þurfi mörg mannslíf (ekki bara að meina BNA-menn til áður en hann haskar sér í það?  ARG