HLANDVOLGT OG LEYFILEGT

Ég skellti upp úr núna áðan þegar ég rakst á viðtengda frétt.  Það  er í alvörunni búið að fjarlæga kælirinn úr Vínbúðinni í Austurstræti, að ósk borgarstjóra í Reykjavík.  Hann fór líka fram á að hætt yrði að selja bjór í stykkjatali í Vínbúðinni en þeir voru ekki til í að láta þá ósk rætast. 

Nú þegar kælirinn í Vínbúðinni er horfinn á braut, mun áfengisneysla í miðborginni leggjast af og Austurstræti mun verða algjörlega laust við "ógæfumenn" eins og borgarstjórinn kallar fullu kallana í Strætinu.

Þ.e. þangað til að 10-11 ásamt öðrum verslunum fær leyfi til að selja áfengi allan sólarhringinn í götunni, en Vilhjálmur er yfirlýstur stuðningsmaður þess að leyfa sölu áfengis í stórmörkuðum.

Vilhjálmur Þ. Vilhjálmsson er í stjórn S.Á.Á. og þess vegna kom mér á óvart að hann sendi drykkjumönnunum í Strætinu svona kaldar kveðjur.  Ég hélt að með langri setu sinni í stjórn S.Á.Á. væri hann upplýstur um sjúkdóminn alkahólisma.

Nú geta strákarnir keypt bjór í Vínbúðinni, að vísu hlandvolgan, og það gerir auðvitað gæfumuninn.

Veikmíöppæmöstbídríming!

Úje

 

Kælirinn fjarlægður úr vínbúðinni í Austurstræti

Athugasemdir

[Sunna Dóra Möller, 22.8.2007 kl. 09:37]

Frábært að sjá svona plön hjá ráðamönnum sem munu svínvirka gegn miðbæjarvandanum! Um að gera að ráðast að rótum vandans sem er hinn illi kælir í vínbúðinni í Austurstræti! Nú er stóri, vondi kælirinn farinn og allt verður rólegt og gott ......eða ekki!

[Jenný Anna Baldursdóttir, 22.8.2007 kl. 09:50]

Híhí

[Birna Dis Vilbertsdóttir (IP-tala skráð) 22.8.2007 kl. 09:51]

Þá er bara að rölta í 1ö-11 og kaupa dropa. Nei án gríns þetta er hallærislegt og leysir engan vanda. Hvað með þyrsta túrista? eiga þeir þá að rogast með heilu kippurnar. VOLGAR ? Ekki að mér finnist bjór góður. Bjór er einn mesti ógeðdrykkur sem ég hef látið inn fyrir mínar varir. Volgur eða kaldur breytir engu  Og lyktin af honum  

[Ásdís Sigurðardóttir, 22.8.2007 kl. 10:39]

Já, nú er alheimsvandinn leystur, banna kaldan bjór í stykkjatal, svínvirkar örugglega. Sá sem drekkur á annað borð bjór og langar MIKIÐ í hann lætur sig bara hafa að hann sé volgur.  Þetta er  náttl. bara grátlega asnalegur gjörningur.

[Heiða B. Heiðars, 22.8.2007 kl. 10:41]

Óþolandi! OHhhhhhh ég er í stanslausu pirringskasti þessa dagana! Hvaða djö.... fasistaþjóðfélag er þetta eiginlega???

[Jenný Anna Baldursdóttir, 22.8.2007 kl. 10:43]

Heiða við myndum stuðninghóp hinna "herptu handavinnupoka".  ARG ég er líka pirraðri en mér er hollt.

Villi er samt svaka voldugur.  Getur sagt Vínbúðinni fyrir verkum.  Váá hvað það myndu margir vilja vera í hans sporum stelpur.

[Hildigunnur Rúnarsdóttir, 22.8.2007 kl. 10:49]

hahaha, góður!

Hef lengi sagt að Sjálfstæðismenn eru mestu forsjárhyggjumenn landsins.

[Sunna Dóra Möller, 22.8.2007 kl. 11:43]

*pirrrr*......ég hélt að ég væri ein um að vera pirruð þessa dagana.......það er búið að vera allt of mikið af fíflum í kringum mig ! Fólk er bara ekki alltaf að fatta sko....Og þessi gjörningur borgarstjóra er svo vitlaus að ég bara brosi í gegnum tárin!!   !

[Katrín Snæhólm Baldursdóttir, 22.8.2007 kl. 12:05]

Er það nema von að samfélgið fari fjandans til þegar það er ekki vottur af helbrigðri skynsemi í ákvarðantökum sumra sem stjórna hérna....þetta er ekki einu sinni fyndið. Hvað næst....Taka úr umferð öll umferðarljós á gatnamótum því sumir eru hvort eð er litblindir og færu hvort sem er yfir á rauðu??? Og með þeirri gjörð að trúa því að umferðarslysum fækki??

Fólk sem býðyr sig fram til svona starfa verður að hafa virkan og vel starfandi heila..er það ekki??

[Bjarndís Helena Mitchell, 22.8.2007 kl. 12:06]

Frábært bara!! Fyrst má ekki kæla hann svo neyðist fólk til að kaupa fleiri en því langar í!! Fáránlegt bara.

[Jóna Á. Gísladóttir, 22.8.2007 kl. 13:22]

Villi Valdamikli!

Og þú ert ekkert að grínast með það að maðurinn sé yfirlýstur stuðningsmaður áfenigssölu í matvöruverslunum? (spyr sú sem ekki fylgist með manstu).

Hefur ekki áður komið í ljós að Villi sé ruglaður? Það er eins og mig minni það.

BTW, Tollstjórinn kom ekki

[Anna (IP-tala skráð) 22.8.2007 kl. 14:04]

Það er sko ekkert grín - Villi vill bjórinn og léttvínið í matvöruverslanirnar.  Gerir sér heldur ekki grein fyrir því að þá verða sterku vínin að fara líka í matvöruverslanirnar því annað hvort fer allt eða ekkert.  Það er ekki rekstrargrundvöllur fyrir vínbúðum með eingöngu sterkt áfengi.