STAUMURINN HEIM OG ALLIR Í SJOKKI

 

Bara smá fíflagangur með fyrirsögnina.  En skv.  Mogganum þá hefur umferðarstraumurinn úr Laugardalnum gengið vel fyrir sig.  Kannski er leiðin heim það besta við tónleikana. Hm..

Það sem ég sá var ekki neitt sérstakt og þá er ég nú frekar hógvær í dómum mínum.  En ég missti af Mugison og Pétri Ben og ég trúi Önnu bloggvinkonu minni (www.anno.blog.is) fullkomlega þegar hún segir að þeir hafi borið af. 

Við ræðum ekkert Stuðmenn, Bubba, Nylon, Helga Björns og fleiri hér á þessum fjölmiðli.  Látum það alveg liggja á milli hluta.

Annars var önnur bloggvinkona mín hún Garún eitthvað að tala  um að það væri sniðugra að fá lækkuð þjónustugjöld og svoleiðis kostnað niðurfelldan í staðinn fyrir einhverja tónleika sem landsbyggðin kemst ekki einu sinni á nema með einhverjum rosa tilkostnaði.  Ég er svolítið höll undir þá hugmynd.  Sting hér með upp á því.

Já, kannski var leiðin heim bara toppurinn á kvöldinu, þegar upp var staðið.

Fyrir suma að minnsta kosti.

Úje

Umferð gengur vel úr Laugardalnum

Athugasemdir

[svanþór (IP-tala skráð) 18.8.2007 kl. 02:47]

Fannst Bubbi standa sig vel.

[Eva Þorsteinsdóttir, 18.8.2007 kl. 03:49]

Heyrðu ... getur verið að dóttir þín búi í húsinu við hliðina á mér?

[Jenný Anna Baldursdóttir, 18.8.2007 kl. 07:10]

Ég held að hún sé nr. 28.  Held að það sé rétt hjá mér. 

[Rebbý, 18.8.2007 kl. 12:09]

tónleikarnir byrjuðu ágætlega en svo komu inn á milli mjög þreytt atriði, ekki að ég hefði getað gert neitt betur.
er sammála því að þeir hefðu getað gert margt annað við þessa fjármuni heldur en halda tónleika kvöldið fyrir menninganótt þar sem við fáum væntanlega að sjá þessa flytjendur séum við að leita að þeim.

[Eva Þorsteinsdóttir, 18.8.2007 kl. 15:43]

Ég er á 30 þannig að það passar. Litla systir var að segja mér frá því, því hún kannast við stelpuna þína ..... lítið land ;)

[Jenný Anna Baldursdóttir, 18.8.2007 kl. 15:47]

Já og Sara sagði mér að hún vissi hverjir krakkarnir væru.

[Eva Þorsteinsdóttir, 18.8.2007 kl. 15:52]

Krakkarnir mínir þá? Já, þau eru svolítið fyrirferðamikil ..... og mamman reyndar líka ;)

Systir mín heitir Fanný, vinkona hennar Unu.

[Jenný Anna Baldursdóttir, 18.8.2007 kl. 16:15]

Ji nú dey ég, rosalega er heimurinn lítill.  Og veistu hvað Eva, þú bilast.  Mamma hennar Unu er systir hálfsystur minnar.  Við eigum sum sé sömu systur.  Arg ég dey og skrifa svo bók.  Muhahahaha.

Ég fer nottla beint í símann og yfirheyri Söru um Fanneyju.  Ekki spurning.

[Jenný Anna Baldursdóttir, 18.8.2007 kl. 16:16]

SKo við komumst að því um daginn, þetta með sameiginlegu systurina.  Það er ekki í lagi með öll þessi tengsl allsstaðar.

[Eva Þorsteinsdóttir, 18.8.2007 kl. 16:45]

Þetta blessaða litla land okkar ;)

Hún systa heitir Fanný með ý ekki ey, já það ruglast allir á þessu. Það er sko alveg á hreinu að auðvelt er að finna tengsl milli allra á þessu skeri ..... :)

[Jenný Anna Baldursdóttir, 18.8.2007 kl. 16:55]

Ok náði þessu og tek til greina.  Smjúts.