Á MORGUN ER ÞAÐ JÓMFRÚIN

Á morgun ætla ég að fara á Jómfrúna og hlusta á djass.  Ég ætla líka að hitta vinkonu mína (eða binkonu eins og Jenny Una segir).  Mér er sagt að það verði gott veður á morgun, eins gott því ég ætla ekki að sitja með hárið út í allar áttir eltandi sígarettuna mína í kulda og trekk. 

Pabbi hennar Jenny Unu, hann Erik Quick er að spila og auðvitað fer maður og hlustar á sitt fólk.  Jenny kemur líka og hún ætlar svo að koma heim með ömmunni og gista.  Foreldrarnir eru nefnilega að fara út að borða annað kvöld.

Í gær þrykkti Jenny bókinni sem hún hélt á í gólfið (ekkert frek sko, bara með smá skap svona) og pabbi hennar sagði við mömmu hennar lágum rómi: "Sjáðu svipinn á þeirri stuttu, hún er með samviskubit" (yfir að hafa hent bókinni sko).  Þá gall við í hinu ofurskýra og ákveðna barni sem er greinilega með eyrun í fínu standi: "É´r ekki samiskubit, ég er Jenny Una Eriksdóttir!!

En segið mér eitt. er nokkuð búið að banna reykingar utanhúss í miðbænum?

I´m just wondering!

Úje

 

Athugasemdir

[Eva Þorsteinsdóttir, 18.8.2007 kl. 00:04]

Ertu að kvarta yfir roki já .... hér er fellibylatímabil skal ég sko segja þér!

Börn fá ekki samviskubit .... þau búa það bara til hjá foreldrunum ;)

[Eva Þorsteinsdóttir, 18.8.2007 kl. 00:05]

Sæt litla skvísan!

[Guðríður Hrefna Haraldsdóttir, 18.8.2007 kl. 00:05]

Það fer alveg að líða að utanhússbanni, held ég. Saklausu fólki gæti örgla dottið í hug að fara að reykja þegar það sér kúl reykingamenn norpa úti í kulda og trekki í vetur með sígrettuna. 

[Jóna Á. Gísladóttir, 18.8.2007 kl. 00:10]

Þó það nú væri að maður færi ekki að skipta um nafn

[krossgata, 18.8.2007 kl. 00:11]

Snjallt barn.  Mér sýnist stefna í heilbrigðisvanda í heilbrigðiskerfinu þegar starfsfólk þarf að fara í öllum veðrum og vaða snjóinn í axlir langar leiðir til að reykja.

[Bjarndís Helena Mitchell, 18.8.2007 kl. 00:28]

Krúttið, góða skemmtun á morgun

[Edda Agnarsdóttir, 18.8.2007 kl. 01:24]

Ég vona að það verði engin Stuðmaður á Jómfrúnni á morgun - því þeir eða hann verður hakkaður í spað.

Annars góða skemmtun Jenný min og hafðu það gott með krúsindúllunni þinni!

[Jenný Anna Baldursdóttir, 18.8.2007 kl. 01:39]

Verður þú á Jónkunni Edda?  Þá hittumst við.  Úje

[Edda Agnarsdóttir, 18.8.2007 kl. 01:56]

Aldrei að vita nema mar líti við - annars er svo rosalega margt í boði! Góða nótt.

[Anna Ólafsdóttir (anno) (IP-tala skráð) 18.8.2007 kl. 01:59]

Nú, ég hélt þú myndir kannski bjóða þig fram sem staðgengil fyrir mig á Miklatúni annað kvöld, ætlarðu svo bara að vera í einhverju ömmustandi??? (ísmááfallikarl)

[Jenný Anna Baldursdóttir, 18.8.2007 kl. 02:09]

Vel að vera með Jenny Unu fram yfir flest Anna mín.  Svona er ég listræn.

[HAKMO, 18.8.2007 kl. 03:16]

hihi ákveðin ung dama. Ég vona að mín börn verði þannig . Kannski sjáumst við á morgun , ætla að kíkja á einhverja tónleika.Knús, mér finnst þú æðisleg

[Laufey Ólafsdóttir, 18.8.2007 kl. 08:51]

Jenný Una kemur alltaf meðbestu svörin! Sjáumst vonandi í bænum! ...og jú það má ann reykja úti! Vertu fegin að þeir fóru ekki að byggja yfir Laugaveginn. En sú vitleysa!

[Ingi Geir Hreinsson, 18.8.2007 kl. 09:58]

"Á morgun ætla ég að fara á Jómfrúna og hlusta á djass." FARA Á JÓMFRÚNA!!! Ég ætti að reyna að skrifa svona á mitt blogg. Ég yrði drepinn.  

[Jenný Anna Baldursdóttir, 18.8.2007 kl. 11:48]

Hahaha Ingi Geir, ég fattaði ekki að þetta gæti lesist á þennan máta.  Svona er ég óggisla saklaus.

[Rebbý, 18.8.2007 kl. 12:13]

ótrúlega saklaus kona með yndislega ákveðna ömmustelpu

[Jenný Anna Baldursdóttir, 18.8.2007 kl. 16:10]

Rebbý mín sbr. mína nýustu færslu þá er ég alltof saklaus. Híhí